Yeremiya 50:31 - Mandinka Bible

³¹ Yaawe Alihawaa Maariyo ko: “M be looriŋ i kamma le, ite faŋ waralaa Babiloni, kaatu i la luŋo siita le, waatoo meŋ m be i jarabi la.

Yeremiya 50:31 ပူးပေါင်းရင်းမြစ်များ

Yeremiya 50:29

“Ali kalafayilaalu kili Babiloni kamma, moo-wo-moo ka kaloo ŋaaji ka a fayi. Ali a suki karoo bee la, hani moo kiliŋ kana kana. Ali a joo a la baaroolu la, a ye meŋ ke, ka wo ñoŋ ke a la. A ye a faŋ wara nte Yaawe kaŋ ne ka n sooki, Banisirayila la Senuŋ Baa.

Yeremiya 21:13

A juubee, m be i kele la le, ite Yerusalaamu, wulumbaŋo santo siilaa, ite meŋ be tintindiŋ konko beroo kaŋ.” Yaawe le ye a fo. “I ka a fo ko, ‘Jumaa le si ntolu boyinkaŋ noo, waraŋ jumaa le si duŋ noo ntolu la buŋolu kono?’

1 Pita 5:5

Wo ñaa kiliŋo la, alitolu fondinkewolu, ali soŋ alifaalu ma. Ali ye i fammajii ñoo ye. Ali bee si wo fammajiyo duŋ ali la feetoofatoo ti, kaatu “Alla ka balaŋ faŋ wara moolu ma le, bari moolu mennu ye i fammajii, a ka hiina wolu ma le.”

Yankuba 4:6

Bari Alla ye hiinoo meŋ dii, wo ka tu kafu la le doroŋ. Wo kamma la, a be safeeriŋ ne ko: “Alla ka balaŋ faŋ wara moolu ma le, bari a ka hiina moolu la le, mennu ye i fammajii.”

Nahumu 2:13

Yaawe Alihawaa Maariyo* ye ñiŋ kumakaŋo le fo Ninewe la kuwo to ko: “N niŋ i be janjuŋ na le! M be i la keleraŋ sareetoolu bee jani la le fo ì ye nunku lep. Hawusaroo le be i la kelediŋolu bee faa la. M be feŋolu bee buusi la ali la le, ali ye mennu ñapinkaŋ keloo kono. Wandi bankoolu nene te ali la kiilaa la kumakaŋo moyi la kotenke.”

Esekiyeli 39:1

Yaawe* ko: “Ite hadamadiŋo, kiilaariyaa kumoo fo Maralilaa Kooki ma, a fo a ye ko, nte Maarii Yaawe ye ñiŋ ne fo ko: A fele, m bulu be sii la ite Kooki ma le, Mesaki niŋ Tubali maralilaa.

Nahumu 3:5

Yaawe* Alihawaa Maariyo* ye ñiŋ ne fo Ninewe ye ko, “N niŋ i be janjuŋ na le! Ŋa i wura fefes, ŋa banku koteŋolu bula ì ye i kenseŋo je, mansamarali bankoolu ñaa ye loo i la malu kuwo kaŋ.

Esekiyeli 38:3

Yaawe, Mansa Tallaa ye ñiŋ ne fo ko: A fele, m buloo be sii la ite Kooki ma le, Meseki niŋ Tubali maralilaa.

Esekiyeli 29:3

A fo ì ye, Maarii Yaawe ye ñiŋ ne fo ko: Firawoona, m buloo be laa la i kaŋ ne, ite Misira mansa, ite meŋ mu bamba baa ti, meŋ ka tara laariŋ Nayili Boloŋo kono. I ka a fo le ko, ñiŋ Nayili Boloŋo mu ite le taa ti, aduŋ i ye a dadaa i faŋo le ye.

Esekiyeli 5:8

Maarii Yaawe ye ñiŋ ne fo ko: “A fele, m buloo be sii la ali la le. M be ali halaki la bantala banku moolu bee ñaatiliŋo la.

Yeremiya 51:25

“A juubee, m be looriŋ i kamma le, ite kasaaralilaa meŋ ye buŋ ko konkoo, ka kasaaroo ke duniyaa bee kono taariŋ. M be m buloo teeka la le, a ye laa i kaŋ, ŋa i birimintindi ka bo i turu jaŋo to naŋ, ŋa i jani fo i ye keremu.” Yaawe le ye a fo.

Yeremiya 50:32

Faŋ waralaa Babiloni si taki a ye boyi, moo te soto la ka a wulindi. M be dimbaa le duŋ na a saatewolu la, ka feŋ-wo-feŋ domo meŋ be a dandaŋo la.”

Yeremiya 48:29

“Ŋà Mowabi la faŋ waroo moyi le, a ye a faŋ wara baake ñaameŋ, ka a faŋ sikandi, a la faŋ waroo, a la konofaa, aniŋ a la sondome kufaŋo.

Lankenemoo 18:8

Wo kamma la, luŋ kiliŋ mantooroolu be boyi la a kaŋ ne, alibalaa kuuraŋo, woosiyo aniŋ konko jawoo. A be kasaara la niŋ dimbaa le la, kaatu sembe baa be Maarii Alla le bulu, meŋ ye a kiitindi.”

Yesaya 2:12

Yaawe Alihawaa Maariyo* ye luŋ ne tomboŋ, luŋo meŋ a be faŋ wara moolu, faŋ sikandilaalu, aniŋ kibiri moolu bee la kuwo jindi la.