Yeremiya 48:1 - Mandinka Bible

¹ Ñiŋ kiilaariyaa kumoo le fota Mowabi ma: Yaawe* Alihawaa Maariyo*, Banisirayila la Alla ye ñiŋ ne fo ko: “Kooroo be Nebo saatewo ye, kaatu a be tumbuŋ na le. Kiriyatayimu be bula la maloo kono le, ì ye jee saatewo muta, maloo ye laa a tatoo kaŋ ka a boyi.

Yeremiya 48:1 ပူးပေါင်းရင်းမြစ်များ

1 Musa 14:5

Wo le ye a tinna Kedori-Lawoma aniŋ mansoolu mennu kafuta a fee, naata ka keloo ke, sanji taŋ niŋ naaninjaŋo. Keloo foloo-foloo, ì ye Rafa koomalankoolu le noo Asiteroti-Karinayimu, ì ye Susinkoolu noo Hamu, ì ye Emi koomalankoolu noo Sawe-Kiriyatayimu tundoo kaŋ,

1 Musa 19:37

Dimmusu foloo ye dinkewo wuluu, a ye a toolaa Mowabi la. Ate le mu Mowabi koomalankoolu bonsuŋo ti ka naa bula fo bii tiloo la.

2 Taarika 20:10

“Kabiriŋ Banisirayilankoolu be bo kaŋ Misira, i maŋ soŋ ì ye Ammoninkoolu, Mowabinkoolu, aniŋ Edomunkoolu kele, ì ye ì lamfee le, ì maŋ ì kasaara.

Yesaya 25:10

Yaawe maakoyiri buloo be tara la ñiŋ konkoo kaŋ ne, bari a be Mowabinkoolu la kuwo jindi la le, ì ye ì toñonka ko siimaŋ kaloo meŋ be jambandi dinkoo kono.

Yesaya 25:12

Yaawe be Mowabi tata sansaŋ jaŋolu boyindi la le, a ye ì jindi duuma. A be ì boyindi la banku buutoo le kono.

Yesaya 27:3

“Nte Yaawe le ka a kanta, n ka a jiiboŋ taariŋ, n ka a kanta suuto tili, fo moo kana a tiñaa.

Yeremiya 25:21

Edomu, Mowabi, aniŋ Ammoni bankoolu fanaa,

Yeremiya 27:3

Kumoolu kii ñiŋ mansoolu kaŋ ka bo niŋ ì la kiilaalu la, mennu naata Mansa Sedekiya yaa Yerusalaamu. Wolu le mu Edomu mansakewo ti, Mowabi mansakewo, Ammoni mansakewo, Tire mansakewo, aniŋ Sidoni mansakewo.

4 Musa 24:17

Ŋa moo le la kuwo je bari a maarii la kuwolu maŋ ke saayiŋ ti. Ŋa a je le, bari a be jamfariŋ ne de. Moo le be bo la Yaakuba bala ko looloo, maralilaa le be naa finti la Banisirayila. A be Mowabi maralilaalu bee kuŋo teyi la le, a ye Seti koomalankoolu bee kasaara.

4 Musa 32:3

“Ñiŋ tundoo, Banisirayilankoolu ye meŋ taa Yaawe* la deemaaroo kaŋ, Ataroti saatewo be daameŋ, Diboni saatewo, Yaseri saatewo, Nimura saatewo, Hesiboni saatewo, Eleyale saatewo, Sebamu saatewo, Nebo saatewo aniŋ Beyoni saatewo, baluudulaa kende baalu le mu beeyaŋolu ye, aduŋ beeyaŋo be siyaariŋ ntolu bulu le.

4 Musa 33:47

Ì bota Alimoni-Dibulatayimu, ì taata daakaa loo Abarimu Konkoolu to, Nebo ñaatiliŋo la.

Yosuwa 13:19

Kiriyatayimu, Sibuma, Sereti-Sahari, meŋ be konkoo kaŋ wulumbaŋo kono,