Yeremiya 49:15 - Mandinka Bible

^15-16 Yaawe ye a bankee le ko: “M be i ke la bankundiŋ ne ti bankoolu bee kono, ka moolu jutundi i la. I la kuwo silaŋo ka tara moolu la, wo le ye i neenee, aniŋ i la sondome kufaŋo, ite meŋ yaalu be bere konko jaŋolu kaŋ santo, i ye konko jaŋolu kaŋ ke i yaa ti. Hani niŋ i ye i yaa loo santo le ko seeliŋo, n si i saba naŋ jee duuma.” A ko:

Yeremiya 49:15 ပူးပေါင်းရင်းမြစ်များ

Jabuuroolu 53:5

Wo to ì be tara la kijafara baa le kono, hani niŋ dewuŋ kuu te keriŋ, kaatu Alla be a la moolu boyinkannaalu kasaara la le, a ye ì kuloolu janjaŋ. Ì be bula la malu kuwo le kono, kaatu Alla ye ì fayi le.

Yeremiya 49:14

Ŋa Yaawe la kiilaariyaa kumoo moyi le, kiilaa kiita bankoolu kaŋ ko: “Ali kafu ñoo ma ka taa Edomu kele, ali ye wuli a kamma keloo la!”

Obadiya 1:2

Yaawe ye ñiŋ ne fo Edomu la kuwo to ko: “M be i ke la bankundiŋ ne ti bankoolu bee kono, i be tara la jutunnayaa baa le daa to.

Mika 7:10

Jawoolu ñaa be boyi la ñiŋ kaŋ ne, aduŋ ì si malu, itolu mennu ka ǹ ñaawali ko, “Ali la Alla Yaawe, a lee?” Ǹ ñaa be boyi la ì la kooroo kaŋ ne, aduŋ a si ke ǹ ñaa la jaŋ, ko mbeedikaŋ buutoo, dori-dori laaloo.

Luka 1:51

A ye a semboo yitandi niŋ a buloo le la, a ye faŋ wara moolu janjandi, ì niŋ ì la feeroolu mennu be ì sondomoolu kono.

1 Samuweli 2:30

“Yaawe, Banisirayilankoolu la Alla ye a bankee le nuŋ ko: Ŋa ñiŋ laahidi le ko, i la dimbaayaa aniŋ i la kaabiiloo be dookuwo ke la n ye le fo abadaa! Bari saayiŋ Yaawe ye a bankee le ko: N niŋ wo kuwo kewo teemoo ye jamfa ñoo la. Moolu mennu ye n horoma, m be ì horoma la le, bari moolu mennu maŋ m batu, wolu be tara la jutunnayaa le kono.