Yeremiya 37:10 - Mandinka Bible

¹⁰ Hani niŋ a ye a tara ali ye Babiloni kelediŋolu bee noo le, mennu ka naa ali kele, fo a tuta kee baramariŋolu doroŋ na ì la tiriliisoolu* kono, ì si wuli naŋ ì ye ñiŋ saatewo jani, fo a niŋ bankoo ye tembe.”

Yeremiya 37:10 ပူးပေါင်းရင်းမြစ်များ

Yoweli 2:11

Yaawe bumbunta a la kelejawaroolu kunto, waroo meŋ be kafoo la, meŋ bulata a nooma! Mennu ka a la yaamaroo muta, yaatee te wolu la. Tooñaa-tooñaa, Yaawe la luŋo warata le, a be jawuyaa la le kendeke. Jumaa le si a muña noo?

Yeremiya 50:45

“Wo to ali lamoyiri ke, nte Yaawe ye meŋ feere Babiloni kamma, ŋa meŋ nata Babiloninkoolu la bankoo kamma. Hani dindiŋolu, ì la koorewolu kono, ì be ì kuruntu la le taariŋ. Ì kafoo muumewo be teekumu la ì la mantoora kuwo la le.

Yesaya 30:17

Moo wuli kiliŋ be bori la le, moo kiliŋo silaŋñaa kamma la, moo luulu silaŋñaa kamma la, ali bee be bori la le, ali ye ke ko bandeeri dokoo meŋ dammaa tuta konkoo kaŋ santo, waraŋ taamanseeri dokoo meŋ dammaa tuta konkoriŋo kaŋ.

Yeremiya 51:4

Ì be ì furewolu landi la Babiloni bankoo kaŋ jee le, ì baramariŋo, a mbeedoolu kaŋ taariŋ.

Yeremiya 49:20

Wo to ali lamoyiri ke, nte Yaawe ye meŋ feere Edomu kamma, aniŋ ŋa meŋ nata Temaninkoolu kamma. Ì be ì bayi la le ko saajii koorewo, hani dindiŋolu niŋ moo koririŋolu.

Yeremiya 37:8

Wo to le Babiloninkoolu be muru la naŋ ka keloo boyi ñiŋ saatewo kaŋ. Ì be jee muta la le, ì ye a jani.’

Yesaya 14:19

Bari ite wo, i maŋ baadee muumeeke, ko ì ye yiribuloo meŋ fayi. Hawusaroo* ye mennu faa, i niŋ wolu le be ñoo kaŋ. Ì ye i niŋ wolu fayi bere dinka baa le kono, ì ye i doriŋ-doriŋ.

Yesaya 13:15

Ì ye moo-wo-moo muta, ì be a soo la niŋ sooroo le la, ì ye mennu bee muta, hawusaroo* le be ì faa la.

Yesaya 10:4

Feŋ te tu la ali ye, fo ka tara motomotoriŋ mutamoolu kono, waraŋ ali ye tara moo faariŋolu kono. Ñiŋ bee koolaa, Yaawe* la kamfaa maŋ jii, a buloo be teekariŋ ne ka ali mantoora.

Yeremiya 21:10

Ŋa n ñaa tiliŋ ñiŋ saatewo la le ka kasaaroo naati a kaŋ, a maŋ ke kuu kendoo ti. A be duŋ na Babiloni mansakewo bulu le, a ye dimbaa duŋ a la ka a jani.” Yaawe le ye a fo.

Yeremiya 32:29

Itolu Babiloninkoolu mennu be ñiŋ saatewo kele kaŋ, ì be dimbaa le duŋ na a la ka a jani. A buŋolu be jani la le, ì ka cuuraayoo siisindi mennu santo teruriŋolu to, Baali* jalaŋo ye, ì ka miŋ feŋ sadaalu* boŋ jalaŋ koteŋolu ye daamennu to, ka n kamfandi.

Yeremiya 37:11

Babiloni kelediŋolu ye Yerusalaamu saatewo bula wo le ñaama, kaatu Firawoona la kelediŋ kafoo le ka naa ì kaŋ.

Niikuyaa Suukuwolu 1:15

“N na kee kendoolu mennu tarata m fee, Maariyo ye i baŋ ì bee le to, a ye kelediŋolu kumbendi n kamma ka n na fondinkewolu kasaara, ka Dimmusuriŋ Yahuuda doriŋ-doriŋ, ko ì ka yiridiŋolu dori ì bitidulaa to ñaameŋ.