Yeremiya 31:32 - Mandinka Bible

³² A te ke la ko ŋa kambeŋo meŋ siti n niŋ ì mumuñolu teema, kabiriŋ ŋa ì tambindi ka ì bondi naŋ Misira bankoo kaŋ. N keta ì ye le komeŋ ì keemaa le mu n ti, bari hani wo ì ye n na kambeŋo tiñaa le.” Yaawe le ye a fo.

Yeremiya 31:32 ပူးပေါင်းရင်းမြစ်များ

5 Musa 5:3

A maŋ ke ko a niŋ ǹ na alifaalu doroŋ ne ye ñiŋ kambeŋo siti, bari a niŋ ntolu faŋolu le mu, mennu be baluuriŋ bii.

5 Musa 1:31

Aduŋ ali ye a je le fanaa keñewuloo kono, Yaawe ye ali topatoo ñaameŋ, ko moo ka a diŋo topatoo ñaameŋ.” A ye ali ke wo le ñaama ali la siloo muumewo bee kaŋ, fo ali futata ñiŋ dulaa to jaŋ.

2 Musa 19:5

Niŋ ali ye n horoma a ñaama, ka n na kambeŋo muta, ali be ke la m fansuŋ moolu le ti, m be mennu tomboŋ na ka bo bankoolu bee kono. Hani duniyaa bee keta n taa ti ñaa-wo-ñaa,

Esekiyeli 16:8

“N naata tambi i maafaŋo la kotenke, a fele, ŋa a je ko, i siita futuwo ma le. Ŋa n na waramboo tuloo muuri i kaŋ ka i sutura. Ŋa m faŋo londi i ye, n niŋ i ye kambeŋo siti, i keta n taa ti.” Maarii Yaawe le ye a fo.

Yohana 3:29

Moo meŋ ye maañoo soto, wo le mu maañootiyo ti. Maañootiyo teerimaa ka loo le, a ye a lamoyi, aduŋ a ka jusulaa baake le, niŋ a ye maañootiyo kaŋo moyi. Ñiŋ ne mu nte la seewoo ti, meŋ timmata saayiŋ.

Hoseya 3:1

Yaawe* ko n ye kotenke ko, “Taa, i ye musoo kanu meŋ mu jeenelaa ti, a ye tuluŋñoo soto. A kanu ko nte Yaawe ye Banisirayilankoolu kanu ñaameŋ, ì ka bula alla koteŋolu nooma ñaa-wo-ñaa, ì ka wayini* yiridiŋ jaaroo bo ì ye sadaa* ti.”

Yeremiya 3:14

Yaawe ye ñiŋ ne fo ko, “Ali muru naŋ, alitolu diŋ muritiriŋolu, kaatu nte le mu ali Maarii ti. M be ali tomboŋ na le ka ali murundi naŋ ali janjanta daamennu to. M be kiliŋ bondi la naŋ saatee-wo-saatee le, ka fula bondi naŋ kaabiila-wo-kaabiila, ka ali naati Siyoni*.

3 Musa 26:15

ali ye ali koo dii n na luwaalu la, ka jutu n na kumakaŋolu niŋ yaamaroolu la, ka kambeŋo tiñaa n niŋ ali teema,

Hiburunkoolu 8:9

“A te ke la komeŋ ŋa kambeŋo meŋ siti n niŋ ì mumuñolu teema, kabiriŋ ŋa ì tambindi ka ì bondi naŋ Misira bankoo kaŋ. Ì maŋ tu tilindiŋ n na kambeŋo ye, wo le ye a tinna ŋa n koo dii ì la.” Maariyo le ye a fo.

2 Korintinkoolu 11:2

M be kiiliyaariŋ ali la kuwo la le niŋ kiiliyaa la, Alla ye meŋ dundi n sondomoo kono, kaatu ŋa ali laahidi kee kiliŋ ne la, meŋ mu Kiristu* ti, fo n si ali naati a kaŋ ko sunkutoo meŋ maŋ kewo loŋ.

Maaka 8:23

Bituŋ a ye finkintewo muta a buloo to, a ye a samba saatewo banta la. A ye daajiyo tupi a ñaalu kaŋ, aniŋ a ye a buloo laa a kaŋ. Wo koolaa a ye a ñininkaa ko, “I ka feŋ je le baŋ?”

Hoseya 11:1

Yaawe* ko: “Biriŋ Banisirayila la dindiŋyaa waatoo le mu, ŋa a kanu. Ka bo Misira, ŋa n dinkewo kili naŋ.

Hoseya 2:2

“Ali ali baamaa jalayi, a maŋ ke n na musu ti kotenke, m maŋ ke a kee ti. Ali a jalayi, fo a si i dahaa cakayaa la, a ye jeenoo bula.

Esekiyeli 23:4

Keebaamaa too mu Ohola le ti, dindimmaa too mu Oholiba ti. Bituŋ ŋa ì futuu, ì keta n taa ti. Ì ye dinkewolu niŋ dimmusoolu wuluu n na. Ohola meŋ mu keebaamaa ti, le mu Samariya saatewo ti. Oholiba, meŋ mu dindimmaa ti, le mu Yerusalaamu saatewo ti.

Esekiyeli 20:37

“M be a ke la le, fo ali bee si tara n na maroo koto, aniŋ ali bee si soŋ n na kambeŋo saratoolu la meŋ be n niŋ ali teema.

Yeremiya 34:14

Sanji woorowulanjaŋ-wo-sanji woorowulanjaŋ ì ñanta le ka ì ñoŋ Hiburunkoo* meŋ-wo-meŋ firiŋ, meŋ ye a faŋo waafi ì ma joŋo ti. Niŋ a ye dookuwo ke a maarii ye fo sanji wooro, a ñanta le a ye a firiŋ. Bari ali mumuñolu maŋ i lamoyi n na, sako ì tuloo si i moyi n na.

Yeremiya 31:1

Yaawe* le ye ñiŋ fo ko: “Wo waatoo la m be ke la Banisirayila lasiloolu bee le la Alla ti, aduŋ ì be ke la n na moolu le ti.”

Yeremiya 22:9

A jaabiroo be ke la ñiŋ ne ti ko: ‘Kaatu ì ye ì koo dii kambeŋo la le ì niŋ Yaawe ì la Alla teema, ì ka sujudi jalaŋolu ye, ka ì batu.’ ”

Yeremiya 2:2

n si taa Yerusalaamu, ŋa kankulaaroo ke, ì tuloolu ye a moyi ko: “Yaawe hakiloo muruta le, Banisirayila foroyaata ñaameŋ biriŋ a be dindiŋ, a maañoo kutamaa ye Yaawe kanu ñaameŋ. A bulata a nooma keñewuloo* kono le, wo banku senebaloo.

Yesaya 54:5

Kaatu nte i Daamansoo ka munta le ko i keemaa. Yaawe Alihawaa Maariyo* le mu n too ti, nte Banisirayila la Senuŋ Baa le mu i kumakaalaa ti, ì ka a fo n ye le ko, duniyaa bee la Alla.”

Yesaya 41:13

Kaatu nte le mu Yaawe ali la Alla ti, meŋ ye ali bulubaa buloo muta ka ali tanka. Ŋa a fo ali ye le ko, ‘Ali kana sila, m be ali maakoyi la le.’

Yesaya 24:5

Moolu ye bankoo kosondi, kaatu ì ye Alla la karandiroo soosoo le. Ì maŋ bula a la yaamaroolu nooma, ì ye a la badaa-badaa kambeŋo tiñaa.

Suukuwo 8:5

Jumaa le ka naa teŋ, ka bo naŋ keñewuloo* kono, a be minindiŋ a jusukuŋo la? Musoo ko: Pomu suŋo koto, ŋa i kuniŋ jee le, i tiŋo ye i baamaa maa wo le to, i baamaa meŋ ye i wuluu, be nuŋ tiŋo to jee le.

Jabuuroolu 73:23

Bari hani wo m be sabatiriŋ i fee le, aduŋ i ye m muta niŋ m bulubaa buloo le la.

1 Mansoolu 8:9

Feŋ te nuŋ Kambeŋ Kunewo kono niŋ a maŋ ke berewalaa fuloo ti. Musa ye ì ke jee Horebu konkoo le to, Yaawe ye kambeŋo siti a niŋ Banisirayilankoolu teema daameŋ to, kabiriŋ ì fintita Misira bankoo kaŋ.

5 Musa 31:16

Bituŋ a ko Musa ye ko, “A te mee la i be i laa la, i la alifaa foloolu be laariŋ daameŋ. Wo koolaa, ñiŋ moolu be ke la le ko cakoolu, ka bula bankoo la alloolu nooma, ì be taa kaŋ daameŋ. Ì be ì koo dii la n na, aniŋ ì be kambeŋo tiñaa la, n niŋ ì ye meŋ siti.

5 Musa 29:1

Ñiŋ ne mu kumakaŋolu ti, Yaawe* ye Musa yaamari ka mennu siti kambeŋo ti ate Yaawe niŋ Banisirayilankoolu teema Mowabi bankoo kaŋ, ka lafaa kambeŋo kaŋ, a niŋ ì ye meŋ siti Sinayi Konkoo to.

5 Musa 29:21

Yaawe si a tomboŋ Banisirayila lasiloolu bee kono ka maasiiboo laa a kaŋ, dankoolu bee, mennu be kambeŋo kono si laa a kaŋ, ko ì be safeeriŋ Luwaa Kitaaboo* kono ñaameŋ.

5 Musa 5:2

Ali ye a loŋ ne ko, Yaawe* ǹ na Alla niŋ ntolu ye kambeŋo le siti Sinayi Konkoo to.

Yeremiya 11:4

Ŋa kambeŋo le siti n niŋ ì mumuñolu teema, kabiriŋ ŋa ì bondi naŋ Misira bankoo kaŋ, ì be jaraboo kono nuŋ daameŋ ko niŋ ì be fuuri dimbaa le kono. Ŋa ñiŋ ne fo ì ye nuŋ ko, ì si n na kumakaŋolu muta, ka kuwolu bee ke ŋa ì yaamari mennu la. Wo to le ì be ke la n na moolu ti, ŋa ke ì la Alla ti.

Yeremiya 34:13

“Nte Yaawe, Banisirayila la Alla ye ñiŋ ne fo ko: Nte ye kambeŋo siti n niŋ ali mumuñolu teema le, kabiriŋ ŋa ì bondi naŋ Misira bankoo kaŋ, ka bo joŋyaa kono. Ŋa ñiŋ ne fo ko:

2 Musa 32:8

Ŋa ì yaamari ka siloo meŋ nooma, ì ye a bula le. Ì ye sani ninsituuraa le dadaa ka bo niŋ sani yelundiŋo la, ì ka sujudi wo le ye, ì ka sadaalu bondi a ye. Ì ka a fo le ko, ñiŋ ne mu itolu la alla ti, meŋ ye ì ñaatonkayaa ka ì fintindi naŋ Misira bankoo kaŋ.”

5 Musa 29:24

Bituŋ banku koteŋ moolu bee si a fo ko, “Muŋ ne ye a tinna Yaawe ye ñiŋ ke ñiŋ bankoo la? Muŋ ne ye a kamfandi teŋ?”

5 Musa 31:20

M be ì samba la bankoo kaŋ, keekewo niŋ liyo ka woyi daameŋ, n kalita ì mumuñolu ye ka meŋ dii ì la. Ì be domoroo soto la jee, ì konoo be faa la, ì baloolu ye nunku. Wo ñaa-wo-ñaa ì be bula la alla koteŋolu nooma le ka ì batu. Ì be ì koo dii la n na, ì ye n na kambeŋo tiñaa, n niŋ ì ye meŋ siti.

Jabuuroolu 78:37

Ì sondomoo maŋ bambaŋ a la kuwo to. Ì maŋ a niŋ ì teema kambeŋo muta kendeke.

Yeremiya 11:3

A fo ì ye, nte Yaawe Banisirayila la Alla ko: Dankoo be moo-wo-moo ye le, meŋ maŋ n na kambeŋo kumakaŋolu muta.

Kiilaalu 23:19

Wo to le kelediŋ kuntii baa ye fondinkewo buloo muta, a ye a samba kara la. A ye a ñininkaa kulloo kono ko, “I lafita muŋ ne fo la n ye?”