Yeremiya 46:27 - Mandinka Bible

²⁷ “Wo to ali kana sila, alitolu Yaakuba koomalankoolu, n na dookuulaa, sako ka jikilateyi, ite Banisirayila. Kaatu ko, m be i kiisa la naŋ dulaa jamfariŋolu to le, ka i koomalankoolu bondi naŋ ì mutadulaa bankoo kaŋ. Yaakuba be muru la naŋ ne ka tenkuŋo niŋ tankoo soto, aduŋ moo te a silandi noo la.

Yeremiya 46:27 ပူးပေါင်းရင်းမြစ်များ

Yesaya 43:5

“Ali kana sila, kaatu m be ali fee le. M be ali diŋolu bondi la naŋ tilibo karoo la, ŋa ali bee naati tilijii karoo la.

Yesaya 43:1

Wo to saayiŋ, Yaawe* meŋ ye ite Yaakuba daa, a ye muluŋo ke ite Banisirayila la, a ye ñiŋ ne fo ko: “Ali kana sila, kaatu ŋa ali kumakaa le, ŋa ali kumandi ali too le la ka ke m faŋo taa ti.

Yeremiya 50:19

Bari m be Banisirayila murundi la a la bankoo kaŋ ne, a be i daañini la Karimeli Konkoo kaŋ ne, aniŋ Basani tundoo, ka taa Efurayimu* konkotundoo*, aniŋ Kileyadi konkotundoo kaŋ, a ye wasa ko a lafita a la ñaameŋ.

Yeremiya 29:14

ali be n je la le. Nte Yaawe le ye a fo, aduŋ m be ali samba la naŋ ne ka bo bankoolu bee kaŋ, ŋa ali janjandi daamennu to. M be ali murundi la ali la firiŋo to le, ka ali murundi dulaa to ŋa ali bondi daameŋ ka ali samba mutoo kono.” Yaawe le ye a fo.

Amosi 9:14

M be n na moolu Banisirayilankoolu murundi la naŋ ne ka bo mutoo kono. Ì ye naa ì la saatee tumbundiŋolu lookuu, ì ye sabati ì kono. Ì ye wayini yiroolu tutu, ì ye ì jiyolu miŋ, ì ye naakoolu dookuu, ì ye i munafaŋ ì la.

Yeremiya 33:16

Wo luŋolu la Yahuuda be kiisa la le, Yerusalaamu ye tara siiriŋ tankoo kono. Ì be kali a kumandi la ñiŋ too le la: Yaawe le mu ǹ ye Tiliŋo ti.

Yeremiya 23:6

A la waatoo la Yahuuda be tankandi la le, aduŋ Banisirayila be tara la sabatiriŋ tankoo le kono. Ì be kali a kumandi la ñiŋ too le la: Yaawe le mu ǹ ye Tiliŋo ti.

Yesaya 44:2

Nte Yaawe meŋ ye alitolu daa, ŋa muluŋo ke ali la wuluuñaŋo kono, ali la maakoyilaa, ŋa a fo ali ye le ko, n na dookuulaa Yaakuba, n na tomboŋ moo Yesuruni, ali kana sila.

Yeremiya 32:37

A be koyiriŋ ne ko, m be ì kafu la ñoo ma le ka bo bankoolu bee kaŋ, ŋa ì bayi daamennu to, n na jusukandoo, diminnaa, aniŋ kamfaa baa kono. M be ì murundi la naŋ ñiŋ dulaa to le, ŋa ì sabatindi tankoo kono.

Esekiyeli 39:25

Maarii Yaawe ye ñiŋ ne fo ko: “Saayiŋ m be Yaakuba koomalankoolu la neemoo murundi la ì kaŋ ne, ko a be nuŋ ñaameŋ, aduŋ m be balafaa soto la Banisirayila muumee ye le. M be n too la horomoo kanta la le.

Esekiyeli 36:24

A ko: “M be ali samba la naŋ ka bo wo bantala bankoolu bee kaŋ ne, ka naa ali fansuŋ bankoo kaŋ.

Yesaya 14:3

Niŋ Yaawe ye dahaa dii ali la luŋo meŋ na, ka bo bataa kono, jaraboo aniŋ joŋyaa koleŋo,

Yesaya 44:1

Yaawe* ko: “Banisirayilankoolu, ali i lamoyi n na, n na dookuulaalu, n na tomboŋ moolu, Yaakuba koomalankoolu.

Yeremiya 51:46

Ali kana jikilateyi ka sila, ka bo moyilaa-moyi kumoo la bankoo kaŋ, moyilaa-moyi kuma ñinaŋ, jaari moyilaa-moyi kuma, ko fitinoo le be bankoo kaŋ, ko mansa niŋ mansa le be keloo la.

Esekiyeli 16:53

“Wo koolaa ñaato m be Sodomu niŋ Samariya niŋ ì dimmusoolu bee la neemoo murundi la ì kaŋ ne, aniŋ ite faŋo taa,