Yeremiya 42:6 - Mandinka Bible

⁶ A keta a betemaa ti baŋ, waraŋ a jawumaa, m̀ be Yaawe ǹ na Alla la kumoo muta la le, m̀ be i kii kaŋ ate meŋ kaŋ teŋ. Niŋ ŋà wo ke, i si a je ǹ si kayiroo soto, a ye a tara ŋà ǹ na Alla la kumoo muta.”

Yeremiya 42:6 ပူးပေါင်းရင်းမြစ်များ

Yeremiya 7:23

Bari ŋa ì yaamari ñiŋ ne la ko, ì ye n na kumakaŋo muta, wo to le m be ke la ì la Alla ti, ì ye ke n na moolu ti. Ì si taama siloolu bee la, ŋa ì yaamari mennu la, i si a je kuu kendoo doroŋ si ke ì ye.

5 Musa 5:29

Niŋ ì sondomoolu tuta teŋ, ì ye n horoma, ì ye n na luwaalu bee muta, kuwolu bee be laakuu la ì ye le, ì niŋ ì koomalankoolu fo abadaa.

Roomankoolu 8:7

Kaatu moo meŋ hakiloo ka tu hadamadiŋyaa kuwolu kaŋ, a ka ke Alla jawoo le ti. A buka soŋ Alla la Luwaa ma, aduŋ a buka hani a ke noo.

5 Musa 5:33

Ali si soŋ ì bee la, ali bula ì nooma fo kuwolu bee si laakuu ali ye, fo ali si siimaayaa bankoo kaŋ, ali be taa kaŋ daameŋ to, ka jee taa.

Roomankoolu 7:13

Saayiŋ, fo ñiŋ luwaa betoo le ye saayaa saabu m ma? A te ke noo la wo ti muk! Bari junuboo le mu kuwo ti, meŋ ye saayaa saabu nte ma ka bo niŋ ñiŋ luwaa betoo la. Ñiŋ keta le fo junuboo si suutee noo, aduŋ luwaa ye a yitandi le, junuboo jawuyaabaata ñaameŋ.

Roomankoolu 7:7

Wo to, ǹ si muŋ ne fo noo? Fo Luwaa faŋo mu junuboo le ti baŋ? Wo te ke noo la muk! Bari hani wo, niŋ Luwaa maŋ soto nuŋ, n te a loŋ na, meŋ mu junuboo ti. N te a loŋ na, meŋ mu hadumoo ti nuŋ, niŋ Luwaa maŋ a fo ko, “Kana i ñaa loo moo doo la feŋ kaŋ.”

Yesaya 3:10

Yaawe ko, “A fo moo tilindiŋolu ye ko, ì la kuwolu be beteyaa la le, kaatu ì ye meŋ dookuu, ì be i munafaŋ na a la le.

Jabuuroolu 128:2

I maarii ye meŋ dookuu i buloo la, i be a tinewo domo la le. I be seewoo la le, aduŋ i be firiŋ na le.

Yosuwa 24:24

Ñiŋ moolu ko Yosuwa ye ko, “Ntolu be Yaawe doroŋ ne batu la, ǹ na Alla, aniŋ ka a la yaamaroo muta.”

2 Musa 24:7

A naata Kambeŋ Kitaaboo* taa, a ye a karaŋ moolu ye. Ì ye a jaabi ñiŋ ne la ko, “Yaawe ye feŋ-wo-feŋ fo, m̀ be a ke la le. M̀ be a horoma la le.”

5 Musa 5:27

Wo kamma la, Musa ite si muru, i ye i lamoyi kumakaŋolu bee la Yaawe ǹ na Alla be mennu fo la. I si naa muru naŋ ǹ kaŋ ka a fo ǹ ye, a ye mennu bee bankee. M̀ be ǹ tuloo loo la ì la le, ŋà ì bee muta.”

Yeremiya 22:15

“Fo ite ye a miira, wo le ye ite mansayandi doolu ti, ka i yaa bee ñiiñandi sedari babaroo la? Fo ite faamaa, wo maŋ a domo, a ye a miŋ, bari a ye tooñaa niŋ tiliŋo le taamandi? Wo le ye a tinna kuwo bee ye a wati.

Yeremiya 43:4

Wo kamma la Yohanani niŋ kelediŋ kuntiyolu, aniŋ moolu bee maŋ Yaawe la kumoo muta, ka tu sabatiriŋ Yahuuda bankoo kaŋ.

Jabuuroolu 78:36

Bari ì ka neeneeri kumoolu le fo a ye ì daalu la, aniŋ ka faniyaa fo a ye.