Yeremiya 51:20 - Mandinka Bible

²⁰ Yaawe ko: “Babiloni, i mu n na maritoo le ti, n na keleraŋo, ka bankoolu juru i la, ka mansamarali bankoolu juru i la,

Yeremiya 51:20 ပူးပေါင်းရင်းမြစ်များ

Yesaya 10:15

Bari, fo teeraŋo si a faŋo sikandi noo a maarii bulu, meŋ ka a sawundi, waraŋ seeroo ye a faŋo kibirindi a maarii ye, meŋ ka dookuwo ke a la? Fo dokoo si moo firifiri meŋ ye a sika, waraŋ babara kuntoo ye moo finjaŋ-finjaŋ?

Yesaya 10:5

Yaawe ko, “Kooroo be Asiriya mansa ye, n na kamfaa busamaa, aniŋ n na liparilaŋ dokoo be meŋ buloo kono.

Yesaya 13:5

Ì bota naŋ dulaa jaŋ baa le to, ka bo saŋ fatoolu daŋo to. Yaawe niŋ a la kamfaa le naata ka naa bankoo bee kasaara.

Yesaya 37:26

“Fo Sennakeribu maŋ a moyi baŋ ko, nte Yaawe le ye a kuwo londi waati jaŋ koomanto? Ŋa a feeroo landi le biriŋ juuna, ŋa meŋ timmandi teŋ saayiŋ, Sennakeribu ye saatee tatariŋolu ke tumbuŋolu ti.

Yesaya 45:1

Yaawe* ye ñiŋ ne fo Kirusi ye, a ye a la mansa meŋ tomboŋ ko: “Ŋa i bulubaa buloo muta le, aduŋ m be i maakoyi la le, ka bankoolu noo keloo la, ka mansoolu bondi ì la mansayaa to. M be siloo dii la i la le, i si a je, i te kalee la saatee dundaŋ daalu to.

Yesaya 8:9

Bantala bankoolu*, ali beŋ ñoo kaŋ, bari ali si tara dewundiŋ. Banku jamfariŋo moolu, ali i lamoyi! Ali i paree keloo la, bari ali si tara dewundiŋ. Tooñaa, ali i paree, bari ali dewuŋ.

Yeremiya 25:11

Ñiŋ bankoo muumewo be ke la tumbuŋo le ti ka kenseŋyaa. A niŋ a dandanna bankoolu be tara la Babiloni mansakewo la kaŋo koto le fo sanji taŋ woorowula.

Yeremiya 25:9

a fele, m be siyolu bee le kii la naŋ ka bo bankoolu mennu be maraa kara maafaŋo la. Ì be naa ñiŋ bankoo niŋ a moolu kamma le, a niŋ a dandanna bankoolu bee kafuriŋo. Ì niŋ n na dookuulaa, Babiloni mansakewo Nebukanesa le be naa. M be ì muumewo kasaara la le, ka ì kenseŋyandi, ka ì la kuwo ke kijafaroo ti, ka ke ciiputaa ti, ka ke badaa-badaa tumbuŋolu ti. Nte Yaawe le ye a fo.

Yeremiya 50:23

Babiloni bankoo, duniyaa bee keleraŋ maritoo, wo le katiŋ-katinta teŋ! Babiloni le kenseŋyaata teŋ ka ke bankoolu ye kijaboo ti!

Esekiyeli 21:11

Ŋa n na hawusaroo duŋ moo le bulu ka a muu tuloo la fo a ye malamala. A ye a daa diyaa le, fo a ka malamala, a ka naa ì bee le faa.

Esekiyeli 21:31

M be n na kamfaa kupi la i kaŋ jee le to ka n na kamfaa fijoo jindi i kaŋ. M be i duŋ na moo kuruŋolu le bulu mennu ye kasaaraloo noo baake.

Mika 4:12

Bari ì maŋ a loŋ, miiroolu mennu be Yaawe bulu, ì maŋ a la feere landiriŋo loŋ ko, a ye ì kafu ñoo kaŋ ne ka ì jarabi, ko siimaŋ kunsitoolu ka tembendi toñonkari dulaa ñaameŋ.

Mika 4:13

Yaawe naata a fo ko: “Dimmusuriŋ Siyoni, wuli i ye ì toñonka. M be neebinoo le faliŋ na i ye, ŋa jaawali worosoolu faliŋ i ye. I be banku jamaa le toñonka la, ka ke ko munku budewo. I be ì la ñapinkaŋ feŋolu samba la naŋ nte Yaawe le kaŋ, duniyaa Maariyo, aniŋ ì la sotofeŋolu.”

Nahumu 2:1

Ite Ninewe, boyinkannaa le ka naa wuli i kamma. Wuli ko, i ye i la tatoo kanta, i kali siloo kaŋ juubee. I tewo siti, i ye i looraŋo bambandi.

Jakariya 10:4

Maralilaalu be bo la itolu le kono, ì ye bambaŋ ko tonkonna beroo, ì ye loo ko tiriliisi* pikaloo, ì ye tiliŋ ko kalabeñoo.

Matiyu 22:7

Wo kamma la mansakewo kamfaata baake. A ye a la kelediŋolu kii ka wo moofaalaalu bee faa, aniŋ ka ì la saatewo jani.