Yeremiya 46:12 - Mandinka Bible

¹² Banku koteŋolu ye a moyi le malu kuwo meŋ laata i kaŋ, aduŋ i la wuuroo ye duniyaa bee beŋ ne. Kelejawara niŋ kelejawara seyinta ñoo la le, ì bee boyita ñoo la.”

Yeremiya 46:12 ပူးပေါင်းရင်းမြစ်များ

Yeremiya 46:6

“Boridulaa te tariŋolu ye, sako kelejawara si kana, maraa karoo la, Yufurati Boloŋo daala, ì takita jee le, ì boyita.

Yeremiya 14:2

“Yahuuda bee be kumboo kaŋ, a saatewolu moolu be koririŋ ne. Jee moolu be laariŋ bankoo to niitooroo kono, aduŋ Yerusalaamu lembakaŋo taata santo le.

Yesaya 19:2

Yaawe ko: “M be Misirankoolu dundi la ñoo la le, ì ye kele. Baadimmaalu si keloo wulindi ñoo kamma, siiñoolu ye a wulindi ñoo kamma, saatee ye a wulindi saatee kamma, kumandaŋ mara bankoolu ye a wulindi ñoo kamma.

Sefaniya 1:10

Yaawe ye ñiŋ ne fo ko: “Wo luŋo la, ali be kumboo kaŋo moyi la, Ñee Dundaŋ Daa to, Yerusalaamu, lembakaŋo Saatewo Bajonkoo to, aniŋ kasaaroo maakaŋo konkoolu to naŋ.

Yeremiya 51:54

Yaawe ko: “Wuurikaŋo le ka bo naŋ Babiloni! Kasaara baa maakaŋo le be kuma kaŋ ì la bankoo kaŋ!

Yeremiya 49:21

Ì busandikaŋo be bankoo jarajarandi la le, ì wuurikaŋo ye moyi hani Kulunjumbe Baa to.

Yeremiya 48:34

“Ì la wuuroo be kuma kaŋ santo le, ka bo Hesiboni ka taa fo Heleyale, hani fo Yahasi, ka bo Sowari ka taa fo Horonayimu, hani fo Ekilati Selisiya, kaatu hani Nimurimu woyoolu jaata le kos.

Yesaya 10:4

Feŋ te tu la ali ye, fo ka tara motomotoriŋ mutamoolu kono, waraŋ ali ye tara moo faariŋolu kono. Ñiŋ bee koolaa, Yaawe* la kamfaa maŋ jii, a buloo be teekariŋ ne ka ali mantoora.

1 Samuweli 5:12

Moolu mennu maŋ faa, a ye wolu yankankati niŋ maadiŋolu le la, aduŋ saatee moolu la kumboo kaŋo taata le fo ì la allañolu yaa, fo ì si ì maakoyi.

Yesaya 24:11

Moolu be woosii kaŋ mbeedoolu kaŋ, wayinoo la mankoo kamma la. Seewoo bee danta, jusulaa yeemanta duniyaa kono.

Yeremiya 2:36

Muŋ ne ye a tinna, i ye i faŋ kuŋo feeyandi yaayoo la taariŋ? Misira bankoo be bo la i koto le, ko Asiriya bankoo bota i koto ñaameŋ.

Yeremiya 47:2

Yaawe ye ñiŋ ne fo ko: “A juubee baajiyo ka wuli maraa la naŋ ñaameŋ, ì be naa ke la waamoo ti ka woyi. Ì be bankoo niŋ a feŋo bee kunuŋ na le, saatewolu niŋ mennu be sabatiriŋ ì kono. Moolu be wuuri la le, moo-wo-moo be siiriŋ bankoo kaŋ be lemba la le,

Yeremiya 50:46

Ì muta tumoo maakaŋo be bankoo jarajarandi la le, ì wuurikaŋo ye moyi hani banku koteŋolu kaŋ.”

Nahumu 2:5

Kelediŋ kuntiyo si a la kelediŋ bambandiŋolu kumandi naŋ, ì kiditoo si bori saatewo tata sansaŋo to, tankaraŋ koteeroo* londita daameŋ.