Yeremiya 50:33 - Mandinka Bible

³³ Yaawe Alihawaa Maariyo ye ñiŋ ne fo ko: “Ì ye Banisirayilankoolu mantoora le, doolu fanaa ye wo ñoŋ ke Yahuuda moolu la, mennu ye ì samba mutoo kono, ì balanta ì fee kat, ì maŋ soŋ ì bula la ì ye seyi muk.

Yeremiya 50:33 ပူးပေါင်းရင်းမြစ်များ

Yesaya 14:17

kewo meŋ ye duniyaa ke keñewuloo* ti, a ye saatewolu turutumbuŋ, a maŋ soŋ a la mutamoolu ye seyi?”

Yesaya 58:6

“Hanii, n lafita ñiŋ suŋ siifaa le la, ka tilimbaliyaa jolomaa firiŋ, ka yookoo* firiŋ moo toorariŋolu kaŋ, ì ye dahaa, aniŋ ka dunoo bee bondi moolu kaŋ.

Yesaya 47:6

Kabiriŋ n kamfaata n na moolu kamma, m maŋ ì ke m faŋo taa ti kotenke, ŋa ì duŋ i bulu le, bari i maŋ balafaa soto ì ye. I ye duni kuliŋ baa laa keebaa kotoolu faŋo kaŋ ne.

Yesaya 51:23

M be a dii la i toorandilaalu le la, mennu ka a fo i ye nuŋ ko, ‘Boyi duuma fo ǹ si taama i kaŋ.’ I ye i laa ì ye bankoo to le, i mulunta ì ye ko mbeedoo, ì ka tara taama la i kaŋ.”

2 Musa 8:2

Niŋ i maŋ soŋ na ì bula la ì ye taa, m be i la bankoo bee mantoora la niŋ totoolu le la.

2 Musa 5:2

Firawoona kumata ko, “Jumaa le mu Yaawe ti? Muŋ ne ye a tinna, m be n lamoyi la a la, ka Banisirayilankoolu bula ì ye taa? M maŋ Yaawe loŋ, aduŋ m maŋ taa Banisirayilankoolu bula la ì ye taa.”

Yeremiya 50:7

Moo-wo-moo ye ì je, a ka i baluu ì la le, ì jawoolu ka a fo le ko, ‘Ntolu maŋ kasi ke, kaatu ì ye junuboo le ke Yaawe la, ì taradulaa tooñaa be meŋ fee, Yaawe, ì la alifaa foloolu jikoo.’

Yeremiya 30:20

Ì diŋolu be ke la le ko ì tarata ñaameŋ kotooke, ì jamaa moolu ye londi kuu n ñaatiliŋo la. M be ì toorandilaalu bee jarabi la le.