Yeremiya 50:45 - Mandinka Bible

⁴⁵ “Wo to ali lamoyiri ke, nte Yaawe ye meŋ feere Babiloni kamma, ŋa meŋ nata Babiloninkoolu la bankoo kamma. Hani dindiŋolu, ì la koorewolu kono, ì be ì kuruntu la le taariŋ. Ì kafoo muumewo be teekumu la ì la mantoora kuwo la le.

Yeremiya 50:45 ပူးပေါင်းရင်းမြစ်များ

Yeremiya 49:20

Wo to ali lamoyiri ke, nte Yaawe ye meŋ feere Edomu kamma, aniŋ ŋa meŋ nata Temaninkoolu kamma. Ì be ì bayi la le ko saajii koorewo, hani dindiŋolu niŋ moo koririŋolu.

Efesusinkoolu 1:11

Ka bo niŋ ate Kiristu le la, ǹ naata ǹ niyo fanaa soto keetaa to. Ñiŋ keta a faŋo la natoo le kaŋ, a ye meŋ feere biriŋ, meŋ ka kuwolu bee timmandi ko a la lafoo be ñaameŋ.

Kiilaalu 4:28

Ì ye kuwolu bee ke, i ye mennu feere i semboo niŋ i la lafoo kaŋ.

Yeremiya 37:10

Hani niŋ a ye a tara ali ye Babiloni kelediŋolu bee noo le, mennu ka naa ali kele, fo a tuta kee baramariŋolu doroŋ na ì la tiriliisoolu* kono, ì si wuli naŋ ì ye ñiŋ saatewo jani, fo a niŋ bankoo ye tembe.”