Yeremiya 51:29 - Mandinka Bible

²⁹ Babiloni bankoo be jarajara kaŋ, dimiŋ kuwolu ye a kirikirindi, kaatu Yaawe la natoolu mu kuu looriŋo le ti a kamma, ka a bankoo kenseŋyandi, moo te tara la siiriŋ jee.

Yeremiya 51:29 ပူးပေါင်းရင်းမြစ်များ

Yesaya 14:16

Mennu be i je la, be ì ñaa feetee la i kaŋ ne, ì ye i miira i ñiŋ labaŋñaa la: “Fo ñiŋ ne mu kewo ti, meŋ ye duniyaa maamandi, a ye mansamarali bankoolu jarajarandi,

Yesaya 24:20

Bankoo ka fiiloo ko siiratoo, a ka jiijaa ko jembereŋ be foño kono. A la balaŋo ye dunoo kuliyandi a kaŋ, fo a boyita, a maŋ wuli noo kotenke.

Yeremiya 10:10

Bari ite Yaawe le mu Alla tooñaa ti, ite le mu Alla baluuriŋo niŋ badaa-badaa Mansoo ti. I la kamfaa ka bankoo jarajarandi le, bankoolu buka i la jusukandoo dunoo taa noo.

Yeremiya 50:13

Nte Yaawe la kamfaa baa le be a tinna moo te sii la Babiloni kotenke, a be tu la kenseŋyaariŋ ne, moo-wo-moo tambita jee la, a kijoo be bo la le, a ye ciipuroo ke, ñiŋ kamma kasaara kuwolu mennu keta jee la.

Yeremiya 50:36

Hawusaroo be naa a juubeerilaa fanoolu kamma le, fo ì la tooleeyaa si loŋ, a be naa a kelejawaroolu kamma, fo ì si kasaara!

Yeremiya 50:43

Yaawe ko: “Babiloni mansakewo ye ì kibaaroo moyi le, a buloolu tuta yondiŋ. Kijafaroo le ye a muta, aniŋ dimiŋo ko tiŋ ye musu maa.

Yeremiya 50:45

“Wo to ali lamoyiri ke, nte Yaawe ye meŋ feere Babiloni kamma, ŋa meŋ nata Babiloninkoolu la bankoo kamma. Hani dindiŋolu, ì la koorewolu kono, ì be ì kuruntu la le taariŋ. Ì kafoo muumewo be teekumu la ì la mantoora kuwo la le.

Yeremiya 50:46

Ì muta tumoo maakaŋo be bankoo jarajarandi la le, ì wuurikaŋo ye moyi hani banku koteŋolu kaŋ.”

Yeremiya 51:26

“Bere te bo la i bala kotenke, ka ke fondamaŋ bere ti, waraŋ buŋ tonkonna bere ti, kaatu i be tu la kenseŋyaariŋ ne.” Yaawe le ye a fo.

Yeremiya 51:28

Ali bankoolu parendi a kamma keloo la, Mediya mansoolu, ì la maralilaalu, wolu noomalankoolu, aniŋ ì la mara bankoolu bee.

Yeremiya 51:37

Babiloni be ke la tumbuŋ tuŋolu le ti, a ye ke kunkuwuloolu la daakaa ti, a ye ke kijafara kuwo niŋ ciipuru feŋo ti, moo te tara la siiriŋ jee.

Yeremiya 51:43

A saatewolu be kenseŋyaa la le, a ye jaa ka ke keñewuloo* ti, moo te tara la siiriŋ jee, hadamadiŋ te tambi la niŋ jee la.

Yeremiya 8:16

Ŋà jawoolu la suwoolu nuŋ feekaŋo moyi naŋ Dani le, ì la suukewolu kumakaŋo le ka bankoo bee jarajarandi teŋ. Ì ka naa bankoo niŋ a konofeŋo bee le kunuŋ, Yerusalaamu saatewo, aniŋ mennu bee be a kono.”

Yoweli 2:10

Bankoo ka jarajara ì ñaatiliŋo la le, saŋo ye maamaŋ, karoo niŋ tiloo ye dibi, looloolu ye i dahaa maloo la.

Amosi 8:8

Ñiŋ baara jawoolu kamma la, duniyaa si jarajara, duniyaa moolu bee ye woosii. Bankoo bee si jarajara, a si jiijaa ko Nayili baajiyo ka ke ñaameŋ meŋ be Misira.”

Lankenemoo 18:2

A sarita santo niŋ sari baa la ko: “A boyita le, Babiloni saatee baa boyita! A naata ke seetaani jawoolu la sabatidulaa ti, a keta daakaa le ti noora jawu siifaa bee ye. A keta kunu jankubaloolu la taradulaa le ti, aniŋ kunoolu mennu konta.