Yeremiya 51:42 - Mandinka Bible

⁴² Baa le be waame la Babiloni kaŋ, a jiibaliŋ saŋaroolu be a muuri la le.

Yeremiya 51:42 ပူးပေါင်းရင်းမြစ်များ

Jabuuroolu 18:16

A ye a buloo saba ka bo naŋ santo, ka m muta, a ye n saba naŋ jii diinondiŋo kono.

Jabuuroolu 18:4

Saayaa wereŋolu ye n kuru le, kasaaroo jiibalimmaa ye n samba.

Jabuuroolu 42:7

I ye niikuyaa jiibalimmaalu le samba naŋ n kaŋ. N ka bumbuŋ kaŋo le moyi, meŋ dunta ñoo to. I ye mantooroo waamemaa le naati n kaŋ.

Jabuuroolu 65:7

I ye fankaasoolu la bumbuŋo tenkundi le, aniŋ ì jiibaliŋolu maakaŋo, i ye banku koteŋ moolu la maakaŋ baa tenkundi le.

Jabuuroolu 93:3

Fankaasoo jiibaliŋolu wulita, ì kumakaŋo junkuta, ì junkuta ka bumbuŋ.

Yesaya 21:1

Kiilaariyaa kumoo fele keñewuloo* ye baa maafaŋo la. Ko saafoñotoo niŋ semboo ka naa Nekefu* tundoo to ñaameŋ, kasaaroo ka bo naŋ keñewuloo kono wo le ñaama, ka bo bankoo to meŋ silaŋñaa warata.

Yeremiya 51:55

Nte Yaawe be Babiloni kenseŋyandi la le, ŋa a saatewo la maakaŋ baa deyindi. Kelediŋolu maakaŋo ka kuma naŋ ne ko jiibaliŋo, ì be sari kaŋ santo.

Esekiyeli 26:3

Wo kamma la Maarii Yaawe ye ñiŋ ne fo ko: “Ite Tire, m buloo be laa la i kaŋ ne, aduŋ m be banku jamaalu le wulindi la i kamma ko baa baliŋo ka wuli naŋ baa kono ñaameŋ.

Daniyeli 11:10

“Aramu mansa dinkewolu be kelediŋ jamaa baa le kafu la ñoo ma. Ì kono kiliŋ ne niŋ a la kelediŋolu waamemaa be naa, aduŋ ì niŋ keloo le be taa, ka ì jawoolu la tatoo boyinkaŋ.

Daniyeli 7:2

N na siiboo kono suutoo, ŋa a je le doroŋ foñoo feeta ka bo naŋ karoo bee la, a ye fankaasoo maamandi.

Daniyeli 9:26

Wo sanji nankamoo koolaa, Alla la maralilaa tombondiŋo be kasaara la le, aduŋ hani moo te seyi la a noo to. Maralilaa doo le be naa, meŋ na kelediŋolu be saatewo kasaara la, aniŋ Alla Batudulaa Buŋo. Saatewo la tumbuŋo waamemaa le be naa, aduŋ wo waatoo bee be ke la keloo le ti, ka kasaaroo samba naŋ, Alla ye meŋ nata.

Luka 21:25

“Aduŋ taamanseeroolu be tara la tiloo, karoo aniŋ looloolu bala. Baa niŋ jiibaliŋolu la maakaŋ baa be niitooroo niŋ jikilateyoo laa la nasiyoŋolu kaŋ.