Yeremiya 49:31 - Mandinka Bible

³¹ A ko: “Ali wuli, ali ye ñiŋ banku tenkundiŋo kele, meŋ be tankoo kono, a maŋ daa tawundaŋ soto, sako nee bantambili, a be siiriŋ wo ñaama, a dammaa.” Yaawe le ye a fo.

Yeremiya 49:31 ပူးပေါင်းရင်းမြစ်များ

Esekiyeli 38:11

ka a fo ko, ‘M be taa le ka ñapi wo bankoo saateeriŋolu kaŋ, ì maŋ mennu tata, aniŋ ka boyi moolu kaŋ mennu be tenkundiŋ kayiroo kono. Ì bee mu saatewolu le ti, mennu maŋ tata sansaŋo soto, sako daa tawundaŋo, waraŋ nee bantambiloo.

Mika 7:14

Hee Yaawe, i la moolu kanta niŋ i la taamaraŋ dokoo la, ko kantarilaa ka a la saajiyolu daañini ñaameŋ. Itolu mu i taa le ti. Ì daala be faariŋ banku kendoo la, bari ì be siiriŋ ì faŋ ye wuloo kono. I bula ì ye i daañini Basani aniŋ Kileyadi, ko ì ka a ke ñaameŋ waati jaŋ koomanto.

Yesaya 47:8

“Bituŋ saayiŋ, i lamoyi, kuu diimaa diyaata ite meŋ ye! I ye a miira ko i be tankoo le kono, i ka a fo i faŋo ye ko, ‘Nte doroŋ ne mu, doo koteŋ maŋ soto. N te ke la furuyaamusoo ti muumeeke, waraŋ ka n diŋolu saŋakumboo.’

5 Musa 33:28

Bituŋ Banisirayila siita tankoo kono, Yaakuba koomalankoolu siita kayiroo kono. Ali la bankoo be faariŋ siimaŋo niŋ wayinoo* le la, saŋo ka komboo tondi naŋ a kaŋ.

4 Musa 23:9

Ŋa ì je ka bo bere konkoo turoo le to, ŋa ì hayinaŋ ka bo konkoriŋolu to. Ŋa moolu le je mennu be ì faŋ ye, ì maŋ ì faŋ bula banku koteŋolu moolu kono.

Sefaniya 2:15

Ñiŋ ne mu wo saatee taamaayaariŋo ti, meŋ tarata tankoo kono. A ko a faŋ ma ko, “Nte doroŋ ne mu, doo koteŋ maŋ soto.” A juubee a naata ke tumbuŋo ti ñaameŋ, a keta wulakono daafeŋolu taradulaa ti. Moo-wo-moo tambita niŋ jee la, a si foofooroo ke, a ye a kuŋo jiijaa.

Nahumu 1:12

Yaawe ye ñiŋ ne fo Yahuuda moolu ye ko: “Yahuuda, nte le ye ali toorandi, bari n te a ke la kotenke. Ali jawoolu be siyaariŋ ñaa-wo-ñaa, ì be bambandiŋ, ì bee be kasaara la le, ì ye yeemaŋ.

Esekiyeli 39:6

A ko: “M be dimbaa le jindi la naŋ Makooki bankoo kaŋ aniŋ moolu mennu be sabatiriŋ kayiroo kono baadaa borindoolu la. Wo to le ì si a loŋ ko, nte le mu Yaawe ti.

Esekiyeli 30:9

“Wo luŋo la, m be kiilaalu le kii la niŋ kuluŋ baalu la Kusinkoolu kaŋ ka ì kijoo teyi, itolu mennu maŋ tara i yillaariŋ feŋ ma. Niŋ ì ye a moyi ko, Misira bankoo boyita le, wo to le kijafara baa be duŋ na ì la. Tooñaa, wo te baayi la.”

Yeremiya 48:11

“Mowabi tarata tankoo doroŋ ne kono biriŋ a dindiŋ, ì nene maŋ a samba mutoo kono. Mowabi ka munta le ko, wayinoo* meŋ tuta looriŋ ka tenkeyaa, ì maŋ a yelema ka bo bata ka taa bata. A la timiyaa nene maŋ tiñaa, a la diyaa be a ñaama le doroŋ.

Yesaya 32:11

Alitolu musu dahaariŋolu, ali jarajara, ali maamaŋ alitolu dimmusoolu mennu be siikuuriŋ. Ali ali la duŋ feŋolu wura, ali ye booto funtoo siti ali tewo la faanoo ti, ka ali la niikuyaa yitandi.

Yesaya 32:9

Alitolu musu dahaariŋolu, ali i paree ka i lamoyi n na. Alitolu dimmusoolu mennu be siikuuriŋ, ali ali tuloo loo n na kumoo la.

Jabuuroolu 123:4

Ntolu meeta toora la le, moo kono faariŋolu la ñaawaliroo kaŋ, aniŋ faŋ wara moolu la jutunnayaa kaŋ.

Jabuuroolu 73:12

Moo kuruŋolu be teŋ ne, ì ka tara dahaa le kono, aduŋ ì la sotoo ka lafaa le doroŋ.

Yesaya 42:11

Mennu be sabatiriŋ keñewuloo* kono, ye sari santo, Kedari koomalankoolu ye seewoo ì la saateeriŋolu to. Selankoolu ye suukuwo laa kontaanoo kono, ì sari kaŋo ye bo naŋ konkoolu kaŋ.