Yeremiya 50:19 - Mandinka Bible

¹⁹ Bari m be Banisirayila murundi la a la bankoo kaŋ ne, a be i daañini la Karimeli Konkoo kaŋ ne, aniŋ Basani tundoo, ka taa Efurayimu* konkotundoo*, aniŋ Kileyadi konkotundoo kaŋ, a ye wasa ko a lafita a la ñaameŋ.

Yeremiya 50:19 ပူးပေါင်းရင်းမြစ်များ

Mika 7:14

Hee Yaawe, i la moolu kanta niŋ i la taamaraŋ dokoo la, ko kantarilaa ka a la saajiyolu daañini ñaameŋ. Itolu mu i taa le ti. Ì daala be faariŋ banku kendoo la, bari ì be siiriŋ ì faŋ ye wuloo kono. I bula ì ye i daañini Basani aniŋ Kileyadi, ko ì ka a ke ñaameŋ waati jaŋ koomanto.

Yeremiya 31:6

Luŋo be naa le kantarilaalu be lenkaroo ke la Efurayimu* konkoolu kaŋ ko, ‘Ali wuli, ŋà taa Siyoni* Konkoo kaŋ, Yaawe, ǹ na Alla yaa.’ ”

Mika 7:18

Alla koteŋ ne be keriŋ baŋ ko ite? Ite le ka junuboolu kafari i la moolu ye, mennu tuta baluuriŋ, ite le ka yamfa ì la sookiri kuwolu la. I la kamfaa buka tu fo abadaa, i ka lafi le ka tara hiinanteeyaariŋ doroŋ.

Esekiyeli 38:8

Ñaato siniŋ m be i kumandi la dookuwo la le, ka bankoo boyinkaŋ, wo bankoo ì ye meŋ seyinkaŋ loo keloo koolaa. Wo moolu bota naŋ bantala banku* jamaalu le kaŋ, ka naa Banisirayila konkoolu kaŋ, ka ì la saatewolu lookuu, mennu tarata tumbundiŋ waati jaŋ na. Saayiŋ a fele, ì be sabatiriŋ kayiroo le kono jee.

Esekiyeli 36:33

Maarii Yaawe ye ñiŋ ne fo ko: “Luŋo meŋ na m be ali seneyandi la ka bo ali la kuu jawoolu bee la, m be ali la saatewolu fandi la moolu la le kotenke, aduŋ ali la dulaa tumbundiŋolu bee be lookuu la le.

Esekiyeli 36:24

A ko: “M be ali samba la naŋ ka bo wo bantala bankoolu bee kaŋ ne, ka naa ali fansuŋ bankoo kaŋ.

Esekiyeli 11:17

“Wo kamma la, a fo i baadiŋ mutamoolu ye, nte Yaawe, ì Maariyo ye ñiŋ ne fo ko: M be ali bondi la bantala bankoolu kaŋ ne, ŋa ali janjandi daamennu to, ka ali kafu ñoo ma, ka Banisirayila bankoo murundi ali kaŋ.

Yeremiya 32:37

A be koyiriŋ ne ko, m be ì kafu la ñoo ma le ka bo bankoolu bee kaŋ, ŋa ì bayi daamennu to, n na jusukandoo, diminnaa, aniŋ kamfaa baa kono. M be ì murundi la naŋ ñiŋ dulaa to le, ŋa ì sabatindi tankoo kono.

Yeremiya 31:25

M be moo nii koririŋolu kereyandi la le, aduŋ m be moo bataariŋolu wasa la le.”

Yeremiya 31:14

M be piriisoolu* niyo balundi la niŋ domori kendoo le la, aduŋ n na beteyaa be n na moolu wasa la le.” Yaawe le ye a fo.

Yeremiya 30:18

Yaawe ye ñiŋ ne fo ko: “A juubee, m be Yaakuba koomalankoolu murundi la le ka tara firiŋo kono, aduŋ m be balafaa soto la ì ye ì sabatidulaalu la kuwo to le. Yerusalaamu saatewo be lookuu la a tumbuŋ noo to konko tintoo kaŋ ne, aduŋ mansasuwo be seyinkaŋ loo la a noo kotoo to le.

Yeremiya 30:10

“Wo to ali kana sila, alitolu Yaakuba koomalankoolu, n na dookuulaalu, sako ka jikilateyi, alitolu Banisirayilankoolu.” Yaawe le ye a fo. “Kaatu ko, m be ali kiisa la naŋ dulaa jamfariŋo to le, ka ali koomalankoolu bondi naŋ ì mutadulaa bankoo kaŋ. Yaakuba koomoo be muru la naŋ ne ka tenkuŋo niŋ tankoo soto, aduŋ moo te a silandi noo la.

Yeremiya 23:3

“Nte faŋo le be n na moo toomaalu bondi la naŋ bankoolu kaŋ, ŋa ì bayi ka taa daamennu to. M be ì murundi la naŋ ì taradulaa to le, aduŋ ì be jiidi la le ka siyaa.

Yeremiya 3:18

Wo waatoo la, alitolu Yahuuda moolu be kafu la Banisirayila moolu ma le. Ali be naa ñoo la le ka bo bankoo to, meŋ be maraa kara maafaŋo la, ka naa bankoo kaŋ ŋa meŋ dii ali mumuñolu la keetaafeŋo ti.

Yesaya 35:2

A be yiriwaa la le, a ye ñiiñaa, ko firi ñiimaa. A be tara la kontaaniriŋ baake le fo a ka denkiloo laa. A be yiriwaa la le ko Libanooni sutoo be ñaameŋ, a ye tara ñiiñaariŋ ko Karimeli Konkoo aniŋ Saroni kunkoolu. Moolu bee be Yaawe* la mansabaayaa je la le, aniŋ a la kallankeeyaa*.

Yesaya 33:9

Bankoo be sunu la le komeŋ hadamadiŋo, a ye tiñaa. Hani Libanooni yiri sutoolu be malu la le, ì ye jaa. Saroni kunku betoolu be muluŋ na le ko keñewuloo*, Basani niŋ Karimeli yiroolu bee be ì jamboolu joloŋ na le.

Suukuwo 6:5

I ñaa bo looriŋ n kaŋ, a ye n kalaŋo bondi n kono le. I kuntiñoo be le ko, niŋ baa koorewo niŋ boroo be Kileyadi Konkoo jii kaŋ.

Yosuwa 17:15

Bituŋ Yosuwa naata a fo ì ye ko, “Niŋ ali siyaata, aduŋ Efurayimu konkotundoo* dooyaabaata ali fee, wo to ali taa wuloo kono, ali ye kenoo teyi ali faŋolu ye, Perisi koomalankoolu niŋ Rafa koomalankoolu la kenoolu to.”

4 Musa 32:1

Rubeni lasiloo moolu niŋ Kadu lasiloo moolu mu beeyantii baalu le ti. Biriŋ ì ye a je ko Yaseri tundoo niŋ Kileyadi tundoo be beteyaa la ì la beeyaŋolu ye le,

Yeremiya 30:7

Kooni! Wo le be ke la luŋ baa ti. A ñoŋo te soto la. A be ke la Yaakuba koomoo ye jarabi waatoo le ti, bari ì be kiisa la a kono le.”

Yeremiya 46:27

“Wo to ali kana sila, alitolu Yaakuba koomalankoolu, n na dookuulaa, sako ka jikilateyi, ite Banisirayila. Kaatu ko, m be i kiisa la naŋ dulaa jamfariŋolu to le, ka i koomalankoolu bondi naŋ ì mutadulaa bankoo kaŋ. Yaakuba be muru la naŋ ne ka tenkuŋo niŋ tankoo soto, aduŋ moo te a silandi noo la.

Yeremiya 50:6

“N na moolu keta saajii filiriŋolu le ti, ì kantarilaalu ye ì filindi, ì ye ì caawundi konkoolu kaŋ taariŋ, ì tarata yaayi la ka bo konko ka taa konko, ì ñinata ì la koorewo be daameŋ.

Esekiyeli 47:18

“Ñiŋ ne mu Banisirayila bankoo tilibo karoo naanewo ti meŋ datita Hawurani niŋ Damasiku teema, ka duŋ niŋ Yoridani Boloŋo la, Kileyadi tundoo niŋ Banisirayila bankoo teema. Ì wo naanewo le taata fo Koojii Baa to. Ka bo jee, a taata le fo Tamari. Wo le be ke la Banisirayila bankoo tilibo karoo naanewo ti.

Jakariya 10:10

M be ì murundi la naŋ suu le ka bo Misira, ŋa ì kafu ñoo ma ka bo naŋ Asiriya. M be ì sindi la hani Kileyadi tundoo niŋ Libanooni bankoo kaŋ ne, jee faŋo be dooyaa la ì ye le.

Esira 2:1

Ñiŋ ne mu Yahuuda kumandaŋ mara bankoo moolu yaatewo ti, Babiloni mansa Nebukanesa ye mennu muta nuŋ, a ye ì samba Babiloni bankoo kaŋ. Ì muruta Yerusalaamu, aniŋ ì la saatewolu bee to, Yahuuda bankoo kaŋ.