Yeremiya 46:22 - Mandinka Bible

²² Misira ka kuma le ko niŋ saa be bori la ka taa, kaatu a jawoolu la kelediŋolu ka naa niŋ semboo le la. Ì niŋ teeraŋolu le ka naa a kamma, ì ka munta yiri boyilaalu.

Yeremiya 46:22 ပူးပေါင်းရင်းမြစ်များ

Yesaya 29:4

I boyiriŋo, i si kuma ka bo bankoo duuma-duuma naŋ, i la kumoolu ye finti naŋ buutoo duuma. I kaŋo be bo la naŋ bankoo kono le komeŋ mañamafeŋo, aduŋ i la diyaamoo be ke la dumburoo le ti naŋ buutoo kono.

Yesaya 14:8

Junipa yiroolu ka seewoo Babiloni mansa kunna le, Libanooni sedari* yiroolu ka a fo ko, “Bayiri ì ye i la kuwo jindi le, moo maŋ naa ka m̀ boyi.”

Jakariya 11:2

Junipa yiroolu, ali woosii, sedari yiroolu boyita, yiri kallankewolu tiñaata. Basani tundoo yiri baalu, ali woosii, wula dibiŋo yiroolu bee teyita le.

Mika 7:16

Banku koteŋolu ñanta a je la le, ì ye malu, ì niŋ ì la sembe waroo bee, ì si jaakali fo ì te diyaamu noo la, waraŋ ka moyiroo ke.

Mika 1:8

Ñiŋ kuwo kamma la, n si kumboo, ŋa woosii, n kenseŋo ye loo, n siŋ kenseŋo ye taa. N si woosii ko kunkuwuloo, ŋa sikisiki ko kiikiyaŋo.

Yesaya 37:24

Sennakeribu ye a la dookuulaalu le kii ka nte Yaawe neŋ, aduŋ a ko, ‘N niŋ n na keleraŋ sareeti* jamaalu seleta konkoolu kaŋ santo le, ka taa fo Libanooni bankoo daŋo to. Ŋa jee sedari* yiri jaŋ baalu boyi le, aniŋ junipa yiri ñiimaa baalu. M futata a konkoolu daŋo ma le, ka taa a sutu yiriwaariŋolu kono.’

Yesaya 10:15

Bari, fo teeraŋo si a faŋo sikandi noo a maarii bulu, meŋ ka a sawundi, waraŋ seeroo ye a faŋo kibirindi a maarii ye, meŋ ka dookuwo ke a la? Fo dokoo si moo firifiri meŋ ye a sika, waraŋ babara kuntoo ye moo finjaŋ-finjaŋ?

Yosuwa 9:21

Ñaatonkoolu tententa ka diyaamu, ì ko, “Ali ŋà ì bula, ǹ kana ì faa, bari ǹ si ì ke ǹ na moolu ye looñinilaalu ti, aniŋ jiibiilaalu.” Banisirayilankoolu la ñaatonkoolu ye ñiŋ kumakaŋo le fo ì ye.

Jabuuroolu 74:5

ì ye teeraŋolu le teeka naŋ, komeŋ mennu ka naa sutu teyoo la. Ì ye a dundaŋ daalu sepu ka ì boyi.

Yeremiya 46:21

A la luwaasi kelediŋolu ka munta le ninsiriŋ nunkuriŋolu. A fele, ì bee borita ñoo la, ì maŋ loo ka keloo ke, kaatu ì jarabi luŋo le naata ì kaŋ, ì kuluu waatoo.

Yeremiya 46:23

Ì be a sutu teyi la le, a keta seeli teyibaloo ti ñaa-wo-ñaa, kaatu ì yaatewo tambita kuntiŋolu la le, daŋ te ì yaatewo la.