Yeremiya 50:29 - Mandinka Bible

²⁹ “Ali kalafayilaalu kili Babiloni kamma, moo-wo-moo ka kaloo ŋaaji ka a fayi. Ali a suki karoo bee la, hani moo kiliŋ kana kana. Ali a joo a la baaroolu la, a ye meŋ ke, ka wo ñoŋ ke a la. A ye a faŋ wara nte Yaawe kaŋ ne ka n sooki, Banisirayila la Senuŋ Baa.

Yeremiya 50:29 ပူးပေါင်းရင်းမြစ်များ

Yeremiya 51:56

Tiñaarilaa be naa a kaŋ ne, a be naa Babiloni le kamma, ì ye a kelejawaroolu muta, ì ye ì la kaloolu katiŋ-katiŋ, kaatu nte Yaawe mu julujoolaa le ti, m be juloo joo la le fo a ye sii.

Yesaya 47:10

I laata i la kuruŋyaa la le, i ko, moo te i je la. I la ñaameŋo niŋ i la londoo le ye i filindi. I ka a fo i faŋ ye ko, ‘Nte doroŋ ne mu, doo koteŋ maŋ soto.’

Lankenemoo 18:6

Ali a joo ko a ye a ke ñaameŋ, jooroo dii a la siiñaa fula a la kebaara jawoolu to. Ali a ñaami a ye ko siiñaa fula mindaŋo kono, ali ye a naati a ye, ko a ye a ke ñaameŋ.

Daniyeli 4:37

Saayiŋ, nte Nebukanesa ye Arijana Mansoo tentu, ŋa a jayi, aduŋ ŋa a horoma le. A ka kuwo bee taamandi tiliŋo niŋ tooñaa le la, aduŋ niŋ moo-wo-moo ye a faŋ sikandi, a be a maarii jindi la le.

2 Musa 10:3

Wo to le Musa niŋ Haaruna taata Firawoona yaa, ì ko a ye ko, “Yaawe Hiburunkoolu* la Alla ye ñiŋ ne fo ko: I be i fammajii la n ye waati jumaa le? N na moolu bula ì ye taa, fo ì si m batu.

Lankenemoo 16:6

Moolu mennu ye i la moo senuŋolu yeloo boŋ, a niŋ annabiyomoolu yeloo, ite naata ì mindi niŋ yeloo le la. Ì jarita kuluuroo meŋ na, ì naata a soto le.”

2 Tesalonikankoolu 2:4

meŋ ka balaŋ feŋ-wo-feŋ na, moolu ka mennu batu. A ka a faŋ sikandi le ka tambi feŋolu bee la, a be hani sii la Alla Batudulaa kono le ka a fo ko, ate le faŋo mu Alla ti.

Daniyeli 11:36

“Meŋ diyaata Aramu mansa ye, a be wo le ke la. A be a faŋ sikandi la le, ka a faŋ wara alloolu bee ti. A be sookiri kuma baalu le fo la Alla Tallaa ma. A be wajabi la a kekuwolu kaŋ ne, fo Alla ye a la kamfaa jindi naŋ a kaŋ. Alla be meŋ ke la, wo te baayi la.

Daniyeli 5:23

I ye i la faŋ waroo tiliŋ Arijana Maarii la le, i ye a la Batudulaa Buŋo jooraŋolu samba naŋ i yaa. I niŋ i la ñaatonkoolu, ka taa i la musoolu, aniŋ i la kaŋ foroyandi musoolu, ye wayinoo miŋ ì kono. Ali ye jalaŋolu jayi le, mennu dadaata sanoo la, kodiforoo, jaawaloo, newo, babaroo, aniŋ beroo. Ñiŋ jalaŋolu buka i je, ì buka i moyi, sako ì si feŋ loŋ. Bari i maŋ Alla horoma, i niyo be meŋ bulu, aniŋ i taaraŋ siloolu bee.

Yeremiya 50:32

Faŋ waralaa Babiloni si taki a ye boyi, moo te soto la ka a wulindi. M be dimbaa le duŋ na a saatewolu la, ka feŋ-wo-feŋ domo meŋ be a dandaŋo la.”

Yeremiya 50:26

Ali naa naŋ ka Babiloni kele karoo bee la, ali ye a la siimaŋ buntuŋolu yele, ali ye a faŋo juruma duuma ko siimaŋ kesoo, ka a bee kasaara kewu, hani feŋ kana tu jee!

Yeremiya 50:24

Ite Babiloni, ŋa dooliŋo le laa i ye, a ye i muta, aduŋ i maŋ a loŋ. Ŋa i soto le, ŋa i ñankoŋ, kaatu i ka nte Yaawe le kele.

Yeremiya 50:9

A juubee, n ka banku sembemaalu le sukusuku Babiloni kaŋ, ì kafuriŋo ye bo maraa karoo la naŋ, ì ye tembe ka keledaalu muta a kamma, wo to le ì be jee muta la. Ì la kalabeñoolu ka munta le ko kelenoolaa la kalabeñoo meŋ buka foo, ka seyi bulu kenseŋ.

Yesaya 37:23

Sennakeribu bulata jumaa le la ka a neŋ? A ye a kaŋo sikandi ka sari jumaa le kaŋ? A ye a ñaalu wulindi kufaŋo kono nte le kamma, Banisirayila la Senuŋ Baa.

2 Tesalonikankoolu 1:6

Baawo a koyita le ko, Alla tilinta le, aduŋ moolu mennu ka ali batandi, a be wolu joo la niŋ bataa kuwolu le la.

Yeremiya 51:3

Ali Babiloni kalafayilaalu bali ì la kaloo ŋaaji la ka a fayi, ali ye ì bali hani ì la keleraŋ feŋolu duŋ na. Ali kana a fondinkewolu tu jee fereŋ, ali a kelediŋolu bee kasaara kewu.

Yeremiya 51:24

“Ali faŋolu be a je la ali ñaa la le, m be juloo meŋ joo la Babiloni niŋ a banku moolu to, ì ye kuu jawoolu mennu ke Siyoni la.

Yeremiya 51:49

“Fo Babiloni si boyi doroŋ, a ye Banisirayilankoolu faa meŋ ke, aniŋ a ye moolu mennu faa, duniyaa fannaa bee la.”

Obadiya 1:15

“Luŋo sutiyaata naŋ ne, nte Yaawe be bankoolu bee kiitindi la meŋ na. Ali ye juloo meŋ duŋ, wo le be joo la ali to. Ali la baara kuwolu be kupi la ali faŋolu kuŋo le kaŋ.

Yeremiya 25:14

Banku jamaalu, aniŋ mansakee sembemaalu le be itolu Babiloninkoolu joŋyandi la. M be ì joo la ì kekuwolu la le, aniŋ ì buloolu la dookuwo.”

Yeremiya 48:26

A ko: “Mowabi ye a faŋ wara Yaawe le kaŋ. A mindi fo a ye siira, a si busandi a faŋo la foonoo kono, fo a si ke jelefeŋo ti.

Niikuyaa Suukuwolu 1:9

Kosoo le be i la faani tuloo bala, i maŋ i labaŋo muta feŋ ti, wo le ye i la boyoo saŋarandi, i maŋ sabarindilaa soto. I kumboota, “Hee Yaawe, n na mantooroo juubee, n jawoolu ye i kutu n na le.”

Niikuyaa Suukuwolu 3:64

Yaawe, i si juloo joo ì to ka bo niŋ ì la baaroolu la.