Yeremiya 51:19 - Mandinka Bible

¹⁹ Bari Yaawe te wo ñaama, Yaakuba la Alla, kaatu ate le mu feŋo bee Daamansoo ti, a ye Isirayila lasiloo ke a la keetaafeŋo ti. A too mu Yaawe Alihawaa Maariyo le ti.

Yeremiya 51:19 ပူးပေါင်းရင်းမြစ်များ

Jabuuroolu 115:3

Ǹ na Alla be Arijana kono le, meŋ diyaata a ye, a ka wo le ke.

Jabuuroolu 135:4

Yaawe ye Yaakuba koomalankoolu tomboŋ a faŋo le ye, a ye Banisirayilankoolu ke a faŋo ye le komeŋ sanoo niŋ luuluwo.

Jabuuroolu 16:5

Nte la niiboroo ka bo ite Yaawe le bulu, aduŋ n suulafeŋo bee sumandiŋo be i bulu le. M baluuñaa be ite le bulu.

Jabuuroolu 33:12

Neemoo be bankoo le ye, meŋ na Alla mu Yaawe ti. Seewoo be moolu le ye, a ye mennu tomboŋ ka ke a taa ti.

Jabuuroolu 73:26

N jaatoo niŋ n sondomoo si kori noo, bari n sondomoo la bambaŋo be dendiŋ Alla le la. Ŋa ate doroŋ ne soto fo abadaa.

Jabuuroolu 74:2

I miira i la moolu la, i ye mennu tomboŋ waati jaŋ koomanto, i la moolu, lasiloo i faŋo ye meŋ kumakaa. I hakiloo ye bula Siyoni* Konkoo la, i ye daameŋ ke i taradulaa ti.

Yesaya 47:4

Ǹ kumakaalaa mu Banisirayila la Senuŋ Baa le ti. A too mu Yaawe Alihawaa Maariyo* le ti.

Yesaya 51:13

Fo ali ñinata nte Yaawe ali Daamansoo la le baŋ? Nte le ye saŋ fatoolu waree, ŋa bankoo fondamaŋo laa. Muŋ ne ye a tinna, ali ka tara silaŋ baa kono luŋ-wo-luŋ, ali toorandilaa la kamfaa kamma, meŋ be lafiriŋ ka ali kasaara? Ali toorandilaa la kamfaa maŋ ke tuus ti.

Yeremiya 10:12

Alla le ye bankoo daa a semboo la, a ye duniyaa sotondi a la ñaameŋo la, a ye saŋ fatoolu wanka ka bo a la londoo la.

Yeremiya 10:16

Bari Yaawe te wo ñaama, Yaakuba la Alla, kaatu ate le mu feŋo bee Daamansoo ti, a ye Isirayila ke a la keetaafeŋo ti. A too mu Yaawe Alihawaa Maariyo* le ti.

Yeremiya 33:2

Yaawe ye ñiŋ ne fo, ate meŋ ye duniyaa daa, a ye muluŋo ke a la, a ye a londi, aduŋ ate le too mu Yaawe ti, a ko:

Yeremiya 50:11

Yaawe ko: “Babiloninkoolu, n na keetaabankoo ñapinkannaalu, ali niŋ seewoo niŋ kontaanoo mu ñaa-wo-ñaa, ali ka sawuŋ-sawuŋ ko ninsiriŋo ka ke ñaamoo kaŋ ñaameŋ, ali ka kuma ko suukewolu,

Yeremiya 50:34

Bari ì Kumakaalaa bambanta le, a too mu Yaawe Alihawaa Maariyo le ti. A be loo la ì la kuwo la le famfaŋ, ka dahaa naati duniyaa ye, bari a be dahaabaliyaa le naati la Babiloninkoolu kaŋ.”

Yeremiya 51:5

M maŋ n koo dii Banisirayila niŋ Yahuuda la, nte Yaawe Alihawaa Maariyo*, ì la Alla, ì la bankoo be faariŋ ì la junube kuwolu la ñaa-wo-ñaa, ì ye mennu ke nte Banisirayila la Senuŋ Baa la.”

Niikuyaa Suukuwolu 3:24

N niyo faŋo ko, “Yaawe, ŋa ite dammaa le soto, wo to m be n jikoo loo la i kaŋ ne.”

5 Musa 32:9

Bari Yaawe taa, wo keta a la moolu le ti, Yaakuba koomalankoolu, wolu le mu a niyo ti.

1 Pita 2:9

Bari alitolu mu moo tombondiŋolu le ti, aniŋ Mansa la moolu, piriisiyaa be mennu bulu. Ali mu nasiyoŋ jankuriŋo le ti, Alla fansuŋ moolu. Ali mu ñinnu bee le ti, fo ali si a la kebaaroolu la waroo bankee, meŋ ye ali kumandi ka bo diboo kono, ka naa a la mala kaawakuuyaariŋo kono.