Yeremiya 50:39 - Mandinka Bible

³⁹ “Wo to keñewuloo daafeŋolu, ka taa suluwolu le be sabati la jee, kiikiyaŋolu fanaa ye sabati jee. Moo nene te sabati la jee kotenke, sako moo si sii jee, jamaani naalaalu bee kono.

Yeremiya 50:39 ပူးပေါင်းရင်းမြစ်များ

Lankenemoo 18:2

A sarita santo niŋ sari baa la ko: “A boyita le, Babiloni saatee baa boyita! A naata ke seetaani jawoolu la sabatidulaa ti, a keta daakaa le ti noora jawu siifaa bee ye. A keta kunu jankubaloolu la taradulaa le ti, aniŋ kunoolu mennu konta.

Yeremiya 25:12

Bituŋ niŋ sanji taŋ woorowula kumfaata, n si naa Babiloni mansakewo kuluu, aniŋ a la wo bankoo, meŋ mu Babiloninkoolu la bankoo ti. Ì la junuboolu kamma la m be a bankoo kenseŋyandi la le fo abadaa.

Yeremiya 51:43

A saatewolu be kenseŋyaa la le, a ye jaa ka ke keñewuloo* ti, moo te tara la siiriŋ jee, hadamadiŋ te tambi la niŋ jee la.

Yeremiya 51:26

“Bere te bo la i bala kotenke, ka ke fondamaŋ bere ti, waraŋ buŋ tonkonna bere ti, kaatu i be tu la kenseŋyaariŋ ne.” Yaawe le ye a fo.

Yesaya 14:23

Yaawe Alihawaa Maariyo ko, “M be bankoo ñiŋ ke la ballabaariŋo la dulaa le ti, a ye ke lewo ti. M be a fita la niŋ kasaara fitaraŋo le la.”

Yeremiya 50:3

Bankoo le be bo la naŋ maraa karoo la ka a kele, a ye a kenseŋyandi, moo te tu la siiriŋ jee, moolu niŋ beeyaŋolu bee le be bori la.”