Yeremiya 51:33 - Mandinka Bible

³³ Yaawe Alihawaa Maariyo, Banisirayila la Alla ye ñiŋ ne fo ko: “Dimmusuriŋ* Babiloni ka munta le siimaŋ toñonkadulaa, ì be a doriŋ-doriŋ kaŋ ne ka a denkundi foloo, a te hani mee la katiri waatoo be sii la.”

Yeremiya 51:33 ပူးပေါင်းရင်းမြစ်များ

Yesaya 21:10

Hee, n na moolu, Banisirayilankoolu, ì ye ali juru le ko munkoo. Ŋa a kankulaa ali ye le, ŋa meŋ moyi Yaawe Alihawaa Maariyo* la, Banisirayila la Alla.

Yoweli 3:13

Ali worotoolu sika ì kamma, katiri waatoo siita le. Ali ye ì dori ko wayini* yiridiŋolu, kaatu doridulaa faata le tep, yiridiŋ jiyo siyaata le fo a ka boŋ, ì la kuruŋyaa siyaata teŋ ne.”

Hoseya 6:11

“Ite Yahuuda, i fanaa jarabi waatoo be siloo kaŋ ne.

Mika 4:13

Yaawe naata a fo ko: “Dimmusuriŋ Siyoni, wuli i ye ì toñonka. M be neebinoo le faliŋ na i ye, ŋa jaawali worosoolu faliŋ i ye. I be banku jamaa le toñonka la, ka ke ko munku budewo. I be ì la ñapinkaŋ feŋolu samba la naŋ nte Yaawe le kaŋ, duniyaa Maariyo, aniŋ ì la sotofeŋolu.”

Matiyu 13:39

Jawoo meŋ ye ì fii, wo mu Seetaanoo le ti. Katiri waatoo mu duniyaa bandulaa le ti, aduŋ katirilaalu mu malaayikoolu le ti.

Matiyu 13:30

Ali ì bee bula, ì ye meŋ ñoo la fo katiri waatoo. Katiri waatoo la, m be a fo la katirilaalu ye le, ì si ñaamoolu foloo kafu ñoo ma, ì ye ì siti ka ì jani. Bari ì si siimaŋo kafu ñoo ma n na buntuŋo kono.’ ”

Habakuki 3:12

Kamfaa kono, i ŋalabaasita duniyaa bee kaŋ. Jusuboo kono, i ye bankoolu toñonka.

Amosi 1:3

Yaawe ye ñiŋ ne fo ko, “Damasiku moolu ye landatambi junube kuwolu le ke. Ì ye Kileyadi moolu toorandi le, komeŋ niŋ i ye moo toñonka niŋ toñonkarilaŋo* la. Wo kamma la n te ì jaraboo baayi la muk.

Yesaya 18:5

Kaatu janniŋ katiroo, niŋ firoo bee bota ka diŋ doroŋ, ì be soroŋolu kuntu la muroo le la, ì ye yiribulu biireeriŋolu jasi.

Yesaya 47:1

Yaawe* ko: “Ite Sunkutoo Babiloni, sii buutoo kono, Dimmusuriŋ* Babiloni, wuli i la mansasiiraŋo kaŋ, i ye sii bankoo to. Ì te i kumandi la yele mereŋo la kotenke, waraŋ sunkutu ñiimaa.

Yeremiya 51:32

ì ye a baa teyidulaalu muta le, ì ye dimbaa duŋ a tatoolu la, a kelediŋolu niŋ kijafaroo.”

Mika 4:12

Bari ì maŋ a loŋ, miiroolu mennu be Yaawe bulu, ì maŋ a la feere landiriŋo loŋ ko, a ye ì kafu ñoo kaŋ ne ka ì jarabi, ko siimaŋ kunsitoolu ka tembendi toñonkari dulaa ñaameŋ.