Yeremiya 32:41 - Mandinka Bible

⁴¹ M be seewoo la le ka kuu kendoo ke ì ye, aduŋ m be ì tutukuu la ñiŋ bankoo kaŋ tooñaake le, n sondomoo niŋ n niyo la.

Yeremiya 32:41 ပူးပေါင်းရင်းမြစ်များ

Yeremiya 24:6

M be n ñaa loo la ì kaŋ ka kuu kendoo le ke ì ye, aduŋ m be ì murundi la naŋ ñiŋ bankoo kaŋ ne. M be ì tutu la le, n te ì suloo wutu la, ŋa ì loo, n te ì boyi la.

Sefaniya 3:17

Yaawe, ali la Alla be ali fee le. Ate le mu kelejawaroo ti meŋ ka nooroo ke. A be seewoo la ali la kuwo la le. A la kanoo ali kaŋ, wo be dahaa le dii la ali la, a ye ali la kuwo denkili seewoo kamma la.”

Amosi 9:15

M be ì sindi la ì faŋolu la bankoo le kaŋ, ŋa meŋ dii ì la, aduŋ moo te ì wutundi noo la jee kotenke.” Yaawe, ali la Alla le ye a fo.

Yesaya 62:5

I diŋolu be i topatoo la seewoo le kono, ko fondinkewo ka a la maañoo topatoo ñaameŋ. Alla be seewoo soto la i la karoo la le, ko maañootiyo ka kontaani a la maañoo la kuwo la ñaameŋ.

Yesaya 65:19

M be kontaani la Yerusalaamu la kuwo la le, ŋa seewoo soto n na moolu la kuwo to. Kumboo kaŋo niŋ woosiyo te moyi la jee kotenke.

Yeremiya 31:28

Bayiri koomanto ŋa ì juubee le, ŋa ì wutu, ka ì boyindi duuma, ka ì bondi ì noo to, ka ì kasaara, ka maasiiboo naati ì kaŋ. Bari m be a je la le ko, ŋa ì loo, ka ì tutu. Nte Yaawe le ye a fo.

Yeremiya 18:9

N si a noo le fanaa waati-wo-waati ŋa a bankee ko, m be banku kaari waraŋ mansamarali banku kaari loo la le, aniŋ ka a tutu ko yiroo.

5 Musa 30:9

Yaawe ali la Alla be yiriwaa dii la ali la le kendeke, biriŋ diŋolu to, beeyaŋolu, siimaŋo, aniŋ ali la kata kuwolu bee to. A be ke la Yaawe ye seewoo le ti ka firiŋo dii ali la, ko a seewoota ali mumuñolu la kuwo to ñaameŋ.

5 Musa 28:63

Aduŋ ko a keta Yaawe ye seewoo ti ñaameŋ ka ali so firiŋo la aniŋ ka ali yaatewo siyandi, wo ñaa kiliŋo la, a be ke la a ye seewoo le ti ka mantooroo jurumi ali kaŋ ka ali kasaara. A si naa ali wutundi ka ali bondi bankoo kaŋ, ali be naa duŋ na daameŋ ka ke ali taa ti.

Jabuuroolu 80:8

I ye wayini* yiri betoo bondi naŋ Misira le, i ye banku moo koteŋolu bayi, i naata a tutu.

Yesaya 62:4

Moolu te i kumandi la Tumbuŋo la kotenke, waraŋ Banku Tiñaariŋo. Ì be i kumandi la Kanuntee Saatewo le la, i la bankoo be muluŋ na le ko maañoo, kaatu Yaawe be kontaani la i la kuwo la le, aduŋ i la bankoo be ke la a taa le ti, ko maañoo ka ke a keemaa taa ti ñaameŋ.

Mika 7:18

Alla koteŋ ne be keriŋ baŋ ko ite? Ite le ka junuboolu kafari i la moolu ye, mennu tuta baluuriŋ, ite le ka yamfa ì la sookiri kuwolu la. I la kamfaa buka tu fo abadaa, i ka lafi le ka tara hiinanteeyaariŋ doroŋ.

Yesaya 60:21

“Wo to i la moolu bee be ke la moo tilindiŋolu le ti, aduŋ bankoo be tara la itolu le bulu fo abadaa. Itolu le mu soroŋo ti ŋa meŋ tutu, m faŋo buloo le la dookuwo mu, ka n na kallankeeyaa yitandi.

Esekiyeli 36:36

“Bantala bankoolu mennu tuta wo maafaŋo la jee, bee be a loŋ na le ko, nte Yaawe Alla le ye ñiŋ dulaa tumbundiŋolu seyinkaŋ loo a ñaama, aniŋ a yiroolu niŋ a senefeŋolu bee. Nte Yaawe faŋo le ye a fo, aduŋ m be a ke la le.”

Hoseya 14:5

M be ke la Banisirayila ye le ko komboo, a be yiriwaa la le ko koobayi firi ñiimaa, a ye suloo duŋ ko Libanooni yiroo.