Yeremiya 5:7 - Mandinka Bible

⁷ Yaawe ko: “Nte si yamfa noo ite Yerusalaamu ma ñaadii? I diŋolu ye ì koo dii n na le, ì ka kali alloolu la mennu maŋ ke Alla ti. Nte le ye ì daañini fo ì konoo faata tep, ì naata jeenoo ke, ì ka jurumi caka buŋolu to taariŋ.

Yeremiya 5:7 ပူးပေါင်းရင်းမြစ်များ

Kalatiyankoolu 4:8

Koomanto, biriŋ ali maŋ Alla loŋ, ali keta alloolu la joŋolu le ti, mennu maŋ ke Alla ti.

Yeremiya 2:11

Banku le nene ka a la alloolu faliŋ baŋ, ì maŋ ke Alla tooñaa ti ñaa-wo-ñaa? Bari nte la moolu ye ì la Mansa Kallankewo faliŋ jalaŋ kenseŋolu le la.

Yosuwa 23:7

Ali niŋ ñiŋ bankoo moo koteŋolu mennu tuta ali kono, la kuu kana kafu. Ali kana ì la alloolu toolu fo ali la feŋ-wo-feŋ ne to, waraŋ ka i kali ì la. Ali maŋ ñaŋ na ì batu la, waraŋ ka sujudi ì ye.

5 Musa 32:21

Ali ka n kiiliyandi feŋ na, meŋ maŋ ke Alla ti, ali ka m kamfandi ali la jalaŋolu la. M fanaa be ali kiiliyandi la moolu le la, mennu te mooyaa daa to, m be toolee bankoo le taa la ka ali kamfandi ì la.

Sefaniya 1:5

M be moolu fanaa kasaara la le, mennu ka sujudi saŋo santo malafeŋolu ye, ì la buŋolu kaŋ santo, moolu fanaa mennu ka sujudi n ye, ì ka kali n na, ì ka naa muru ì ka kali Moleki jalaŋo fanaa la.

1 Korintinkoolu 8:4

Domoroo la kuwo to, meŋ diita jalaŋolu la, ŋà a loŋ ne ko, jalaŋo maŋ ke feŋ ti duniyaa kono, aduŋ Alla koteŋ te keriŋ fo kiliŋ.

Yeremiya 23:10

Bankoo kaŋ be faariŋ jeenelaalu le la, ì ye a tinna bankoo dankata, fo bankoo faŋo ka woosii, aduŋ a beeyaŋ daañini dulaalu jaata. Ì taañaa jawuyaata le, aduŋ ì ka ì semboo taamandi tilimbaliyaa le kono.

5 Musa 32:15

Wo le to Yesuruni naata nunku, a menta, a nunkuta, a be faariŋ tep, bituŋ a badalita. A ye a koo dii Alla la, a Daamansoo, a jututa a Semberaŋ Bere Baa la, a Kiisabaa.

Yankuba 4:4

Alitolu fisiriwallewolu! Fo ali maŋ a loŋ ko, ñiŋ duniyaa teeriyaa mu Alla konnanteeyaa le ti? Wo to, moo-wo-moo ye a faŋo ke ñiŋ duniyaa teeroo ti, wo maarii ye a faŋo ke Alla konnantewo le ti.

Yeremiya 12:16

Misaali fee, niŋ a ye a tara ì ye n na moolu la siloo karaŋ a ñaama, ì ka kali n too la ka a fo ko, ‘A be koyiriŋ ñaameŋ ko Yaawe be baluuriŋ ne,’ ko itolu fanaa ye n na moolu karandi ñaameŋ ka kali Baali* jalaŋo too la, wo to ì be sabati la n na moolu kono le, ì ye firiŋ jee.

1 Korintinkoolu 6:9

Fo ali maŋ a loŋ ko, moo tilimbaloolu te Alla la mansabaayaa keetaa la? Ali ali hakiloo tu, moo kana ali neenee! Laañooyaa tulunnaalu, jalambatulaalu, jeenelaalu, luutikankewolu,

Malaki 3:5

Yaawe Alihawaa Maariyo ye ñiŋ ne fo ko, “M be naa ali kaŋ ne ka ali kiitindi. M be tariyaa la ka batuutaatiyolu le la kuwo yitandi, jeenelaalu, seedenduroolu, moolu mennu ka ì la dookuulaalu la joo nakari, moolu mennu ka furuyaamusoolu toorandi, aniŋ aliyatiimoolu, moolu mennu buka tooñaa sabatindi ì niŋ tumarankewolu teema, ì maŋ sila n na.

Amosi 8:14

Ì ka ì kali Asima too la, jalammusoo meŋ be Samariya, Dani aniŋ Beeriseba jalaŋolu toolu la, wo kamma la ì si boyi, aduŋ ì te wuli la kotenke.”

Hoseya 13:6

Ŋa ali daañini fo ali konoo faata. Ali konoo faata doroŋ, ali ye ali faŋ wara, bituŋ ali ñinata n na.

Hoseya 11:8

“Bari Efurayimu, n si i bula noo ñaadii le? Banisirayila, n si m bo noo i to ñaadii le? N si ali kasaara noo ñaadii le ko Aduma saatewo, waraŋ Seboyimu saatewo? Ali la kuwo ye n niyo kuyaa le, balafaa ye m futufaa.

Hoseya 7:4

Ì bee mu foroyaabaloolu le ti, ì jusoo be kandiriŋ ne ko fuuri kandoo, fuuroo meŋ kandita, fo a maŋ jari mbuuru janilaa ye a dimbaa ñori, ka bo nooniri waatoo ka taa fo janniŋ a be sele la.

Hoseya 4:2

Kaloo, faniyaa, aniŋ moofaa, suuñaaroo niŋ jeenoo be fuumariŋ, yeleboŋ be yeleboŋ nooma.

Esekiyeli 22:11

Doolu ka kuu haraamuriŋ baalu le ke, ka ì siiñoolu la musoolu laañooyaa, doolu ka ì bitammusoolu laañooyaa, doolu niŋ ì baarimmusoolu ka jeenoo ke.

Yeremiya 13:27

Ŋa i la kuu ñewundiŋolu le je, i la jeenoo niŋ sabatibaliyaa, aniŋ i la cakayaa maañaa, konkoolu kaŋ aniŋ kenoolu kono taariŋ. Ite Yerusalaamu, kooroo be i ye! Janniŋ waati jumaa le ite be seneyaa noo la?”

Yeremiya 9:2

M be lafiriŋ ne ŋa jiyaa dulaa soto keñewuloo* kono, komeŋ jamfajaŋ taamalaa. Fo n si n na moolu bula, ŋa taa ka bo ì kono, kaatu ì bee jeenelaa, aduŋ ì mu fisiriwallee kafoo le ti.

Yeremiya 3:19

“Nte Yaawe ko m faŋ ye le ko: Wo si nte seewoo, ka ali bulandi ñiŋ kontoo kono ko, n diŋolu le mu ali ti, ŋa ñaaboo bankoo dii ali la, bankoolu bee banku ñiimaa. Ŋa ñiŋ ne muta ko ali be n kumandi la ali Faamaa le la, aduŋ ali te muru la ka ali koo dii n na.

Yeremiya 2:31

“Alitolu ñiŋ jamaanoo moolu, ali nte Yaawe la ñiŋ kumoo lamoyi baŋ: Fo n nene keta Banisirayila ye le komeŋ keñewuloo? Fo n nene finta a ma le komeŋ banku dibiriŋ baa? Wo to muŋ ne ye a tinna n na moolu ka a fo ko, ‘Ntolu be m̀ faŋ ne bulu taariŋ. Ǹ te muru la i kaŋ kotenke?’

Jabuuroolu 50:18

Hani suŋo niŋ ali ye a je, ali niŋ a ka kafuñooyaa le, aduŋ ali niŋ jeenelaalu le ka kuukeñooyaa.

3 Musa 20:10

Niŋ kee meŋ niŋ a ñoŋ kee doo la musoo ye jeenoo ke, wo kewo niŋ wo musoo bee ñanta le ka faa.

Hiburunkoolu 13:4

Futuwo si buuñaa alitolu bee kono, aduŋ futuu laaraŋo si seneyaa futuuñoomaalu teema. Alla le be laañooyaa tulunnaalu niŋ jeenelaalu kiitindi la.

2 Taarika 13:9

“Fo ali maŋ Yaawe la piriisoolu* bayi baŋ, mennu mu Haaruna koomalankoolu ti, aniŋ Lewi lasiloo moolu, ali ye ali fansuŋ piriisoolu tomboŋ, ko banku koteŋolu moolu ka a ke ñaameŋ? Moo-wo-moo meŋ ye ninsituuraa niŋ saakotoŋ woorowula naati jalaŋ batudulaa to ka a faŋ seneyandi, wo si ke noo piriisoo ti ali la alloolu ye.

Yeremiya 7:9

“Ali ka suuñaaroo ke le, moofaa, aniŋ jeenoo, ka kali faniyaa kaŋ, ali ka cuuraayoo siisindi Baali* jalaŋo ye, aniŋ ka jalaŋ doolu batu, ali nene maŋ mennu loŋ.

Yeremiya 16:11

Bituŋ i si a fo ì ye ko, a daliiloo mu ñiŋ ne ti ko, ì la alifaa foloolu ye ì koo dii n na le ka m bula. Ì bulata jalaŋolu nooma, ka sadaa* bo ì ye, aniŋ ka ì batu, ì maŋ n na yaamaroolu muta.

Yeremiya 16:20

Muna, hadamadiŋo si a fansuŋ Alla dadaa noo baŋ? Wo te ke noo la Alla ti muk!”

Niikuyaa Suukuwolu 3:42

“M̀ balanta i ma le, ŋà junuboo ke, aduŋ i maŋ yamfa m̀ ma.

Yuuba 31:12

A si ke n ye komeŋ dimbaa, a ye n domo fo ŋa kasaara, a ye n na siimaŋ feŋolu bee jani fo ì ye baŋ fereŋ.

Yeremiya 3:8

A ye a je le ŋa Banisirayila bula, ka a kaŋo dii a la ko bulamusoo. Hani wo, musu kaatibaloo meŋ mu Yahuuda ti, maŋ sila, a fanaa taata a ye cakayaa maañaa ke.

Yeremiya 9:1

M be lafiriŋ ne n kuŋo ye ke woyoo ti, n ñaalu ye ke ñaajii daloo ti, fo n si kumboo suuto tili, ñiŋ kamma ì ye n na kanu moolu mennu faa.