Yeremiya 49:26 - Mandinka Bible

²⁶ A fondinkewolu be faa la a mbeedoolu kaŋ ne, a kelediŋolu bee ye kasaara wo luŋ.” Yaawe Alihawaa Maariyo le ye a fo.

Yeremiya 49:26 ပူးပေါင်းရင်းမြစ်များ

Yeremiya 50:30

Wo kamma la, ì be a fondinkewolu faa la le, a mbeedoolu kaŋ taariŋ, ì ye a kelediŋolu kasaara wo luŋo la.” Yaawe le ye a fo.

Amosi 4:10

“Ŋa alibalaa kuuraŋo jindi ali kaŋ, ko ŋa a jindi Misirankoolu kaŋ ñaameŋ. Ŋa ali la fondinkewolu faa niŋ hawusaroo* la, ŋa ali la suwoolu duŋ mutoo kono. Ŋa ali nuŋ huwolu fandi furewolu nooroo la ali la daakaalu to. Hani wo bee, ali maŋ soŋ muru la n kaŋ.” Yaawe le ye a fo.

Yeremiya 11:22

Wo kamma la Yaawe Alihawaa Maariyo ye ñiŋ ne fo n ye ko: “A juubee, m be ì jarabi la le. Hawusaroo* le be ì la fondinkewolu faa la, konkoo ye ì dinkewolu niŋ ì dimmusoolu faa.

Esekiyeli 27:27

I la fankoo, i la marisandiisoolu, i la kuluŋ dookuulaalu, i la kuluŋ borindilaa kuntiyolu, aniŋ i la kuluŋ dadaalaalu, i la jula baalu niŋ i la kelediŋolu, niŋ wo kafoolu bee mennu be i kono, i niŋ ì bee tunenta baa le teema, i la kasaaroo luŋo la.

Niikuyaa Suukuwolu 2:21

Woyi muna! Dindiŋolu niŋ keebaalu furewolu be laariŋ bankoo le to, mbeedoolu kaŋ taariŋ. N na sunkutoolu niŋ fondinkewolu, ì ye ì faa niŋ hawusaroo* la. I la kamfaa waatoo la, i ye ì faa niŋ balafaabaliyaa le la.

Yeremiya 9:21

Saayaa dunta naŋ ǹ na palanteeroolu le la, a ye i seyiŋ ǹ na mansabuŋolu kono, a ye dindiŋolu siyo kuntu mbeedoolu kaŋ, ka taa fondinkewolu, bendulaa kenoolu to.”