Yeremiya 49:19 - Mandinka Bible

¹⁹ “Ko niŋ jatoo bota naŋ ñunkoo kono, Yoridani sutoo kono, ka naa boyinkaŋo la, Edomu beeyaŋ daañini dulaalu to, m be a moolu bayi la a bankoo kaŋ wo le ñaama, kataba kiliŋ. Ŋa moo-wo-moo tomboŋ, wo le be a mara la. Jumaa le niŋ nte si tembe noo, ka i loo m fee? Ñaatonka jumaa le si loo noo n ñaato?

Yeremiya 49:19 ပူးပေါင်းရင်းမြစ်များ

Yeremiya 12:5

Yaawe ye jaabiroo ke ko: “Niŋ i niŋ moolu ye boroo ke, ì ye i korindi, i niŋ suwoolu si boroo ke noo baŋ? Niŋ i ka busandi kene fanuŋo to, silaŋ i be ke la sutoo kono ñaadii le Yoridani Boloŋ daala?

Yeremiya 30:21

Ì la ñaatonkoo be ke la ì fansuŋ moo le ti, ì la maralilaa be bo la ì faŋolu le kono. M be a katandi la le, ka a sutiyandi n na, kaatu niŋ wo nte, jumaa le si haañi ka sutiyaa n na?” Yaawe le ye a fo.

Yuuba 41:10

Moo maŋ wo ñamafatiyaa soto ka a maa, wo to jumaa le si i loo noo nte Alla fee?

Yuuba 9:19

Niŋ ŋa semboo tiliŋ a la, ate le semboo warata n ti. Niŋ n taata kiitiyo la karoo la, jumaa le be ate samane noo la?

Yosuwa 3:15

Waamoo le ka tara Yoridani Boloŋo to sanjaanoo muumewo bee. Bari hani wo, kabiriŋ piriisoolu mennu ka Kambeŋ Kunewo samba, futata Yoridani Boloŋo ma, ì siŋo ye jiyo maa doroŋ,

2 Musa 15:11

“Hee Yaawe! Jumaa le be alloolu kono, mennu niŋ ite mulunta? Jumaa le mulunta ko ite, i la mansayaa senuŋo, i la sembe waroo, i la kaawakuwolu?

Lankenemoo 6:17

Ì la kamfaa luŋ baa naata le, jumaa le si loo noo a ñaato?”

Jakariya 11:3

Ali maralilaalu woosii kaŋo moyi baŋ, ì la kallankeeyaa yeemanta le. Ali ali tuloo loo jatoolu kumakaŋo la baŋ, Yoridani Boloŋo wuloo tiñaata le.

Nahumu 1:6

A la kamfaa si kuŋ noo jumaa le to? Jumaa le si i loo noo a la jusuboo ye? A la kamfaa ka yelema naŋ ne ko dimbaa. Bere baalu ka juru ate ñaato le.

Yeremiya 4:7

Jatoo le wulita ka bo a la ñunkoo kono, banku tiñaalaa baa le wulita naŋ, a wulita ka bo naŋ a yaa, ka ali la bankoo kenseŋyandi. Ali la saatewolu be ke la tumbuŋolu le ti, moo te tu la sabatiriŋ jee.

Yesaya 40:25

Senuŋ Baa ko, “Ali be n niŋ jumaa le laa la? Waraŋ ali be n niŋ jumaa le kaañandi la?”

Jabuuroolu 143:2

Kana i la dookuulaa kiitindi, kaatu moo te keriŋ meŋ tilinta ite ñaa koto.

Jabuuroolu 89:8

Hee Yaawe Alihawaa Maariyo*, jumaa le niŋ ite si kaañaŋ waroo la? Kooni Yaawe, i ka i la tiliŋo le yitandi kuwo bee to.

Jabuuroolu 89:6

Kiliŋ te saŋo santo meŋ ka munta ko ite. Kiliŋ te sembetiyolu kono meŋ niŋ i si kaañaŋ noo.

Jabuuroolu 76:7

Ite doroŋ ne mu silantaa ti. Jumaa le si i loo noo i fee, niŋ i jusoo kandita?

Yuuba 9:21

Sootaari te n na kuwo to ñaa-wo-ñaa, bari m maŋ ñaŋ noo m faŋ to. M pasita le ka tara baluwo to.

1 Taarika 12:15

Itolu le ye Yoridani Boloŋo teyi tumoo meŋ na, waamoo woyita boloŋ kankuŋo bee la. Aduŋ ì ye moolu boyinkaŋ ka ì janjandi mennu be boloŋ wulumbaŋo tilibo niŋ a tilijii karoo bee la.

4 Musa 16:5

Bituŋ a ko Kora niŋ a la kafoo moolu ye ko, “Soomandaa, Yaawe be a yitandi la le jumaa le be ate la karoo la, aniŋ jumaa le be seneyaariŋ, aniŋ jumaa le be ke la moo ti meŋ be ate waliŋ noo la. A be moo meŋ tomboŋ na, a be wo le bula la a ye a waliŋ.

Yesaya 46:9

Ali si i miira folooto kuwolu la, aniŋ mennu tambita kabiriŋ. “Nte le mu Alla ti, aduŋ doo te jee. Nte le mu Alla ti, aduŋ n niŋ feŋ ne buka muluŋ.

2 Taarika 20:6

A ko: “Hee Yaawe, m̀ mumuñolu la Alla, fo ite le maŋ ke Alla ti, meŋ be Arijana kono? Fo ite le maŋ mara ñiŋ duniyaa bankoolu bee ma? Semboo niŋ waroo bee be ite le bulu, moo te i loo noo la i fee.

Jabuuroolu 76:8

I ye i la kiitindiroo taamandi le ka bo naŋ Arijana kono, duniyaa moolu bee le silata fo deyoo keta yem,

Yeremiya 25:9

a fele, m be siyolu bee le kii la naŋ ka bo bankoolu mennu be maraa kara maafaŋo la. Ì be naa ñiŋ bankoo niŋ a moolu kamma le, a niŋ a dandanna bankoolu bee kafuriŋo. Ì niŋ n na dookuulaa, Babiloni mansakewo Nebukanesa le be naa. M be ì muumewo kasaara la le, ka ì kenseŋyandi, ka ì la kuwo ke kijafaroo ti, ka ke ciiputaa ti, ka ke badaa-badaa tumbuŋolu ti. Nte Yaawe le ye a fo.

Daniyeli 7:4

Daafeŋ foloo ka munta le ko jatoo, aduŋ seeliŋ dampaŋolu le be a la. Kabiriŋ m be juubeeroo la, feŋ ne ye a dampaŋolu wutu, aduŋ ì ye a sikandi ka bo bankoo to, ì ye a londi a siŋ fuloo la, komeŋ hadamadiŋo. Ì ye hadamadiŋ hakiloo ke a la.