Yeremiya 50:20 - Mandinka Bible

²⁰ Wo luŋolu la, a waatoo la, moo si Banisirayila la boyidaa ñini le, bari hani kiliŋ, a te a je la, aniŋ Yahuuda la boyidaa, bari hani kiliŋ, a te a je la, kaatu m be yamfa la wo moo toomaalu ye le, ŋa mennu tu baluwo to.” Yaawe le ye a fo.

Yeremiya 50:20 ပူးပေါင်းရင်းမြစ်များ

Jabuuroolu 103:12

Tilibo niŋ tilijii be jamfariŋ ñoo la ñaameŋ a ye ǹ na junuboolu jamfandi ǹ na wo le ñaama.

Jabuuroolu 17:3

Hani niŋ i ye n sondomoo kono kusonsoŋ, i ye n kisikisi suutoo la, i ye n kotobo, i te kuu kuruŋo tara la n kono. Ŋa tawoo taa le ko n daa te kuma jawu fo la.

Jabuuroolu 85:3

I ye i la kamfaa daŋ ì kamma le, i ye i la jusukandoo bondi.

Yesaya 1:9

Niŋ Yaawe Alihawaa Maariyo* maŋ doolu tu ǹ ye jee nuŋ, ì ye baluu, m̀ be ke la le ko Sodomu niŋ Komora saatewolu.

Yesaya 10:21

Moo toomaalu be muruŋ na le, moo toomaalu mennu tuta Yaakuba koomalankoolu kono, be muruŋ na Alla Sembemaa kaŋ ne.

Yesaya 33:24

Moo te tara la Siyoni meŋ be a fo la ko, “N saasaata le.” Moolu mennu be sabatiriŋ jee, ì la junuboolu be kafari la le.

Yesaya 43:25

Nte, nte faŋo le ye ali la junuboolu tuutuu n na kuwo kamma la, aduŋ n hakiloo maŋ bula ali la junuboo la kotenke.

Yesaya 44:22

Ŋa ali la kuu jawoolu bondi le komeŋ minaayoo, ali la junuboolu komeŋ soomandaa tuutuwo. Ali muruŋ n kaŋ, kaatu ŋa ali kumakaa le.”

Yeremiya 31:34

Moo te a ñoŋ moo doo karandi la kotenke, waraŋ ka a fo a baadiŋo ye ko, ‘Yaawe loŋ!’ kaatu ì bee le be n loŋ na, biriŋ moondiŋ, fo moo baa.” Yaawe le ye a fo. “M be yamfa la ì la kuu kuruŋolu la le, n hakiloo te tara la ì la junuboolu kaŋ kotenke.” Yaawe le ye a fo.

Yeremiya 33:15

Wo luŋolu la, m be yiribulu tilindiŋo sorondi la Mansa Dawuda ye le a waatoo la. Wo le be kiitii tooñaa niŋ tiliŋo taamandi la bankoo kaŋ.

Yeremiya 33:8

M be ì seneyandi la le ka bo ì la junube kuwolu bee kono, ì ye mennu ke n na. M be yamfa la ì la balaŋo junuboolu bee le la, ì ye mennu tiliŋ n na.

Yeremiya 44:14

Moo te kana la ka tu baluwo to Yahuuda moo toomaalu kono mennu taata ka sii Misira. Ì te muru la ka taa sii Yahuuda bankoo kaŋ, ì be ñaani la ka muru ka taa sii daameŋ to. Moo te muru la, niŋ a maŋ ke keleborilaalu dantaŋ ti.”

Yeremiya 50:4

Yaawe ko: “Wo luŋolu la, a waatoo la, Banisirayilankoolu aniŋ Yahuuda moolu kafuriŋo ñaajiitoo be nte Yaawe, ì la Alla ñini la le.

Niikuyaa Suukuwolu 4:22

Yoo, ite Siyoni, i jarabita i la junuboolu kaŋ ne, Yaawe te i mendi la mutoo kono kotenke. Bari ite Edomu, a be i jarabi la i la junuboolu la le, a ye i la kuu kuruŋolu waañaari.

Esekiyeli 18:22

A ye kuu kuruŋolu mennu bee ke, n hakiloo te bula la hani kiliŋ na ì kono. Kaatu a ye kuu tilindiŋolu mennu ke, wo le be a tinna la a ye baluu.

Mika 7:19

I be balafaa soto la ǹ ye le kotenke, i ye ǹ na junuboolu tuutuu, ka ì fayi baa baa duuma.

Sefaniya 3:12

M be moolu mennu tu la ali kono Yerusalaamu, wolu mu fammajiilaalu le ti, aniŋ moo bataariŋolu. Ì be kali tankoo ñini la niŋ nte Yaawe too le la.

Jakariya 3:9

Yosuwa, a fele, m be bere ñiimaa londi la i ñaatiliŋo la, kara woorowula be meŋ na. M faŋo le be kumakaŋolu safee la a bala. M be bankoo moolu la junuboo bee bondi la tili kiliŋ ne la. Nte Yaawe Alihawaa Maariyo le ye a fo.

4 Musa 23:21

“Mantaabembaliyaa te soto la Yaakuba la karoo la, balafaa kuu nene te laa la Banisirayila kaŋ. Yaawe ì la Alla, be ì fee le. Ate le mu ì la Mansa Baa ti, aduŋ ì ye a tentu wo la le.

Kiilaalu 3:19

Wo kamma la, ali tuubi, ali ye muru Alla kaŋ, fo ali la junuboolu si tuutuu,

Kiilaalu 3:26

“Alla ye a la dookuulaa Yeesu kii alitolu le foloo kaŋ, aduŋ a ye a wulindi saayaa kono, fo a si neema ali ma, niŋ ali ye ali koo dii ali la kuruŋyaa la.”

Roomankoolu 11:6

Bari niŋ a be dendiŋ hiinoo le la, wo to a maŋ tara dendiŋ kebaaroolu la kotenke, niŋ wo nte hiinoo te ke la noo hiinoo ti kotenke.

Roomankoolu 5:16

Bari kuwolu, wo moo kiliŋo la junuboo niŋ ñiŋ soorifeŋo ye mennu saabu, wolu maŋ ke kiliŋ ti. Moo kiliŋ ne la junuboo ye halakoo naati, bari saayiŋ, junuboo la siyaa kaŋ, Alla la ñiŋ soorifeŋo ka moolu tilindi Alla ñaatiliŋo la.

Roomankoolu 6:13

Ali kana ali suufoolu dii junuboo la ka ì ke kuruŋyaa jooraŋo ti. Bari ali si ali faŋolu dii Alla la ko moolu, a ye mennu bondi naŋ saayaa kono ka baluu. Ali ali suufoolu dii Alla la ka ì ke jooraŋolu ti kuu tilindiŋ kewo to.

2 Pita 3:15

Ali hakiloo si bula ko, m̀ Maariyo mu muñalaa le ti ǹ na kiisoo ye. M̀ baadiŋ kanuntewo Pawulu fanaa ye ñiŋ kuwolu safee ali ye le ka bo niŋ ñaameŋo la, Alla ye meŋ dii a la.