Yeremiya 44:25 - Mandinka Bible

²⁵ Yaawe Alihawaa Maariyo, Banisirayila la Alla ye ñiŋ ne fo ko: “Alitolu niŋ ali la musoolu ye fori ke ali daalu la le, ali naata a baara ali buloolu la, biriŋ ali kumata ko, ‘A be koyiriŋ ne ko, ŋà tawoolu mennu taa m̀ be ì taamandi la le, ka cuuraayoo siisindi, aniŋ ka miŋ feŋ sadaa boŋ Saŋo Santo Musumansoo ye.’ “Wo to ali a waa, ali ye tawoo meŋ taa, ali ye a ke!

Yeremiya 44:25 ပူးပေါင်းရင်းမြစ်များ

Matiyu 14:9

Mansa sunuta ñaa-wo-ñaa, bari a la kaloo niŋ luntaŋolu kamma la a ye a yaamari ko, a ñanta dii la le.

Yuuda 1:13

Ì be le ko fankaasoo jiibaliŋ saŋarariŋolu, ì ka malu kuwolu fintindi ko jiibaliŋolu la kankaŋo ka fuusa banta ñaameŋ. Ì be le ko looloo taamalaalu, dibi baa kataŋo mu ì taa le ti fo abadaa.

Esekiyeli 20:39

Maarii Yaawe ye ñiŋ ne fo ko: “Wo to saayiŋ, alitolu Banisirayilankoolu, niŋ a diyaata ali ye, ali si taa ka ali la jalaŋolu batu, bari ñaato siniŋ, ali be i lamoyi la n na le, ali ye soŋ n na yaamaroolu la. Kaatu nte jankuta le. Ali te horomantaŋyaa tiliŋ na n too la kotenke niŋ ali la wo jalaŋolu la, ali ka mennu batu, aniŋ ali ka ali la sadaalu bo mennu ye.”

Yesaya 28:15

Ali kibirita le ka a fo ko, ali niŋ saayaa ye kambeŋo le siti, ali niŋ kaburoo fanaa denta kaŋ na. Niŋ kasaaroo feeneeta naŋ, ali be tanka la a la le, kaatu ali ye faniyaa le ke ali la tuukuraŋo ti, tooñaafobaliyaa le keta ali la semberaŋo ti.

Yuuba 34:22

Wo dibi te keriŋ, meŋ si junubelaa maabo noo Alla ma.

Yeremiya 32:29

Itolu Babiloninkoolu mennu be ñiŋ saatewo kele kaŋ, ì be dimbaa le duŋ na a la ka a jani. A buŋolu be jani la le, ì ka cuuraayoo siisindi mennu santo teruriŋolu to, Baali* jalaŋo ye, ì ka miŋ feŋ sadaalu* boŋ jalaŋ koteŋolu ye daamennu to, ka n kamfandi.