Yeremiya 50:14 - Mandinka Bible

¹⁴ “Alitolu kalafayilaalu bee, ali tembe keledaalu to Babiloni kamma, ka a murubeŋ. Ali a buŋ, ali kana hani kalabeñe kiliŋ tu fayibali, kaatu a ye junuboo le ke nte Yaawe la.

Yeremiya 50:14 ပူးပေါင်းရင်းမြစ်များ

2 Samuweli 10:9

Yowabu ye a je ko, kelelaalu be a kooma niŋ a ñaato bee le, bituŋ a ye kelenoolaalu doolu tomboŋ, mennu be Banisirayila, a ye ì bula, ì taata Aramunkoolu boyinkaŋ.

Jabuuroolu 51:4

Ŋa junube kuwo ke ite doroŋ ne la, aduŋ ŋa kuu le ke meŋ jawuyaata i ñaa koto. Wo kamma la i boloota le ka kiitiyo laa n kaŋ, aduŋ i la kiitiyo maŋ sootaari soto.

Yesaya 13:4

Ali i lamoyi, maakaŋo le be konkoolu kaŋ, ko niŋ moo jamaalu le be jee. Ali i lamoyi, wuurikaŋo le ka kuma mansamarali bankoolu kaŋ, ko niŋ bankoolu le ka beŋ. Yaawe Alihawaa Maariyo* le be a la kelediŋ kafoolu parendi kaŋ keloo ye.

Yesaya 5:28

Ì la beñoolu be melundiŋ ne, ì la kaloolu be pareeriŋ keloo ye. Ì la suwoolu worosoolu be bambandiŋ ko beroo, ì la sareetoolu siŋolu ka bori ko saafoñotoo.

Yeremiya 46:9

Acaa, suwoolu ye kirimbaasi! Keleraŋ sareetoolu ye saŋara bori! Kelejawaroolu ye taa ñaato: Kusi* aniŋ Puti kewolu, mennu ye ì la koteeroolu cafu, aniŋ Ludinkoolu mennu kalanta kala fayoo la.

Yeremiya 49:14

Ŋa Yaawe la kiilaariyaa kumoo moyi le, kiilaa kiita bankoolu kaŋ ko: “Ali kafu ñoo ma ka taa Edomu kele, ali ye wuli a kamma keloo la!”

Yeremiya 49:35

Yaawe Alihawaa Maariyo ye ñiŋ ne fo ko: “A juubee, m be Elamu bankoo la kalabeñoolu kati la le, ì jikiraŋ sembe baa.

Yeremiya 50:11

Yaawe ko: “Babiloninkoolu, n na keetaabankoo ñapinkannaalu, ali niŋ seewoo niŋ kontaanoo mu ñaa-wo-ñaa, ali ka sawuŋ-sawuŋ ko ninsiriŋo ka ke ñaamoo kaŋ ñaameŋ, ali ka kuma ko suukewolu,

Yeremiya 50:29

“Ali kalafayilaalu kili Babiloni kamma, moo-wo-moo ka kaloo ŋaaji ka a fayi. Ali a suki karoo bee la, hani moo kiliŋ kana kana. Ali a joo a la baaroolu la, a ye meŋ ke, ka wo ñoŋ ke a la. A ye a faŋ wara nte Yaawe kaŋ ne ka n sooki, Banisirayila la Senuŋ Baa.

Yeremiya 50:42

Ì niŋ kalabeñoolu niŋ hawusaroolu le mu, ì tilimbaliyaata, balafaa te ì la. Ì maakaŋo ka munta le ko fankaasoo kumakaŋo, ì be suwoolu le koo to naŋ, ì temberiŋolu be naa kaŋ, ite Dimmusuriŋ* Babiloni kamma, ko kewolu ka i paree keloo kamma ñaameŋ.”

Yeremiya 50:7

Moo-wo-moo ye ì je, a ka i baluu ì la le, ì jawoolu ka a fo le ko, ‘Ntolu maŋ kasi ke, kaatu ì ye junuboo le ke Yaawe la, ì taradulaa tooñaa be meŋ fee, Yaawe, ì la alifaa foloolu jikoo.’

Yeremiya 50:9

A juubee, n ka banku sembemaalu le sukusuku Babiloni kaŋ, ì kafuriŋo ye bo maraa karoo la naŋ, ì ye tembe ka keledaalu muta a kamma, wo to le ì be jee muta la. Ì la kalabeñoolu ka munta le ko kelenoolaa la kalabeñoo meŋ buka foo, ka seyi bulu kenseŋ.

Yeremiya 51:2

M be feerilaalu le naati la Babiloni kamma, ko siimaŋ feelaalu. Ì be a fee la le ka a bankoo kenseŋyandi, tuma meŋ ì be naa a kamma ka bo karoo bee la, mantooroo luŋo la.

Yeremiya 51:27

“Ali bandeeroo wulindi duniyaa ye ka naa Babiloni kele, ali kelebinoo fee bankoolu ye naŋ taariŋ. Ali bankoolu parendi a kamma keloo la, ali ye ñiŋ mansamarali bankoolu kili naŋ a kamma: Ararati, Minni, aniŋ Asikenasi. Ali kelekuntiyo tomboŋ a kamma, ali ye suwoolu naati ko kuntiŋ jurumoo.

Yeremiya 51:3

Ali Babiloni kalafayilaalu bali ì la kaloo ŋaaji la ka a fayi, ali ye ì bali hani ì la keleraŋ feŋolu duŋ na. Ali kana a fondinkewolu tu jee fereŋ, ali a kelediŋolu bee kasaara kewu.

Habakuki 2:17

Ali ye Libanooni yiroolu kuntu, ali ye a daafeŋolu kasaara. Ali ye hadamadiŋolu yeloo boŋ, ali ñapita bankoolu kaŋ, saatewolu, ì niŋ ì moolu bee. Wo kamma la, saayiŋ toora kuwo le be boyi la ali fanaa kaŋ.”

Habakuki 2:8

Ali ye banku jamaa le ñapinkaŋ, ì niŋ ì la feŋolu. Wo to moolu mennu kanata wo bankoolu moolu kono, fanaa be ali ñapinkaŋ na le. Kaatu ali ye hadamadiŋolu le yeloo boŋ, ali ye bankoolu kasaara, saatewolu, ì niŋ ì moolu bee.”

Lankenemoo 17:5

Too be safeeriŋ a foŋo to meŋ mu kulloo ti ko, “Babiloni saatee baa, cakoolu aniŋ duniyaa haraamu kuwolu baamaa!”

1 Samuweli 17:20

Wo saamoo soomandaa juunoo Dawuda wulita, a ye saajiyolu tu moo doo bulu ka ì kanta. A ye domoroo taa, a taata, ko Yese ye a fo a ye ñaameŋ. A be futa la daakaa to doroŋ, a ye a tara, Banisirayilankoolu pareeriŋo be wuuri la santo, ka taa keloo la.