Yeremiya 50:37 - Mandinka Bible

³⁷ Hawusaroo be naa a suwoolu kamma le, aniŋ a keleraŋ sareetoolu, aniŋ a la banku koteŋ kelediŋolu bee kamma, fo ì si lamfu ko musoolu! Hawusaroo be naa a naafuloolu bee kamma le, fo ì si ke ñapinkaŋ feŋolu ti!

Yeremiya 50:37 ပူးပေါင်းရင်းမြစ်များ

Yeremiya 51:30

Babiloni kelejawaroolu ye keloo bula le, ì tuta ì la tatoolu kono, ì jikilateyita le, ì lamfuta ko musoolu. Ì ye a saatee dundaŋ daalu kati, ì ye dimbaa duŋ buŋolu la.

Nahumu 3:13

I la kelediŋolu juubee, ì bee keta musoo ti. Dimbaa ye i la bankoo naanewo sorondaŋolu bee jani, dulaa bee yeleta i jawoolu ye hakañi.

Yeremiya 51:21

ka suu niŋ a borilaa juru i la, ka keleraŋ sareeti* niŋ a borindilaa juru i la,

Yeremiya 48:41

Ì be saatewolu taa la le, ì ye tatoolu muta. Wo luŋo la, kijafaroo be Mowabi kelediŋ fatiŋolu muta la le, ko tiŋ ye musu maa.

Yeremiya 25:20

aniŋ sii ñaamiriŋolu mennu be sabatiriŋ ì kono, Usi bankoo fanaa mansoolu bee, ka taa Filisitini bankoo mansoolu bee, mennu be Asikeloni, Kaasa, Ekironi, aniŋ too meŋ tuta Asidodi,

Yesaya 19:16

Wo luŋo la Misirankoolu be muluŋ na le ko musoo, silaŋo ye duŋ ì la ka jarajara, niŋ Yaawe Alihawaa Maariyo ye a buloo teeka ì kamma.

Esekiyeli 30:5

“Kusinkoolu, Putinkoolu, Ludinkoolu, Araabuduunkoolu, Libiyankoolu, aniŋ n na laahidi banku moolu, ì niŋ Misirankoolu bee be faa la wo keloo le kono.”

Yesaya 45:3

Naafulu nukundiŋolu aniŋ mennu be maaboriŋ kulloo kono, m be ì dii la i la le, fo i si a loŋ ko, nte le mu Yaawe ti, Banisirayila la Alla, meŋ ye i kumandi i too la.

Hakayi 2:22

M be maralilaalu la mansasiiraŋo boyindi la le, aniŋ ka banku koteŋolu la semboo janjaŋ. M be keleraŋ sareetoolu* niŋ ì borindilaalu boyindi la le. Suwoolu niŋ ì borindilaalu be boyi la le, aduŋ ì dammaalu le be ñoo faa la niŋ hawusaroo* la.”

Nahumu 2:13

Yaawe Alihawaa Maariyo* ye ñiŋ kumakaŋo le fo Ninewe la kuwo to ko: “N niŋ i be janjuŋ na le! M be i la keleraŋ sareetoolu bee jani la le fo ì ye nunku lep. Hawusaroo le be i la kelediŋolu bee faa la. M be feŋolu bee buusi la ali la le, ali ye mennu ñapinkaŋ keloo kono. Wandi bankoolu nene te ali la kiilaa la kumakaŋo moyi la kotenke.”

Esekiyeli 39:20

Ì konoo be faa la suwoolu niŋ ì borindilaalu suboo le la, aniŋ kelejawaroolu niŋ kee kende siifaalu bee.” Maarii Yaawe le ye a fo.

Yeremiya 50:26

Ali naa naŋ ka Babiloni kele karoo bee la, ali ye a la siimaŋ buntuŋolu yele, ali ye a faŋo juruma duuma ko siimaŋ kesoo, ka a bee kasaara kewu, hani feŋ kana tu jee!

Yeremiya 25:24

Araabuduu mansoolu bee fanaa, ka taa sii ñaamiriŋolu la mansoolu bee, mennu be siiriŋ keñewuloo* kono,

Jabuuroolu 76:6

Kooni, biriŋ ite Yaakuba la Alla kumata ì ma, wo suuborindilaalu niŋ ì la suwoolu ye i laa le, ì sumaayaata dok.

Jabuuroolu 46:9

Yaawe ye keloo baŋ duniyaa karoo bee la, a ye kalabeñoolu niŋ sooroolu bee kati, a ye koteeroolu* jani dimbaa kono.

Yeremiya 51:4

Ì be ì furewolu landi la Babiloni bankoo kaŋ jee le, ì baramariŋo, a mbeedoolu kaŋ taariŋ.

Yeremiya 51:22

ka kee niŋ musu juru i la, ka keebaa kotoo niŋ kambaanendiŋ juru i la, ka kambaane niŋ sunkutu juru i la,

Yeremiya 50:10

Ì be Babiloni ke la ñapinkaŋ feŋo le ti, mennu bee ye a ñapinkaŋ, ì ye ì sawoo soto a la.” Yaawe le ye a fo.