Yeremiya 49:24 - Mandinka Bible

²⁴ Damasiku sembentaŋyaata le, a muruta a koo la ka bori, kijafaroo ye a muta, niikuyaa niŋ dimiŋo dunta a la, ko tiŋ ye musu maa.

Yeremiya 49:24 ပူးပေါင်းရင်းမြစ်များ

Matiyu 24:8

Ñiŋ kuwolu bee ka munta le doroŋ ko tiŋo foloodulaa.

Yesaya 13:8

Silaŋ baa be duŋ na ì la le, dimiŋo niŋ niitooroo ye i miniŋ ì la. Ì be ŋuntaŋ na le ko, niŋ musoo be tiŋo to. Ì kija kuntutoo be ñoo juubee la le, ì ñaadaa ye yelema silaŋo kamma.

Yeremiya 6:24

Yerusalaamunkoolu ko, “Ŋà ì kibaaroo moyi le, m̀ buloolu tuta yondiŋ. Niitooroo le laata ǹ kaŋ komeŋ niŋ tiŋo ye musoo maa.

Yeremiya 50:43

Yaawe ko: “Babiloni mansakewo ye ì kibaaroo moyi le, a buloolu tuta yondiŋ. Kijafaroo le ye a muta, aniŋ dimiŋo ko tiŋ ye musu maa.

1 Musa 3:16

A ko musoo ye ko, “M be bataa kuu baa lafaa la i la karoo la, niŋ konoo be i la. I be diŋolu wuluu la dimoo le kono. Bari hani wo, i keemaa la kuwo be tara la i meeyaariŋ ne, aduŋ ate le be mara la i ma.”

Yeremiya 4:31

Ŋa musu le kumboo kaŋo moyi tiŋo to, a ŋuntaŋ kaŋo ka munta meŋ be a diŋ foloo wuluu kaŋ. Wo mu Dimmusuriŋ* Siyoni le ŋuntaŋ kaŋo ti, ka i niijii. A ye a buloolu wulindi le, a ka a fo ko, “Ayiwaalii nte! M be ketu kaŋ ne. N siyo dunta moofaalaalu le bulu.”

Yeremiya 30:6

Ali ñininkaaroo ke, ali ye a juubee baŋ, muna kewo si deenaanoo wuluu noo? Wo to muŋ ne ye a tinna ŋa kee kanaŋ-wo-kee kanaŋ je, a buloo be a konoo to, ko tiŋ ye musu maa? Muŋ ne ye moo bee ñaadaa yelemandi, ko saata kuurantoo?

Yeremiya 48:41

Ì be saatewolu taa la le, ì ye tatoolu muta. Wo luŋo la, kijafaroo be Mowabi kelediŋ fatiŋolu muta la le, ko tiŋ ye musu maa.

Yeremiya 49:22

A juubee, jawoo le tariyaariŋo be tii la naŋ ko sontiŋo, a ye a dampaŋolu waree Bosira kamma. Wo luŋo la, Edomu kelediŋ fatiŋolu kijoo be ì fara la le, ko tiŋ ye musu maa.”

Yeremiya 49:29

Ì la tiriliisoolu* niŋ ì la beeyaŋolu si buusi ì la, ì la tiriliisi ridoolu niŋ ì la sotofeŋolu bee. Ì la ñonkomoolu si buusi ì la, moolu kali wuuri ì ma ko, ‘Maasiiboo be ali ye karoo bee la!’

Yeremiya 49:37

M be Elamunkoolu kijafarandi la ì jawoolu ye le, mennu be ì niyo ñiniŋ kaŋ. M be maasiiboo naati la ì kaŋ ne, ka bo niŋ n na kamfaa baa la. M be hawusaroo* bulandi la ì nooma le fo ŋa ì baŋ.” Yaawe le ye a fo.

Hoseya 13:13

Efurayimu ye siloo soto le ka baluu, bari ì maŋ kewuyaa. Ì be le ko deenaanoo, meŋ wuluu waatoo siita, a maŋ soŋ ka finti naŋ wuluuñaŋo kono.

Maaka 13:8

Bankoolu be wuli la le ka ñoo kele, mansakundaalu ye ñoo kele, aduŋ banku jarajaroo be ke la dulaa jamaa le to aniŋ konko jawoo. Ñinnu bee ka munta le ko tiŋo foloodulaa.