Yeremiya 50:11 - Mandinka Bible

¹¹ Yaawe ko: “Babiloninkoolu, n na keetaabankoo ñapinkannaalu, ali niŋ seewoo niŋ kontaanoo mu ñaa-wo-ñaa, ali ka sawuŋ-sawuŋ ko ninsiriŋo ka ke ñaamoo kaŋ ñaameŋ, ali ka kuma ko suukewolu,

Yeremiya 50:11 ပူးပေါင်းရင်းမြစ်များ

Yesaya 47:6

Kabiriŋ n kamfaata n na moolu kamma, m maŋ ì ke m faŋo taa ti kotenke, ŋa ì duŋ i bulu le, bari i maŋ balafaa soto ì ye. I ye duni kuliŋ baa laa keebaa kotoolu faŋo kaŋ ne.

Jakariya 14:12

Ñiŋ ne be ke la alibalaa kuuraŋo ti, Yaawe be meŋ laa la bankoolu bee kaŋ, mennu ye keloo boyi Yerusalaamu kaŋ: Ì si tara looriŋ ì siŋo la, ì balajaatoo ye toli, ì ñaakesoo ye toli ì ñaa hubomboo kono, ì neŋo ye toli ì daa kono.

Obadiya 1:12

“Ali si kontaani noo ñaadii, ali baadiŋ Yahuuda moolu la kooroo kuwo la? Ali si seewoo noo ì la kasaaroo luŋo la ñaadii? Ali si jele noo ì la niikuyaa luŋo la ñaadii?

Amosi 4:1

Ali ñiŋ kumakaŋo moyi alitolu Samariya musoolu, alitolu mennu be nunkuriŋ ko Basani tundoo ninsoolu, alitolu mennu ye fuwaaroolu toora, ali ye fentaŋolu batandi, alitolu mennu ka doloo kaniŋ ali keeñolu bulu.

Hoseya 10:11

“Efurayimu be le ko seneninsiriŋo, a dalita siimaŋ toñonkoo le la, dookuu feemaa. Bari saayiŋ, m be yookoo* le laa la a toŋ ñiimaa kaŋ, ŋa a dookundi kendeke. Yahuuda si senoo ke, Yaakuba ye jaasiroo ke.

Niikuyaa Suukuwolu 1:21

“Woyi Yaawe, n na ŋuntaŋo moyi, m maŋ sabarindilaa soto. N jawoolu bee ye n na maasiiboo moyi le, ì seewoota ko, ite le ye a ke n na. I ye n laahidi luŋo meŋ na, a sindi, i ye n jawoolu ke ko m be ñaameŋ.

Yeremiya 50:27

Ali a kee kanaŋ tuuraalu bee faa, ka ì samba ka ì kanateyi. Kooroo boyita ì kaŋ, kaatu ì la luŋo siita le, waatoo meŋ m be ì kuluu la.

Yeremiya 50:17

Yaawe ko: “Banisirayila ka munta le saajiyolu, jatoolu ye mennu bayindi ka ì janjandi. Meŋ foloo ye i baluu a la, wo le mu Asiriya mansakewo ti. Silaŋ meŋ labanta a kuloolu feefee la, wo le mu Babiloni mansakewo Nebukanesa ti.”

Yeremiya 46:21

A la luwaasi kelediŋolu ka munta le ninsiriŋ nunkuriŋolu. A fele, ì bee borita ñoo la, ì maŋ loo ka keloo ke, kaatu ì jarabi luŋo le naata ì kaŋ, ì kuluu waatoo.

Yeremiya 5:28

Ì nunkuta le ka malamala, ì maŋ naanee loŋ kuu kuruŋ kewo to. Ì buka kiitiyo teyi aliyatiimoolu ye, ka ì la kuwo yiriwandi, sako ka loo fentaŋolu boloo ye.

Yeremiya 5:8

Ì mu suukee nunku jarabiriŋolu le ti, ì meŋ-wo-meŋ ka tara suu kuma la a siiñoo musu nooma.

Kuma Kotoomaalu 17:5

Moo meŋ ka fuwaaroolu ñaawali, ka ì Daamansoo le sooki, meŋ ka seewoo maasiiba kuwo la, a te kana la maasiiboo ma.

Jabuuroolu 22:12

Jawoolu jamaa le ye m murubeŋ, komeŋ ninsituuraalu, ì ye m murubeŋ karoo bee le la, ì ka munta le ko Basani tundoo ninsituuraa saŋaroolu.

5 Musa 32:15

Wo le to Yesuruni naata nunku, a menta, a nunkuta, a be faariŋ tep, bituŋ a badalita. A ye a koo dii Alla la, a Daamansoo, a jututa a Semberaŋ Bere Baa la, a Kiisabaa.

Yesaya 47:8

“Bituŋ saayiŋ, i lamoyi, kuu diimaa diyaata ite meŋ ye! I ye a miira ko i be tankoo le kono, i ka a fo i faŋo ye ko, ‘Nte doroŋ ne mu, doo koteŋ maŋ soto. N te ke la furuyaamusoo ti muumeeke, waraŋ ka n diŋolu saŋakumboo.’

Yeremiya 12:14

Yaawe ye ñiŋ ne fo ko: “N na moolu Banisirayilankoolu dandanna bankoolu bee, mennu buloo laata keetaafeŋo kaŋ, ŋa meŋ dii ì la, wolu la kuwo fele: M be ì wutu la ì la bankoolu kaŋ ne, aduŋ m be Yahuuda moolu bondi la naŋ ì kono le.

Yeremiya 46:20

“Misira mulunta ninsiriŋ ñiimaa le la, bari joloo le ye a boyinkaŋ maraa la naŋ.

Esekiyeli 35:15

Ko ali seewoota Banisirayilankoolu la keetaabankoo la kasaaroo niŋ a la kenseŋyaa la ñaameŋ, m bulu be laa la ali kaŋ wo le ñaama. Ite Seyiri Konkoo, i niŋ Edomu bankoo muumewo bee be kasaara la le, ali ye kenseŋyaa. Wo to le, ali be a loŋ na ko, nte le mu Yaawe ti.”

Esekiyeli 36:5

Nte Yaawe Alla ye ñiŋ ne fo ko: Ŋa ñiŋ ne fo n na kamfaa baa kono wo bantala banku toomaalu aniŋ Edomu muumewo ma, mennu niŋ seewoo baa niŋ jutunnayaa baa ye n na bankoo ñapinkaŋ ka ke ì ye neemoo ti.

Habakuki 1:15

Babiloninkoolu ye moolu wafu naŋ, ko niŋ ñewo be dooliŋo daa. Ì ye moolu saba naŋ ko jaloo ka ñewolu kafu ñoo ma ñaameŋ, ì niŋ seewoo niŋ kontaanoo.