Yeremiya 51:24 - Mandinka Bible

²⁴ “Ali faŋolu be a je la ali ñaa la le, m be juloo meŋ joo la Babiloni niŋ a banku moolu to, ì ye kuu jawoolu mennu ke Siyoni la.

Yeremiya 51:24 ပူးပေါင်းရင်းမြစ်များ

Jabuuroolu 79:10

Muŋ ne be a tinna bantala banku* moolu be a fo la ko, “Ì la Alla lee?” I la dookuulaalu yeloo boŋo juloo joo bantala banku moolu to, ǹ ñaa ye a je.

Yesaya 48:14

“Ali bee ye naa beŋ ñoo kaŋ, ali ye i lamoyi. Batufeŋ jumaa le ye ñiŋ kuwolu yitandi, mennu be naa ke la teŋ? Nte Yaawe ye meŋ kanu, wo le be n na feeroo taamandi la Babiloninkoolu kamma, a buloo be laa la ì kaŋ ne.

Yesaya 61:2

Yaawe ye n kii le ka a kankulaa ko a la maakoyiroo saŋo siita le, aniŋ a be juloo joo la a jawoolu to luŋo meŋ na. A ye n kii naŋ ne ka woosiilaalu sabarindi,

Yesaya 66:6

Ali a moyi, maakaŋo le ka bo naŋ saatewo kono, sari kaŋo ka bo Yaawe Batudulaa to! Yaawe kumakaŋo le mu, ka i joo a jawoolu to a ñaama.

Yeremiya 25:14

Banku jamaalu, aniŋ mansakee sembemaalu le be itolu Babiloninkoolu joŋyandi la. M be ì joo la ì kekuwolu la le, aniŋ ì buloolu la dookuwo.”

Yeremiya 50:10

Ì be Babiloni ke la ñapinkaŋ feŋo le ti, mennu bee ye a ñapinkaŋ, ì ye ì sawoo soto a la.” Yaawe le ye a fo.

Yeremiya 50:15

Ali wuuroo kumandi a ma karoo bee la, Babiloni ye a faŋ seyi le, a tatoolu boyita, ì ye a tata sansaŋolu boyi le. Nte Yaawe le la julujoo mu ñiŋ ti ko: Ali si juloo joo a to, a ye meŋ ke, ka wo ñoŋ ke a la.

Yeremiya 51:11

Yaawe ye Mediya mansoolu le suusundi ka Babiloni kele, kaatu a ye a nata le ka a kasaara. Wo le mu Yaawe la julujoo ti, a la julujoo ì to, ì ye meŋ ke a Batudulaa Buŋo* la. Ì ko, “Ali ali la kalabeñoolu melundi, ali ye ali la koteeroolu* ñafu!

Yeremiya 51:23

ka kantarilaa niŋ a la kooree juru i la, ka senelaa niŋ a la seneninsi juru i la, ka maralilaa niŋ a noomalankoo juru i la.”

Yeremiya 51:35

Siyoni moolu, ali a fo ko: ‘Allamaa ì ye fitinoo meŋ ke ǹ na, a dunoo ye laa Babiloni kaŋ.’ Yerusalaamu moolu, ali a fo ko: ‘Allamaa ì ye ǹ yeloo meŋ boŋ, a dunoo ye laa Babiloni kaŋ.’ ”

Yeremiya 51:49

“Fo Babiloni si boyi doroŋ, a ye Banisirayilankoolu faa meŋ ke, aniŋ a ye moolu mennu faa, duniyaa fannaa bee la.”

Yeremiya 51:56

Tiñaarilaa be naa a kaŋ ne, a be naa Babiloni le kamma, ì ye a kelejawaroolu muta, ì ye ì la kaloolu katiŋ-katiŋ, kaatu nte Yaawe mu julujoolaa le ti, m be juloo joo la le fo a ye sii.

Niikuyaa Suukuwolu 3:64

Yaawe, i si juloo joo ì to ka bo niŋ ì la baaroolu la.

Lankenemoo 18:20

“Ite Arijana, seewoo a la kuwo la. Moo senuŋolu, kiilaalu* aniŋ annabiyomoolu, ali bee ye seewoo, kaatu meŋ ye kuu jawoo ke ali la nuŋ, Alla ye kiitiyo laa a kaŋ ne.”

Lankenemoo 18:24

I buloo noota annabiyomoolu niŋ moo senuŋolu yeloo la le. Tooñaa, ite le buloo be wolu niŋ moo tilindiŋolu bee la saayaa koto, ì ye mennu faa duniyaa kono taariŋ.”

Lankenemoo 6:10

Ì sarita niŋ sari baa la ko: “M̀ Maarii Mansa Tallaa! Ite meŋ jankuta, ite meŋ mu tooñaa ti, fo i la kiitiyo be mee la le hani saayiŋ? Waati jumaa le i be moolu joo la, mennu ye ntolu faa?”