Yeremiya 46:9 - Mandinka Bible

⁹ Acaa, suwoolu ye kirimbaasi! Keleraŋ sareetoolu ye saŋara bori! Kelejawaroolu ye taa ñaato: Kusi* aniŋ Puti kewolu, mennu ye ì la koteeroolu cafu, aniŋ Ludinkoolu mennu kalanta kala fayoo la.

Yeremiya 46:9 ပူးပေါင်းရင်းမြစ်များ

Esekiyeli 27:10

“Perisiya, Ludi, aniŋ Puti kewolu le be i la kelediŋ kafoo kono, aduŋ itolu le mu i la kelejawaroolu ti. Ì la koteeroolu* niŋ ì la keleraŋ nee naafoolu ka tara dendiŋ i karoo bee le la. Wolu le ka i ñiiñandi.

Yesaya 66:19

A ko: “M be kaawakuwo le fintindi la ì kono, aduŋ moo doolu mennu tankata n na ñiŋ kiitindiroo ma, m be ì kii la ñiŋ banku jamfariŋolu le kaŋ, Tarisi, Libiya, aniŋ Ludi bankoo, meŋ na moolu mu kalabeñe fayilaa baalu ti, ka taa fo Tubali, Jirisi, aniŋ banku jamfariŋolu mennu maŋ n na darajoo loŋ, waraŋ ka n na kallankeeyaa je. Ì be n na kallankeeyaa kankulaa la bankoolu kaŋ ne.

Nahumu 3:9

Kusi* niŋ Misira le mu a semboo ti, dandulaa te meŋ na. Puti niŋ Libiya, wolu le mu a maakoyilaalu ti.

1 Korintinkoolu 1:8

A be ali bambandi la le fo labandulaa to, fo ali kana sootaaroo soto m̀ Maarii Yeesu Kiristu la naa luŋo la.

Kiilaalu 2:10

Firikiya, Pamfiliya, Misira aniŋ Libiya bankoo meŋ be Kirene daala. Doolu mu luntaŋolu ti ka bo Rooma.

Yeremiya 47:3

niŋ ì ye suubori sinkaŋolu moyi naŋ, keleraŋ sareetoolu* maakaŋo, ì siŋolu borikaŋo, faalu te ì kooma fele la ì diŋolu la, ì buloolu ye lamfu.

Yeremiya 30:5

“Nte Yaawe ye ñiŋ ne fo ko: Kumboo kaŋo, n ka wo le moyi, silaŋo kamma la, aniŋ kijafaroo, a maŋ ke kayiroo ti.

1 Taarika 1:11

Misira le mu ñiŋ moolu bonsuŋo ti: Ludinkoolu, Anamunkoolu, Lehabunkoolu, Nafutunkoolu,

1 Musa 10:13

Misira, wo le mu ñiŋ moolu bonsuŋo ti: Ludinkoolu, Anamunkoolu, Lehabunkoolu, Nafutunkoolu,

1 Musa 10:6

Hamu dinkewolu, wolu le mu: Kusi ti, Misira, Puti aniŋ Kanaani.

Yeremiya 51:11

Yaawe ye Mediya mansoolu le suusundi ka Babiloni kele, kaatu a ye a nata le ka a kasaara. Wo le mu Yaawe la julujoo ti, a la julujoo ì to, ì ye meŋ ke a Batudulaa Buŋo* la. Ì ko, “Ali ali la kalabeñoolu melundi, ali ye ali la koteeroolu* ñafu!

Esekiyeli 30:4

Keloo le be boyi la Misira bankoo kaŋ. Silaŋ baa ye duŋ Kusinkoolu* la. Kaatu moo jamaa le be faa la Misira bankoo kaŋ. A la fankoo niŋ a neemafeŋolu bee si ke ñapinkaŋ feŋolu ti. A fondamaŋolu ye boyi.

Esekiyeli 30:5

“Kusinkoolu, Putinkoolu, Ludinkoolu, Araabuduunkoolu, Libiyankoolu, aniŋ n na laahidi banku moolu, ì niŋ Misirankoolu bee be faa la wo keloo le kono.”