Yeremiya 5:27 - Mandinka Bible

²⁷ Kunu mutalaa la keesoo ka faa kunoolu la ñaameŋ, ì ye ì la buŋolu fandi nakaroo kaŋ wo le ñaama, wo le ye ì ke fankamaalu ti ka naafulutiiyaa.

Yeremiya 5:27 ပူးပေါင်းရင်းမြစ်များ

Lankenemoo 18:2

A sarita santo niŋ sari baa la ko: “A boyita le, Babiloni saatee baa boyita! A naata ke seetaani jawoolu la sabatidulaa ti, a keta daakaa le ti noora jawu siifaa bee ye. A keta kunu jankubaloolu la taradulaa le ti, aniŋ kunoolu mennu konta.

Mika 1:12

Maroti moolu niŋ kijateyoo le be siiriŋ, ì be maakoyiroo batu kaŋ, baawo Yaawe fele, a ye maasiiboo boyi Yerusalaamu kaŋ, a futata a dundaŋ daa faŋo le to.

Yeremiya 9:6

Ka mantoora jurumi mantoora kaŋ moolu ye, aniŋ ka neeneeri laa neeneeri kaŋ, ì maŋ lafi ka nte Yaawe loŋ.” Yaawe le ye a fo.

Yeremiya 8:5

Muŋ ne ye a tinna duŋ, ñiŋ moolu filita, ì be tu la filibanteeyaa kono fo fawu? Ì ye neeneeri kumoo le muta bambandinke, ì balanta muru la naŋ n kaŋ.

Yeremiya 12:1

Hee Yaawe*, ite le be boloo la, niŋ ŋa tuumiroo naati i kaŋ. Hani wo, m be n na kuwo laa la i ñaa koto le. Muŋ ne ye a tinna moo kuruŋolu ka yiriwaa? Muŋ ne ye a saabu moo jenkeriŋolu ka ñaatotaa soto?

Sefaniya 1:9

Wo luŋo la, moo-wo-moo ka a siŋo sawundi bundaa kuŋo la, jalaŋo silaŋñaa kamma la, aniŋ moo-wo-moo ka a maarii yaa fandi feŋolu la, a ye meŋ soto fitinoo niŋ nakaroo la, m be ì bee le jarabi la.”

Yuuba 12:6

Suŋolu yaa ka tara sumayaariŋ ne, aduŋ Alla sookilaalu fanaa ka tara tankoo kono le. Ì ka tara jikiriŋ ì fansuŋ semboo le la ko i la Alla.

Yesaya 3:14

Yaawe pareeta le, ka a la moolu la alifaalu niŋ ì la ñaatonkoolu kiitindi. A ko, “Alitolu le ye wayini* yiri kankaŋo kasaara! Ali ye feŋolu mennu buusi fuwaaroolu bulu, wolu le be ali la buŋolu kono.

Hoseya 12:9

“Nte le mu Yaawe ti, ali la Alla, meŋ ye ali bondi naŋ Misira. M be a ke la le, ali ye daakaa tiriliisoolu* koto kotenke, ko biriŋ ali be keñewuloo* kono.