Yeremiya 49:13 - Mandinka Bible

¹³ N kalita m faŋo la le ko: Bosira la kuwo be ke la kijafara kuwo le ti, a ye ke jutunna feŋo ti, ka kenseŋyaa, aniŋ ka ke dankoo ti. Aduŋ a dandanna saatewolu bee be ke la tumbuŋolu le ti fo fawu.” Yaawe le ye a fo.

Yeremiya 49:13 ပူးပေါင်းရင်းမြစ်များ

1 Musa 22:16

a ko a ye ko, “Yaawe ye ñiŋ ne bankee ko, ‘N kalita m faŋo le la i la ñiŋ kuwo kewo kaŋ: bayiri i maŋ i dinkee kiliŋo siyaa n ye sadaa ti,

1 Musa 36:33

Bela faata, Yobabu, Sera Bosirankoo dinkewo seyita a noo to.

1 Taarika 1:44

Biriŋ Bela faata, Yobabu, Sera Bosirankoo dinkewo, wo le seyita a noo to.

Yesaya 34:6

Yaawe la hawusaroo ñeelita yeloo la le, a fuumata keŋo la, saajiiriŋolu niŋ baalu keŋo, saakotoŋ kookiloolu keŋo. Yaawe be sadaa* le bo kaŋ Bosira, kanateyiri baa, Edomu bankoo kaŋ.

Yesaya 45:23

N kalita m faŋo too le la ko, ŋa feŋ-wo-feŋ fo, tooñaa le mu, aduŋ n na kumoo te faliŋ na. N ko, moolu bee be ñoyi la n ñaatiliŋo la le, ì ye i kali n too la.

Yesaya 63:1

Jumaa le mu ñiŋ ti, meŋ ka bo naŋ Bosira saatewo to Edomu bankoo kaŋ, a la dendikoo bee be tompiŋ-tompindiŋ niŋ feŋ wuleŋo la? Jumaa le mu ñiŋ ti, meŋ ye mansa dendikoo duŋ, a ka taama naŋ niŋ a semboo la? Yaawe* ko: “Nte le mu, n ka diyaamu niŋ tiliŋo siloo le la. Ŋa semboo soto le ka kiisandiroo ke.”

Yeremiya 18:16

Ì ye ì la bankoo kenseŋyandi le, ka ke jutunna feŋo ti fo abadaa. Niŋ moo-wo-moo tambita jee la a kijoo ka bo le, a ye a kuŋo jiijaa.

Yeremiya 19:8

M be ñiŋ saatewo ke la kijabo saatewo le ti, ka a ke moolu ye jutunna feŋo ti. Niŋ moo-wo-moo be tambi la jee la, a kijoo si bo, aduŋ a be ciipuroo ke la le ñiŋ kamma la kasaara kuwolu mennu boyita jee kaŋ.

Yeremiya 44:26

Bari ali nte Yaawe la kumoo moyi baŋ, alitolu Yahuuda moolu bee mennu be Misira, ko: Ŋa n kali n too la waroo kaŋ ne ko, Yahuuda moo kiliŋ te n too kumandi la a daa la Misira bankoo muumewo kaŋ, ka kali ko, ‘A be koyiriŋ ñaameŋ ko Yaawe be baluuriŋ ne.’ Nte Yaawe le ye a fo.

Yeremiya 48:24

Keriyoti, aniŋ Bosira. Kiitiyo laata Mowabi saatewolu bee le kaŋ, dulaa jaŋ, dulaa sutuŋ.

Yeremiya 49:22

A juubee, jawoo le tariyaariŋo be tii la naŋ ko sontiŋo, a ye a dampaŋolu waree Bosira kamma. Wo luŋo la, Edomu kelediŋ fatiŋolu kijoo be ì fara la le, ko tiŋ ye musu maa.”

Yeremiya 51:14

Nte Yaawe Alihawaa Maariyo kalita m faŋo la le ko: M be kelediŋolu juruma la i kono le, mennu be siyaariŋ ko kuntiŋolu, ì be wuuri la i kunna ka ì la nooroo yitandi.”

Yoweli 3:19

“Misira be ke la tumbuŋo le ti, Edomu ye ke keñewula* kenseŋo ti, ì la Yahuuda fitinoo kaŋ, ì ye moolu faa jee, mennu maŋ kuu ke.

Amosi 1:12

M be dimbaa le jindi la naŋ Temani kaŋ, ŋa Bosira la buŋ ñiimaa baalu jani.”

Amosi 6:8

Maarii Yaawe* kalita a faŋo la ko, “M maŋ lafi Yaakuba koomalankoolu la kufaŋ maañaa la, aduŋ ŋa ì la tatoolu koŋ ne. Wo kamma la m be Samariya bula la le a ye kasaara, aniŋ a konofeŋolu bee.” Alla, Alihawaa Maariyo* le ye a fo.

Obadiya 1:18

Yaakuba niŋ Yusufa koomalankoolu be ke la le ko dimbaa. Edomunkoolu be ke la le ko ñonkoliŋolu, dimbaa be mennu jani la. Esawu koomalankoolu hani kiliŋ te kana la.” Yaawe le ye a fo.