Yeremiya 51:38 - Mandinka Bible

³⁸ A moolu be bumbuŋ na ñoo la le ko jatoolu, ì ye ŋuura ko jatadiŋolu.

Yeremiya 51:38 ပူးပေါင်းရင်းမြစ်များ

2 Samuweli 17:8

I ye a loŋ, i faamaa niŋ a la kewolu mu kelelaalu le ti, aduŋ ì be saŋarariŋ ne ko, ì ye jatadimbaa meŋ diŋolu suuñaa. Hani wo nte, i faamaa ye londoo soto keloo la karoo la le, a niŋ kelediŋolu te suutoo laa la dulaa kiliŋo to.

Jabuuroolu 34:10

Hani jatoolu ka foo le, aduŋ ì ka konko, bari moolu mennu jikita Yaawe la, feŋ kende buka ì dasa.

Jabuuroolu 58:6

Hee Alla, ì ñiŋolu kati ì daalu kono. Yaawe*, ñiŋ jatoolu saliŋolu kuntu.

Yesaya 35:9

Jata te tara la jee, sako daafeŋ saŋarariŋo si taama a kaŋ. Moo te ì je la jee. Moo kumakaariŋolu doroŋ ne be taama la jee.

Yesaya 5:29

Ì kumakaŋo ka munta le ko jatoo. Ì ka bumbuŋ ne ko jata mendiŋo. Ì ka ŋuura le, ì ye ì la suboo ñapinkaŋ. Ì ka a samba le, moo buka a taa noo ì bulu.

Yeremiya 2:15

Ì jatamaalu bumbunta i kamma le, ì ye i ŋuura, ì ye i la bankoo kenseŋyandi, ì ye i la saatewolu tumbuŋ, moo maŋ tu sabatiriŋ ì kono.

Jakariya 11:3

Ali maralilaalu woosii kaŋo moyi baŋ, ì la kallankeeyaa yeemanta le. Ali ali tuloo loo jatoolu kumakaŋo la baŋ, Yoridani Boloŋo wuloo tiñaata le.

Kiitindirilaalu 16:20

Bituŋ a ko a ye ko, “Samuuda, Filisitinkoolu ka naa i kaŋ ne!” Kabiriŋ a wulita siinoo la, a ye a miira le ko, a be taa le komeŋ a ka taa nuŋ ñaameŋ waati doolu la ka a faŋ kanandi. Bari a maŋ ñiŋ loŋ ko, Yaawe* bota a kaŋ ne.