Yeremiya 48:45 - Mandinka Bible

⁴⁵ “Wo keleborilaalu koririŋo, ì taata loo Hesiboni dubeŋo le to, kaatu dimbaa le malata Hesiboni, a hilihilita naŋ Sihoni la buŋo le kono, jee mansa kotoo. A ye Mowabi fondaa jani le, wo fitina moolu kuŋ miraŋo.

Yeremiya 48:45 ပူးပေါင်းရင်းမြစ်များ

4 Musa 24:17

Ŋa moo le la kuwo je bari a maarii la kuwolu maŋ ke saayiŋ ti. Ŋa a je le, bari a be jamfariŋ ne de. Moo le be bo la Yaakuba bala ko looloo, maralilaa le be naa finti la Banisirayila. A be Mowabi maralilaalu bee kuŋo teyi la le, a ye Seti koomalankoolu bee kasaara.

4 Musa 21:28

Dimbaa fintita naŋ Hesiboni kono, dimbaa neŋo bota naŋ Sihoni la saatewo to, a ye Ari saatewo kasaara Mowabi, aniŋ maralilaalu mennu be siiriŋ konkoolu kaŋ Arinoni Boloŋ daala.

Matiyu 21:42

Bituŋ Yeesu ko ì ye ko, “Fo ali nene maŋ a karaŋ Kitaabu Senuŋolu kono ko: ‘Beroo meŋ buŋ loolaalu jututa a la, wo le naata ke tonkonna bere kummaa ti. Maariyo le ye ñiŋ ke, aduŋ a kaawakuuyaata ǹ ñaa koto le.’

Jakariya 10:4

Maralilaalu be bo la itolu le kono, ì ye bambaŋ ko tonkonna beroo, ì ye loo ko tiriliisi* pikaloo, ì ye tiliŋ ko kalabeñoo.

Amosi 2:2

M be dimbaa le jindi la naŋ Mowabi bankoo kaŋ, ŋa Keriyoti tatoolu jani. Mowabinkoolu ye faa kele jawoo kono, kele wuuroo niŋ kelebinoo kuma waatoo.

4 Musa 21:26

Hesiboni mu Sihoni la saatewo le ti, Amorinkoolu la mansa. Ate le ye Mowabi mansakee kotoo kele nuŋ, a ye a la bankoo bee muta a bulu, ka taa fo Arinoni Wulumbaŋo to.

4 Musa 21:21

Banisirayilankoolu ye kiilaalu kii Sihoni kaŋ, Amorinkoolu la mansa, ka a fo a ye ko,

4 Musa 21:29

Kooroo be alitolu Mowabi moolu ye! Alitolu Kemosi jalaŋo batulaalu, ali kasaarata le. Kemosi ye a dinkewolu ke borijoŋolu ti, a ye a dimmusoolu kenkeŋ mutoo kono, Amorinkoolu la mansa, Sihoni bulu.

Jabuuroolu 78:63

Ì la fondinkewolu banta faa la kele kandoo le kono, ì la sunkutoolu maŋ kee soto, sako futuusiti denkili si laa.

Jabuuroolu 135:11

komeŋ Sihoni, Amorinkoolu la mansa, aniŋ Oki, Basani tundoo mansa, aniŋ Kanaani mansamarali bankoolu bee.

Yeremiya 2:16

Misirankoolu, mennu bota Memfisi, aniŋ Tapanesi saatewolu to, wolu ye ite Banisirayila kunkoloo teyi le.

Yeremiya 48:2

Daraja te Mowabi ye kotenke, ì ye kuu jawoo le feere a kamma Hesiboni ko: ‘Ali ŋà a la bankuyaa daŋ.’ Alitolu Madumeni saatee moolu fanaa be taa deyoo kono le yem. Hawusaroo* be naa ali kamma le.