Yeremiya 5:15 - Mandinka Bible

¹⁵ Yaawe ko: “Alitolu Banisirayilankoolu, m be jamfajaŋ banku le naati la ka ali boyinkaŋ, banku sembemaa, banku meeriŋ, ali maŋ banku meŋ na kaŋo moyi, sako ali si ì la diyaamoo fahaamu noo.

Yeremiya 5:15 ပူးပေါင်းရင်းမြစ်များ

5 Musa 28:49

Yaawe be banku koteŋo moolu le wulindi la ali kamma ka bo naŋ dulaa jaŋ, ali nene maŋ mennu la kaŋo moyi sako ka a fahaamu. Wolu si naa boyi ali kaŋ, ì ye ali cansu ko seeliŋo.

Yeremiya 4:16

A fo banku koteŋolu moolu ye ko, “A fele jaŋ de!” Ali a kankulaa Yerusalaamu kamma ko: “Boyinkannaa kelediŋolu le bota naŋ banku jaŋ to, ì be kele wuuroo kumandi kaŋ Yahuuda saatewolu ma.

Yesaya 33:19

Ali te wo faŋ wara moolu je la kotenke, mennu ka kaŋ siifaalu fo, ali buka mennu moyi noo, aniŋ ka diyaamu ko mennu neŋo kadata, ali te mennu fahaamu noo la.

Yesaya 28:11

Yaawe be banku koteŋo moolu le kii la, ka diyaamu ñiŋ moolu ye niŋ diyaamu siifaa doo la, aniŋ kaŋ siifaa doo la, ì te meŋ fahaamu noo la.

Yesaya 5:26

Yaawe ye bandeeroo wulindi banku jamfariŋo moolu ye le ka naa, a ye moolu kumandi, ka bo naŋ duniyaa daŋo to. A fele ì ka naa, korontoo aniŋ tariyaa ñaama.

Yeremiya 25:9

a fele, m be siyolu bee le kii la naŋ ka bo bankoolu mennu be maraa kara maafaŋo la. Ì be naa ñiŋ bankoo niŋ a moolu kamma le, a niŋ a dandanna bankoolu bee kafuriŋo. Ì niŋ n na dookuulaa, Babiloni mansakewo Nebukanesa le be naa. M be ì muumewo kasaara la le, ka ì kenseŋyandi, ka ì la kuwo ke kijafaroo ti, ka ke ciiputaa ti, ka ke badaa-badaa tumbuŋolu ti. Nte Yaawe le ye a fo.

Yeremiya 1:15

Kaatu saayiŋ, m be banku koteŋolu bee le kumandi la naŋ, ka bo maraa karoo la.” Yaawe le ye a fo. “Ì la mansoolu be ì la mansasiiraŋolu londi la Yerusalaamu saatewo dundaŋ daalu* le to. Ì be tata sansaŋolu boyinkaŋ na le, ka taa saatee koteŋolu mennu bee be Yahuuda kono.

1 Korintinkoolu 14:21

Maariyo la kumoo be safeeriŋ Luwaa Kitaaboo* kono le ko: “ ‘M be bantalankoolu le taa la, ŋa diyaamu ñiŋ moolu ye niŋ wandi kaŋo la, luntaŋolu neŋo, m be diyaamu la ì ye niŋ wo le la. Bari hani wo, ì te ì tuloo loo la n na kumoolu la,’ Maariyo ye ñiŋ ne fo.”

Esekiyeli 18:31

Ali fata kuu jawoolu la ali ka mennu bee ke. Ali ye i miira kutake, aniŋ ali ye ali sondomoolu faliŋ. Hee Banisirayilankoolu! Muŋ ne ye a tinna ali lafita ka faa?

Yeremiya 6:22

Yaawe ye ñiŋ ne fo ko: “A juubee, kelediŋ kafoo le ka bo naŋ maraa kara bankoo kaŋ. Wo bankoo be maamaŋ kaŋ naŋ duniyaa dulaa jamfariŋ baalu le to.

Yeremiya 5:11

Banisirayila niŋ Yahuuda jenketa n na karoo la le fereŋ.” Yaawe le ye a fo.

Yeremiya 2:26

Yaawe ko: “Ko maloo ka laa suŋo kaŋ ñaameŋ niŋ ì ye a muta, maloo be laa la Banisirayila kaŋ wo le ñaama. Itolu, ì la mansoolu, mansakundaa dookuulaalu, piriisoolu, aniŋ annabiyomoolu,

Yesaya 29:6

Wo loo to, Yaawe* Alihawaa Maariyo* si i kiisa. A niŋ saŋ feteŋ baa le be naa ñoo la, banku jarajara baa, foño saŋara baa, turubaadoo, aniŋ kasaarali dimbaa neŋolu.

Yesaya 29:3

M be i suki la karoo bee le la, ŋa i murubeŋ niŋ tatoolu la, ŋa i suki sansaŋo la.

Yesaya 5:7

Yaawe* Alihawaa Maariyo* la yiri kankaŋo mu Banisirayila le ti, a lafinna kankaŋo mu Yahuuda le ti. A be i yillaariŋ luwaa mutoo le la, bari a ye yeleboŋo le je, a ye i yillaa tiliŋo la, bari a maŋ feŋ moyi fo niitooroo niŋ kumboo.

Daniyeli 7:7

N tarata juubeeroo kaŋ ne, daafeŋ naaninjaŋo fintita naŋ. A maneeta, a silaŋñaa warata, aduŋ a semboo warabaata le. Nee ñiŋolu le be a la, mennu warata. A ka ñimiroo ke le, aniŋ ka moolu kasaara ka ì janjaŋ, aduŋ niŋ too tuta, a ka a dori a siŋolu le la. A niŋ daafeŋ doolu bee le fatata. Bina taŋ ne be ate la.

1 Musa 11:7

Ali naa ŋà jii duuma, ŋà ì la kaŋo duŋ ñoo to, i si a je, ì te ñoo la kumakaŋo fahaamu noo la kotenke.”

5 Musa 28:33

Ali la senefeŋolu aniŋ ali la dookuu koteŋo tinewo, banku koteŋo moolu le be ì domo la, ali maŋ mennu loŋ. Aduŋ niitooroo niŋ tilimbaliyaa le be tara la ali kaŋ, daŋ te ke la meŋ na.

Jabuuroolu 81:5

Alla ye Yusufa koomalankoolu yaamari wo le la, kabiriŋ a ye Misira bankoo moolu kele. Wo waatoo la, ŋà diyaamukaŋo moyi le, bari foloo m̀ maŋ a loŋ.

Yesaya 39:3

Bituŋ Annabilayi Yesaya taata Mansa Hesekiya kaŋ, a ye a ñininkaa ko, “Wo kewolu ye muŋ ne fo? Ì bota naŋ mintoo le?” Hesekiya ye a jaabi ko, “Ì bota naŋ Babiloni bankoo le kaŋ, banku jamfariŋ baa le mu, ka naa jaŋ.”

Daniyeli 1:4

Ì ye ke fondinkewolu ti lanjuuru te mennu bala, ì ye ñiiñaa, ì ye ñaameŋ kuwo bee to. Ì si kalamutaroo ke kendeke, ì ye tariyaa fahaamuroo la karaŋo to, fo ì si dookuwo ke noo mansa yaa. Asipenasi le be ì karandi la Babiloninkoolu la kaŋo niŋ ì la kitaaboolu la.

Amosi 6:14

Yaawe Alla, Alihawaa Maariyo ye ñiŋ ne fo ko, “M be banku doo le wulindi la naŋ alitolu Banisirayilankoolu kamma. Ì si ali toorandi dulaalu bee to, ka bo Lebo-Hamati ka taa fo Araba* Wulumbaŋo to.”

Habakuki 3:16

Kabiriŋ ŋa ñiŋ moyi, n kija le bota. N daaturoolu ka fadi ñoo la, maakaŋo ñiŋ kamma la. M baloo bee le lamfuta, n siŋolu faata n koto. Bari hani wo, m be muñariŋ ne ka luŋo batu, luŋo meŋ, maasiiboo be boyi la moolu kaŋ, mennu ñapita ǹ kaŋ.