Yeremiya 50:38 - Mandinka Bible

³⁸ Jaa be naa a baajiyolu kaŋ ne, fo ì si jaa kos! Kaatu a bankoo bee niŋ batufeŋolu le mu, ì ñaamaata jalaŋ jawoolu la kuwo la le.

Yeremiya 50:38 ပူးပေါင်းရင်းမြစ်များ

Lankenemoo 16:12

Malaayika wooronjaŋo ye a la booloo boŋ Yufurati Boloŋo kaŋ. Bituŋ a jiyo jaata kes, ka siloo parendi mansoolu niŋ ì la kelediŋ kafoolu ye, mennu ka bo naŋ tilibo maafaŋo la.

Yeremiya 50:2

“Kiilaariyaa kumoo bankee bankoolu kaŋ ka a kankulaa, bandeeroo wulindi, i ye a kankulaa. Kana a ke kulloo ti, a fo ko, ì be Babiloni muta la keloo to le! Jalaŋ Beli be bula la maloo kono le, wo jalaŋ Merodaki be jikilateyi la le! Babiloni batufeŋolu be bula la maloo kono le, a jalaŋ ñewundiŋolu ye jikilateyi!

Yesaya 44:27

Ŋa a fo le fankaasoo ye jaa, aduŋ m be a baalu jandi la le.

Yeremiya 51:52

“Wo kamma la, nte Yaawe ye ñiŋ ne fo ko: A be koyiriŋ ne ko, luŋolu be naa le, tuma meŋ m be Babiloni jalaŋolu kiitindi la, moo baramariŋolu ye tara ŋuntaŋ na a bankoo bee kaŋ.

Yeremiya 51:47

A be koyiriŋ ne ko, luŋolu be naa le, tuma meŋ na m be Babiloni jalaŋolu busa la, a bankoo muumeelaa be bula la malu kuwo kono le, a moo faariŋolu ye tara fatafatariŋ a kono.

Lankenemoo 17:5

Too be safeeriŋ a foŋo to meŋ mu kulloo ti ko, “Babiloni saatee baa, cakoolu aniŋ duniyaa haraamu kuwolu baamaa!”

Kiilaalu 17:16

Pawulu be Silas niŋ Timoti batu kaŋ Atene waatoo meŋ na, a niyo toorata jalaŋolu la kuwo to, ì la saatewo bee be faariŋ mennu la.

Daniyeli 5:4

Ì ye wayinoo miŋ, ì ye ì la jalaŋolu jayi, mennu dadaata sanoo la, kodiforoo, jaawaloo, newo, babaroo, aniŋ beroo.

Yeremiya 51:44

M be Babiloni jalaŋ Beli busa la le, a ye buusi feŋolu foonoo, a ye mennu kunuŋ. Duniyaa moolu te kuru la naŋ a nooma kotenke. Babiloni tata sansaŋolu be boyi la le.

Yeremiya 51:7

Babiloni tarata nte buloo kono le ko sani mindaŋo, duniyaa bee ye a miŋ fo ì keta tamaji. Bankoolu ye a la wayinoo* miŋ ne, a ye ì ñaamandi.

Yeremiya 50:12

bari ali wuluu bankoo be bula la maloo kono le, ate meŋ ye ali wuluu, dooyaaroo be laa la a kaŋ ne. A la kuwo le be dooyaa la bankoolu bee ti, a ye ke keñewula* jaaroo ti, aniŋ lewo.

Yesaya 44:25

N ka juubeerilaalu ke moo kuntaŋolu le ti, ŋa ì la taamanseeroolu ke faniyaa ti. N ka moo ñaamendiŋolu la kumoolu faniyandi, ŋa a yitandi ì la ko, ì la ñaameŋo mu kuntaŋyaa le ti.

1 Musa 8:1

Alla ye kalamutari ke Nuha la kuwo la le, wulakono daafeŋolu aniŋ beeyaŋolu, mennu bee be a fee kuluŋo kono. Alla ye foñoo bula naŋ duniyaa kono, bituŋ jiyo talaata.

Kiitindirilaalu 6:30

Bituŋ saatee moolu ko Yowasi ye ko, “I dinkewo samba naŋ. A ñanta le ka faa, kaatu a ye Baali la sadaabodulaa le boyi, a ye Asera jalaŋo fanaa kuntu, meŋ be Baali la sadaabodulaa daala.”