Yeremiya 44:12 - Mandinka Bible

¹² Yahuuda moo toomaalu mennu tuta jee, aduŋ ì be pareeriŋ ñiŋ na ka tu siiriŋ Misira bankoo kaŋ, m be a je la le ko ì bee ye kasaara. Ì bee kewu, biriŋ moondiŋ fo moo baa, ì be faa la Misira bankoo kaŋ ne, ka bo niŋ hawusaroo* la, waraŋ konkoo. Ì be ke la moolu ye danka moolu le ti, ì ye ke ì ye kijabo kuwo ti, ka ke jutunna moo ti, aniŋ jelefeŋo.

Yeremiya 44:12 ပူးပေါင်းရင်းမြစ်များ

Yeremiya 42:22

Wo to saayiŋ, ali si ñiŋ loŋ a ye koyi ali ma ko, ali be faa la niŋ hawusaroo le la, konkoo, aniŋ alibalaa kuuraŋo wo dulaa to, ali be lafiriŋ ka taa sabati daameŋ.”

Yesaya 65:15

N na tomboŋ moolu be alitolu too muta la dankoo le ti, kaatu nte ali Maarii Yaawe le be ali faa la. Bari m be too doo le dii la moolu la mennu ye n horoma.

Hoseya 4:6

N na moolu kasaarata lombaliyaa kaŋ. Alitolu piriisoolu ye ì baŋ ne ka n loŋ, wo to ŋa m baŋ ali la piriisiyaa to le. Bayiri ali ñinata ali la Alla la Luwaa la, nte fanaa be ñina la ali diŋolu la le.

Yeremiya 29:22

Meŋ be ke la ì la, mutamoolu mennu bota Yahuuda, ì be Babiloni bankoo kaŋ, be wo le ke la dankari kumoo ti. Ì be kali a fo la le ko: ‘Allamaa Yaawe ye ì ke ko Sedekiya niŋ Ahabu, Babiloni mansakewo ye mennu kendoo jani dimbaa kono.’

Yeremiya 29:18

M be tara la ì bayindi kaŋ niŋ hawusaroo le la, konkoo, aniŋ alibalaa kuuraŋo. M be ì la kuwo ke la duniyaa mansamarali bankoolu bee ye masilaŋo le ti, ì ye ke danka moolu ti, moo ñewundiŋolu, jelefeŋolu, aniŋ jutunna moolu, bankoolu bee kaŋ, ŋa ì bayi ka taa daamennu to,

Yeremiya 18:16

Ì ye ì la bankoo kenseŋyandi le, ka ke jutunna feŋo ti fo abadaa. Niŋ moo-wo-moo tambita jee la a kijoo ka bo le, a ye a kuŋo jiijaa.

Yesaya 1:28

Bari balannaalu niŋ junubelaalu bee be halaki la le, aduŋ moolu mennu ye ì koo dii Yaawe la, be kasaara la le.

4 Musa 5:27

Niŋ a ye a mindi jiyo ñiŋ na, niŋ a ye a tara a ye a faŋ nondi le, a maŋ tiliŋ a keemaa fee, a ye jiyo ñiŋ meŋ miŋ, meŋ ka dankoo samba naŋ, be bataa baa le saabu la a ma. A wuluuñaŋo si soroŋ, a konoo ye yiti, a ye ke dankatoo ti a la moolu kono.

Yeremiya 16:4

alibalaa kuuraŋo le be ì faa la. Moo te soto la ka ì la saŋo kumboo, sako moo si soto ka ì baadee. Ì jambandimaa le be tara la bankoo to. Ì be faa la hawusaroo* niŋ konkoo le la, ì furewolu ye ke duwoolu la domoroo ti, aniŋ wulakono daafeŋolu.

Yeremiya 24:9

M be kasaaroo laa la ì kaŋ ne fo ì ye ke duniyaa mansamarali bankoolu bee ye silaŋo ti. Ì be ke la jutunna moolu le ti, ì ye ke moolu daa mansaali kumoo ti, ì ye ke jelefeŋolu ti, aniŋ ka ke moo dankariŋolu ti dulaalu bee to, ŋa ì bayi ka taa daamennu to.

Yeremiya 26:6

Niŋ ali maŋ i lamoyi n na, m be n na ñiŋ Batudulaa Buŋo buruka la le ko ŋa n na batudulaa ke ñaameŋ, meŋ tarata nuŋ Silo saatewo to. Wo to le m be ñiŋ saatewo ke la danka feŋo ti duniyaa banku koteŋolu bee ye.”

Yeremiya 42:1

Bituŋ Yahuuda kelediŋ kuntiyolu bee, ka taa ì niŋ Yohanani, Kareya dinkewo, Yesaniya, Hosaya dinkewo, aniŋ moolu bee, biriŋ moondiŋ fo moo baa, naata nte Yeremiya kaŋ.

Yeremiya 44:22

Yaawe maŋ ali la kuu jawu baaroolu niŋ ali la kuu ñewundiŋ kewo muña noo. Wo le ye a tinna ali la bankoo keta tumbuŋo ti ka kenseŋyaa, aniŋ ka ke danka feŋo ti, aduŋ moo te siiriŋ jee, ko a be ñaameŋ bii.

Jakariya 8:13

Ite Yahuuda niŋ Banisirayila, ì ka ali ke nuŋ danka moolu misaaloo le ti bankoolu kaŋ taariŋ, bari m be ali kiisa la le, ali ye ke neema moolu ti. Ali kana sila, ali ali tewolu siti.

Yeremiya 43:11

A be naa le ka Misira bankoo busa. A be moolu mennu dii la alibalaa kuuraŋo la, a ye ì dii a la, a be mennu dii la ka taa mutoo kono, ì ye taa mutoo kono, aniŋ a be mennu dii la ka faa niŋ hawusaroo* la, ì ye faa niŋ hawusaroo la.

Hoseya 9:6

Hani niŋ ali kanata kasaaroo ma, Misira si ali kumbeŋ ñoo kaŋ, ali ye baadee Memfisi saatewo to. Ñaamoo le be ali la kodiforoo kunuŋ na, ŋaniŋolu ye ali la tiriliisoolu* taa.