Yeremiya 50:27 - Mandinka Bible

²⁷ Ali a kee kanaŋ tuuraalu bee faa, ka ì samba ka ì kanateyi. Kooroo boyita ì kaŋ, kaatu ì la luŋo siita le, waatoo meŋ m be ì kuluu la.

Yeremiya 50:27 ပူးပေါင်းရင်းမြစ်များ

Yuuba 18:20

Mennu bee ye ì la kuwo moyi, ka bo tilibo ka taa tilijii, wolu bee le kija bota.

Jabuuroolu 22:12

Jawoolu jamaa le ye m murubeŋ, komeŋ ninsituuraalu, ì ye m murubeŋ karoo bee le la, ì ka munta le ko Basani tundoo ninsituuraa saŋaroolu.

Jabuuroolu 37:13

Bari Maariyo ka jele moo jawoo la le, kaatu a ye a je le ko, sambii a la luŋo be sii la.

Yesaya 21:12

Kantarilaa ye jaabiroo ke ko, “Soomandaa siita naŋ ne, aduŋ suutoo fanaa be naa le. Niŋ a diyaata i ye, ñaato i si ñininkaaroo ke. I si naa kotenke.”

Yesaya 34:6

Yaawe la hawusaroo ñeelita yeloo la le, a fuumata keŋo la, saajiiriŋolu niŋ baalu keŋo, saakotoŋ kookiloolu keŋo. Yaawe be sadaa* le bo kaŋ Bosira, kanateyiri baa, Edomu bankoo kaŋ.

Yesaya 34:7

Ì niŋ daakoyoolu le be faa la ñoo la, tuuraariŋolu niŋ tuuraa baalu. Ì la bankoo be faa la yeloo le la, dulaa bee ye tara faariŋ keŋo la.

Yeremiya 12:3

Bari Yaawe, ite ye nte loŋ ne. I ñaa ka tara n na le, ka n sondomoo kotobo i la kuwo to. Wo moo kuruŋolu bondi banta ko ì ka taa saajiyolu mennu kanateyi, i ye ì jenkendi kara la ka ì kanateyi waatoo batu.

Yeremiya 25:34

Alitolu kantarilaalu, kooree ñaatonkoolu, ali wuuri ka kumboo, ali ye i bidibidi seebuutoo kono, kaatu ali kanateyi luŋo siita le, aduŋ ali be boyi la le ka janjaŋ ko daandiŋ kekuuriŋo.

Yeremiya 27:7

Banku koteŋolu bee le be a batu la, ka taa hani a dinkewo niŋ a mamarinkewo fanaa, fo a fanaa la bankoo boyindi waatoo ye sii. Wo to le banku baalu niŋ mansakee baalu si naa a la bankoo ke ì la marataa ti.

Yeremiya 46:21

A la luwaasi kelediŋolu ka munta le ninsiriŋ nunkuriŋolu. A fele, ì bee borita ñoo la, ì maŋ loo ka keloo ke, kaatu ì jarabi luŋo le naata ì kaŋ, ì kuluu waatoo.

Yeremiya 48:10

“Dankoo be moo ye meŋ naafata nte Yaawe la dookuwo ke la! Wo maarii be danka la le, meŋ ye a la hawusaroo bali yeleboŋo la a ye!

Yeremiya 48:15

“Mowabi bankoo niŋ a saatewolu be kasaara la le, a fondinkee kendoolu bee kanateyiriŋo ye i laa.” Mansoo le ye a fo, meŋ too mu Yaawe Alihawaa Maariyo ti.

Yeremiya 48:44

“Moo-wo-moo be bori kaŋ wo kijafaroo la, a si taa bula kaburu dinkoo kono, niŋ meŋ fintita naŋ wo dinkoo kono, kutindiŋo si a muta. M be ñiŋ kuwolu bee le laa la Mowabi kaŋ, niŋ ì jarabi saŋo siita.” Yaawe le ye a fo.

Yeremiya 50:11

Yaawe ko: “Babiloninkoolu, n na keetaabankoo ñapinkannaalu, ali niŋ seewoo niŋ kontaanoo mu ñaa-wo-ñaa, ali ka sawuŋ-sawuŋ ko ninsiriŋo ka ke ñaamoo kaŋ ñaameŋ, ali ka kuma ko suukewolu,

Yeremiya 50:31

Yaawe Alihawaa Maariyo ko: “M be looriŋ i kamma le, ite faŋ waralaa Babiloni, kaatu i la luŋo siita le, waatoo meŋ m be i jarabi la.

Yeremiya 51:40

“M be ì samba la naŋ ne ka ì landi, ŋa ì kanateyi ko saajiiriŋo, ko saakotoŋo waraŋ ko baakotoŋo.”

Niikuyaa Suukuwolu 1:21

“Woyi Yaawe, n na ŋuntaŋo moyi, m maŋ sabarindilaa soto. N jawoolu bee ye n na maasiiboo moyi le, ì seewoota ko, ite le ye a ke n na. I ye n laahidi luŋo meŋ na, a sindi, i ye n jawoolu ke ko m be ñaameŋ.

Lankenemoo 18:10

Ì te haañi la ka sutiyaa a la, kaatu a la yankankatoo be ì sila la le. Ì be a fo la le ko: “Kooroo, kooroo be ite saatee baa ye, ite saatee sembemaa baa, Babiloni. I la kiitiyo naata ì kaŋ waati kiliŋ.”

Lankenemoo 19:17

Bituŋ ŋa malaayikoo je looriŋ tiloo kono. A sarita santo niŋ sari baa la ka kunoolu bee kili, mennu be tii kaŋ saŋo santo. A ko, “Ali naa, ali kafu ñoo ma Alla la siimaŋ baa ye.