Yeremiya 50:13 - Mandinka Bible

¹³ Nte Yaawe la kamfaa baa le be a tinna moo te sii la Babiloni kotenke, a be tu la kenseŋyaariŋ ne, moo-wo-moo tambita jee la, a kijoo be bo la le, a ye ciipuroo ke, ñiŋ kamma kasaara kuwolu mennu keta jee la.

Yeremiya 50:13 ပူးပေါင်းရင်းမြစ်များ

Yuuba 27:23

Foñoo si sonka a ma, a ye foofooroo kumandi a ma.

Yeremiya 18:16

Ì ye ì la bankoo kenseŋyandi le, ka ke jutunna feŋo ti fo abadaa. Niŋ moo-wo-moo tambita jee la a kijoo ka bo le, a ye a kuŋo jiijaa.

Yeremiya 19:8

M be ñiŋ saatewo ke la kijabo saatewo le ti, ka a ke moolu ye jutunna feŋo ti. Niŋ moo-wo-moo be tambi la jee la, a kijoo si bo, aduŋ a be ciipuroo ke la le ñiŋ kamma la kasaara kuwolu mennu boyita jee kaŋ.

Yeremiya 25:12

Bituŋ niŋ sanji taŋ woorowula kumfaata, n si naa Babiloni mansakewo kuluu, aniŋ a la wo bankoo, meŋ mu Babiloninkoolu la bankoo ti. Ì la junuboolu kamma la m be a bankoo kenseŋyandi la le fo abadaa.

Yeremiya 34:22

M be yaamaroo dii la le ka ì murundi naŋ ñiŋ saatewo kamma. Ì be a kele la le, ì ye a muta, ì ye dimbaa duŋ a la ka a jani. M be Yahuuda saatewolu ke la tumbuŋo le ti, moo te tara la siiriŋ jee.”

Yeremiya 49:17

“Edomu be ke la kijabo kuwo le ti, moo-wo-moo tambita jee la a kijoo si bo, a ye ciipuroo ke, ñiŋ kamma kasaara kuwolu mennu keta a la.

Yeremiya 50:3

Bankoo le be bo la naŋ maraa karoo la ka a kele, a ye a kenseŋyandi, moo te tu la siiriŋ jee, moolu niŋ beeyaŋolu bee le be bori la.”

Yeremiya 51:26

“Bere te bo la i bala kotenke, ka ke fondamaŋ bere ti, waraŋ buŋ tonkonna bere ti, kaatu i be tu la kenseŋyaariŋ ne.” Yaawe le ye a fo.

Yeremiya 51:29

Babiloni bankoo be jarajara kaŋ, dimiŋ kuwolu ye a kirikirindi, kaatu Yaawe la natoolu mu kuu looriŋo le ti a kamma, ka a bankoo kenseŋyandi, moo te tara la siiriŋ jee.

Yeremiya 51:37

Babiloni be ke la tumbuŋ tuŋolu le ti, a ye ke kunkuwuloolu la daakaa ti, a ye ke kijafara kuwo niŋ ciipuru feŋo ti, moo te tara la siiriŋ jee.

Yeremiya 51:62

Wo koolaa i si naa a fo ko, ‘Kooni Yaawe, i ye ñiŋ ne fo ko, i be ñiŋ bankoo kasaara la le, fo hadamadiŋ waraŋ beeyaŋ te sabati la jee. A be kenseŋyaa la le fo fawu.’

Esekiyeli 27:36

Jula baalu mennu bee be duniyaa kono, bee le jeleta i la, kaatu i labaŋo maŋ ñiiñaa. Aduŋ i nene te soto la kotenke.’ ”

Sefaniya 2:15

Ñiŋ ne mu wo saatee taamaayaariŋo ti, meŋ tarata tankoo kono. A ko a faŋ ma ko, “Nte doroŋ ne mu, doo koteŋ maŋ soto.” A juubee a naata ke tumbuŋo ti ñaameŋ, a keta wulakono daafeŋolu taradulaa ti. Moo-wo-moo tambita niŋ jee la, a si foofooroo ke, a ye a kuŋo jiijaa.

Jakariya 1:15

M be kamfaariŋ bankoolu kamma le kendeke, mennu be siikuuriŋ tankoo kono. Kaatu ŋa ì taa le ka n na moolu jarabi n na kamfaa kaŋ, bari itolu ye ì mantoora jawuke le fo a tambita.

5 Musa 29:22

Jamaanoolu mennu be naa la alitolu koolaa, aniŋ tumarankewolu mennu bota banku jamfariŋo to, ì be bankoo la tumbuŋo je la le, aniŋ Yaawe ye kuuraŋ jawoolu mennu laa a kaŋ.