Yeremiya 45:3 - Mandinka Bible

³ “I ka ñiŋ ne fo ko, ‘Woyi nte! Yaawe ye niitooroo le lafaa n na dimiŋo kaŋ. M bataata ŋuntaŋo la le, m maŋ dahaa soto.’

Yeremiya 45:3 ပူးပေါင်းရင်းမြစ်များ

Kalatiyankoolu 6:9

Wo to, ali kana bataa kuu bete kewo la. Niŋ m̀ maŋ jikilateyi, waatoo be naa le, m̀ be katiroo ke la meŋ na.

2 Korintinkoolu 4:16

Wo kamma la, m̀ buka jikilateyi. M̀ balajaatoolu be baŋ kaŋ ñaa-wo ñaa, bari ǹ konoto daañaa ka tu kutayaa la le luŋ-wo-luŋ.

2 Korintinkoolu 4:1

Bayiri ntolu ye ñiŋ dookuwo soto ka bo niŋ Alla la hiinoo le la, ǹ te jikilateyi la.

2 Tesalonikankoolu 3:13

Baadiŋolu, ali kana bataa kuu bete kewo la.

Niikuyaa Suukuwolu 3:32

Laa ko, a si niikuyaa saabu ñaa-wo-ñaa, a be balafaa yitandi la le a la kanu bambaloo la waroo kaŋ.

Niikuyaa Suukuwolu 1:22

“Yaawe, n jawoolu la kuu kuruŋ kewo juubee, i niŋ ì ye janjuŋ, ko i niŋ nte janjunta ñaameŋ, n na junuboolu kamma la, ŋa ŋuntaŋ jamaa le ke, fo n jikilateyita.”

Niikuyaa Suukuwolu 1:13

“Nte Yerusalaamu saatee senuŋo! Yaawe ye dimbaa le kupi n kaŋ, a la janoo dunta fo n kuloo kono. A ye kutindiŋo le laa n ñaato, a ye n yelemandi n koo la, a ye n kenseŋo tu, a ye n tu keturiŋ las.

Yeremiya 9:1

M be lafiriŋ ne n kuŋo ye ke woyoo ti, n ñaalu ye ke ñaajii daloo ti, fo n si kumboo suuto tili, ñiŋ kamma ì ye n na kanu moolu mennu faa.

Yeremiya 8:18

Kooni! Niikuyaa jaarabaloo le laata n kaŋ, n niŋ jusu dimiŋo le mu.

Kuma Kotoomaalu 24:10

Niŋ i buka loo noo koleyaa waatoo kono, wo to i semboo dooyaata le.

Jabuuroolu 120:5

Kooroo boyita n kaŋ ne, a ka munta le m be siiriŋ Meseki moolu le kono, waraŋ Kedari moolu.

Jabuuroolu 69:3

N korita wuuroo la le, fo n kaŋ konotoo jaata, n ñaalu dibita m ma kut, feŋ te fo n ka n na Alla la maakoyiroo meŋ batu.

Jabuuroolu 42:7

I ye niikuyaa jiibalimmaalu le samba naŋ n kaŋ. N ka bumbuŋ kaŋo le moyi, meŋ dunta ñoo to. I ye mantooroo waamemaa le naati n kaŋ.

Jabuuroolu 27:13

N dankeneyaata le ko, m be Yaawe la beteyaa je la le, ñiŋ duniyaa baluwo to.

Jabuuroolu 6:6

N korita ŋuntaŋo la le. Ŋa n na laaraŋo ke woyoo le ti, n ñaajiyo la. Ŋa n na kullaaraŋo ñikindi, suutoo bee.

Yuuba 23:2

Hani bii nte la balaŋo be bambandiŋ m bulu le. M be ŋuntaŋ kaŋ ñaa-wo-ñaa, Alla le be n jarabi kaŋ.

Yeremiya 45:2

Yaawe* Banisirayila la Alla ye ñiŋ ne fo ite Baruku ye ko:

Jabuuroolu 6:7

Niitooroo ye n ñaa kuyandi le, n ñaa korita le, n jawoolu bee la kuwo kamma la.