Yeremiya 50:21 - Mandinka Bible

²¹ Yaawe ko: “Ali taa Meratayimunkoolu kele, aniŋ Pekodinkoolu, ñiŋ Babiloni banku muritiriŋo, ali ì faa, ali niŋ kasaaroo ye ì nooma, ŋa ali yaamari meŋ ke la, ka a ke.” Yaawe le ye a fo.

Yeremiya 50:21 ပူးပေါင်းရင်းမြစ်များ

Esekiyeli 23:23

Wolu le mu kewolu ti, mennu bota naŋ Babiloni niŋ Kalideya bee, mennu bee be Pekodi, Sowa, Kowa, ì niŋ Asiriya kewolu. Ñinnu bee mu fondinkee muluŋ ñiimaa baalu le ti mennu be ñaaboo daa to, maralilaalu, kantiyolu, kelejawaroolu, aniŋ moo kummaalu, mennu bee be suwoolu kaŋ.

Yeremiya 50:15

Ali wuuroo kumandi a ma karoo bee la, Babiloni ye a faŋ seyi le, a tatoolu boyita, ì ye a tata sansaŋolu boyi le. Nte Yaawe le la julujoo mu ñiŋ ti ko: Ali si juloo joo a to, a ye meŋ ke, ka wo ñoŋ ke a la.

Yeremiya 50:9

A juubee, n ka banku sembemaalu le sukusuku Babiloni kaŋ, ì kafuriŋo ye bo maraa karoo la naŋ, ì ye tembe ka keledaalu muta a kamma, wo to le ì be jee muta la. Ì la kalabeñoolu ka munta le ko kelenoolaa la kalabeñoo meŋ buka foo, ka seyi bulu kenseŋ.

Yeremiya 50:3

Bankoo le be bo la naŋ maraa karoo la ka a kele, a ye a kenseŋyandi, moo te tu la siiriŋ jee, moolu niŋ beeyaŋolu bee le be bori la.”

Yeremiya 48:10

“Dankoo be moo ye meŋ naafata nte Yaawe la dookuwo ke la! Wo maarii be danka la le, meŋ ye a la hawusaroo bali yeleboŋo la a ye!

Yeremiya 34:22

M be yaamaroo dii la le ka ì murundi naŋ ñiŋ saatewo kamma. Ì be a kele la le, ì ye a muta, ì ye dimbaa duŋ a la ka a jani. M be Yahuuda saatewolu ke la tumbuŋo le ti, moo te tara la siiriŋ jee.”

Yesaya 48:14

“Ali bee ye naa beŋ ñoo kaŋ, ali ye i lamoyi. Batufeŋ jumaa le ye ñiŋ kuwolu yitandi, mennu be naa ke la teŋ? Nte Yaawe ye meŋ kanu, wo le be n na feeroo taamandi la Babiloninkoolu kamma, a buloo be laa la ì kaŋ ne.

Yesaya 44:28

Ŋa a fo Kirusi ye le ko, ‘I mu n na kantarilaa le ti, aduŋ feŋ-wo-feŋ diyaata n ye i be wo le ke la. I be yaamaroo dii la le, ka Yerusalaamu lookuu, aniŋ ka Alla Batudulaa fondamaŋo dadaa.’ ”

Yesaya 10:6

Ŋa a kii banku le kaŋ, meŋ ye a koo dii n na. Ŋa a kii moolu le kaŋ, mennu ka n kamfandi, ka i tuu ì kaŋ ko potoo meŋ be mbeedoolu kaŋ, ka ì ñapinkaŋ ka ì la feŋolu taa.

2 Taarika 36:23

“Perisiya mansa Kirusi le ye ñiŋ fo ko, Yaawe, Arijana Maarii le ye duniyaa mansamarali bankoolu bee duŋ m bulu. Aduŋ a ye n yaamari le ka Batudulaa Buŋo loo a ye Yerusalaamu saatewo kono Yahuuda bankoo kaŋ. Moolu mennu mu a la moolu ti ali kono, Allamaa a ye tara ali fee, aduŋ ali ye siloo soto le ka muru.”

2 Mansoolu 18:25

Wo bee koolaa, ate maŋ wuli a faŋ ye naŋ ñiŋ dulaa kamma, ka a kasaara, niŋ a maŋ ke Yaawe la yaamaroo kaŋ ti. Yaawe le ko a si wuli naŋ ñiŋ bankoo kamma, ka a kasaara.”

2 Samuweli 16:11

Dawuda ko Abisayi niŋ a la dookuulaalu bee ye ko, “M faŋo dinkewo le lafita ka m faa, saayiŋ muŋ ne ye a tinna, ñiŋ Benjamini lasili moo la kuwo be ali jaakali la? Yaawe le ko, a ye dankaroo ke. Wo to ali a bula, a ye a ke.

1 Samuweli 15:3

Saayiŋ taa, i ye Amalekinkoolu boyinkaŋ, aduŋ feŋ-wo-feŋ keta ì taa ti, i ye ì bee kasaara. Kana balafaa ì ye, kewolu bee faa aniŋ musoolu, dindiŋolu, deenaanoolu, ninsoolu, saajiyolu, ñonkomoolu aniŋ faloolu.”

5 Musa 33:27

Alla mu badaa-badaa Alla le ti, ate le mu ali la tankadulaa ti, a buloo be ali koto. A ye ali jawoolu bayi ali ñaato, a ko, ali ye ì kasaara.

Yesaya 48:15

Nte Yaawe faŋo le diyaamuta, ŋa a kumandi. Ŋa a naati le, aduŋ a be kututeyi la a la dookuwo to le.