Yeremiya 46:16 - Mandinka Bible

¹⁶ I la kelediŋ jamaalu busandita le, ì ka a fo ñoo ye ko, ‘Wuli, ŋà seyi ǹ na moolu yaa suu, ǹ wuluu bankoo kaŋ, ŋà kana ǹ jawoolu la hawusaroo ma.’

Yeremiya 46:16 ပူးပေါင်းရင်းမြစ်များ

Yeremiya 51:9

Tumarankewolu bee ko, “Ŋà a kata le ka Babiloni kendeyandi, a maŋ kendeyaa noo. Ali a tu jee, ŋà taa, moo-wo-moo ye seyi a la bankoo kaŋ, kaatu Alla ye kuluuroo meŋ laa Babiloni kaŋ, a te kuŋ na saŋo niŋ bankoo teema.”

Yeremiya 50:16

Ali fiifeŋ fiilaalu turutumbuŋ Babiloni, ka taa katirilaalu niŋ ì la worotoolu. Ì mantooralaalu la hawusari* keloo be a tinna le tumarankewo bee ye muru ì fansuŋ moolu yaa, moo-wo-moo ye bori a fansuŋ bankoo to.”

Yeremiya 46:21

A la luwaasi kelediŋolu ka munta le ninsiriŋ nunkuriŋolu. A fele, ì bee borita ñoo la, ì maŋ loo ka keloo ke, kaatu ì jarabi luŋo le naata ì kaŋ, ì kuluu waatoo.

Yeremiya 46:6

“Boridulaa te tariŋolu ye, sako kelejawara si kana, maraa karoo la, Yufurati Boloŋo daala, ì takita jee le, ì boyita.