Yeremiya 31:10 - Mandinka Bible

¹⁰ “Alitolu bankoolu bee, ali i lamoyi nte Yaawe la kumoo la, aduŋ ali si a kankulaa dulaalu mennu be jamfajaŋo to ko, nte meŋ ye Banisirayila janjandi, m be a kafu la ñoo ma le, ŋa a kanta ko kantarilaa ka a la beeyaŋolu kanta ñaameŋ.

Yeremiya 31:10 ပူးပေါင်းရင်းမြစ်များ

1 Musa 10:5

Yafeti ñiŋ koomalankoolu, wolu tarata sabatiriŋ baadaa borindoolu le la, aniŋ baajooyoolu to. Ì naata ke siyolu ti, sii-wo-sii, a bee be sabatiriŋ a fansuŋ bankoo le kaŋ, ka bo kaabiila ka taa kaabiila. Aduŋ ì siyolu bee niŋ ì fansuŋ kaŋo le fanaa mu.

Jabuuroolu 147:2

Yaawe ye Yerusalaamu seyinkaŋ loo le, a ye Banisirayila moo mutariŋolu murundi naŋ ne.

Jabuuroolu 23:1

Yaawe* le mu n kantalaa ti, feŋ te n dasa la.

Jabuuroolu 72:10

Tarisi mansoolu, aniŋ baajooyoolu la mansoolu si naamoo joo a yaa. Seba niŋ Seeba bankoolu la mansoolu si soorifeŋolu dii a la.

Kuma Kotoomaalu 27:23

I ñanta i la beeyaŋ meseŋolu kalaŋo loŋ na le, aduŋ i si i hakilitu i la ninsoolu fanaa to,

Yesaya 24:14

Bari moolu mennu tuta baluuriŋ, ì be ì kaŋolu sikandi la le, ka sari seewoo kamma la. Ka bo tilijii maafaŋo la, ì ye Yaawe la mansabaayaa fo.

Yesaya 27:12

Wo luŋo la, ka bo naŋ Yufurati Boloŋo to fo Misira Wulumbaŋo to, Yaawe be a la moolu kiliŋ-kiliŋ bondi la ñoo to le, ko moo meŋ ka siimaŋo toñonka, ka a bo a kaloo bala.

Yesaya 40:1

Ali la Alla ko: “Ali n na moolu sabarindi, ali ye ì jusoo ñabu.

Yesaya 40:11

A ka a la moolu topatoo le ko kantarilaa ka koorewo kanta ñaameŋ. A ka saajiiriŋolu katandi a faŋo la le, ì ye tara a kara la. A ka saajii dimbaalu kenkeŋ kuuke le.

Yesaya 41:1

Alla ko: “Mennu be sabatiriŋ banku jamfariŋolu to, ali i deyi, ali ye i lamoyi n na, ali ali faŋolu bambandi, ali naa ali la kuwo samba naŋ kiitiidulaa to. Ali be siloo soto la le, ka diyaamu. Ali ŋà beŋ dulaa kiliŋ, fo ǹ si a loŋ tooñaa be meŋ bulu.

Yesaya 42:10

Alitolu mennu ka taama niŋ baa la, aniŋ a konokono feŋolu bee, alitolu banku jamfariŋolu, aniŋ mennu be sabatiriŋ jee, ali suukuu kutoo laa Yaawe ye, a la jayiroo ye bo naŋ duniyaa daŋo bee to.

Yesaya 42:4

A te keerikeeri la waraŋ ka jikilateyi, fo niŋ a ye tiliŋo londi ñiŋ duniyaa kono. Moolu mennu be banku jamfariŋolu to, be tara la ñaaniriŋ a la luwaalu le la.”

Yesaya 48:20

Ali finti Babiloni, ali ye bori Babiloninkoolu la! Ali seewootoo ye wuuri, ka ñiŋ kankulaa, duniyaa tonkoŋ naanoo bee ñanta a loŋ na le ko, Yaawe ye a la dookuulaa Yaakuba kumakaa le.

Yesaya 54:7

Ŋa i fili jee le fo waatindiŋ, bari m be i murundi la naŋ ne, kaatu m balafaata i ye baake le.

Yesaya 60:9

Safaari kuluŋolu le mu, ì be naa la le ka i la moolu seyindi naŋ. Ì niŋ ì la sanoo niŋ kodiforoo le be naa, aduŋ wo be horoma baa le naati la nte i Maarii Yaawe ye, Banisirayila la Senuŋ Baa, kaatu ŋa i fandi niŋ horomoo le la. Tooñaa-tooñaa, banku jamfariŋolu ka nte le juubee.

Yesaya 66:19

A ko: “M be kaawakuwo le fintindi la ì kono, aduŋ moo doolu mennu tankata n na ñiŋ kiitindiroo ma, m be ì kii la ñiŋ banku jamfariŋolu le kaŋ, Tarisi, Libiya, aniŋ Ludi bankoo, meŋ na moolu mu kalabeñe fayilaa baalu ti, ka taa fo Tubali, Jirisi, aniŋ banku jamfariŋolu mennu maŋ n na darajoo loŋ, waraŋ ka n na kallankeeyaa je. Ì be n na kallankeeyaa kankulaa la bankoolu kaŋ ne.

Yeremiya 23:4

M be kantarilaalu bula la ì kunna le, mennu be kali ì topatoo la. Ì te sila la kotenke, ì kija te ì fara la, sako kiliŋ si fili ì kono.” Yaawe le ye a fo.

Yeremiya 25:22

Tire niŋ Sidoni mansoolu fanaa bee, ka taa bankoolu mansoolu mennu be baadaa borindoo la baakoo,

Yeremiya 3:15

Bituŋ n si naa kantarilaalu ke ali kunna, mennu be ke la nte faŋo sondomoo la lafoo ti. Wolu be ali daañini la niŋ ñaameŋo niŋ fahaamuroo le la.

Yeremiya 50:17

Yaawe ko: “Banisirayila ka munta le saajiyolu, jatoolu ye mennu bayindi ka ì janjandi. Meŋ foloo ye i baluu a la, wo le mu Asiriya mansakewo ti. Silaŋ meŋ labanta a kuloolu feefee la, wo le mu Babiloni mansakewo Nebukanesa ti.”

Yeremiya 50:19

Bari m be Banisirayila murundi la a la bankoo kaŋ ne, a be i daañini la Karimeli Konkoo kaŋ ne, aniŋ Basani tundoo, ka taa Efurayimu* konkotundoo*, aniŋ Kileyadi konkotundoo kaŋ, a ye wasa ko a lafita a la ñaameŋ.

Esekiyeli 11:16

Maarii Yaawe ye ñiŋ ne fo ko: “A fo i baadiŋ Banisirayilankoolu ye, i niŋ mennu be mutoo kono ko: Tooñaa, nte Yaawe le ye a tinna ali taata wo bankoolu kaŋ daamennu jamfata ali la bankoo la, ŋa ali janjandi wo bankoolu kaŋ ne taariŋ. Bari hani wo, nte be ali fee le wo dinkiraalu to, fo ali si m batu noo wo bankoolu kaŋ ali be janjandiŋ daamennu to.

Esekiyeli 20:34

N na kamfaa waatoo la, m be ali diyaakuyaa bondi la naŋ niŋ m bulu sembemaa baa le la bantala bankoolu bee kaŋ, ali be janjandi daamennu to taariŋ.

Esekiyeli 34:12

Ko kantarilaa ka a la saajii filiriŋolu ñini ñaameŋ, niŋ a la saajii doolu janjanta ka taa kara doo la, m be taa n na saajiyolu ñini la wo le ñaama. M be ì bondi la naŋ dulaalu bee to le ì be janjandiŋ daamennu to, kasaaroo luŋo la, minaayoo niŋ dibi feŋ baa luŋo la.

Esekiyeli 37:24

“N na dookuulaa Dawuda le be ke la mansa ti ì kunna, aduŋ ì bee be kantarilaa kiliŋ ne soto la. Ì be n na saratoolu muta la le, aduŋ ì be bula la n na yaamaroolu nooma le.

Esekiyeli 5:10

Faalu si ì diŋolu faa ka ì domo, diŋolu ye ì faalu faa ka ì domo, aduŋ moo toomaalu, mennu tuta baluwo to, m be wolu bee janjandi la le taariŋ ka tara foñoo bulu karoo bee la.”

Esekiyeli 5:2

Niŋ luŋo meŋ na Yerusalaamu saatee sukoo kumfaata, i si wo kuntiñoolu talaadaa doo landi wo birikoo kaŋ, Yerusalaamu be nuuneeriŋ meŋ kaŋ, i ye a jani. I si talaadaa doo sepuŋ-sepuŋ hawusaroo* la, i ye a janjaŋ wo birikoo dandaŋo bee la. I ye talaadaa doo fayi santo ka janjaŋ foñoo kono. Nte faŋo le be hawusaroo buusi la a laa kono, ka bula ì nooma.

Daniyeli 11:18

Wo koolaa le mu a be naa a ñaa tiliŋ na bankoolu la, mennu be baa dandaŋo la, aduŋ a be jamaa le muta la ì kono. Bari kelediŋ kuntiyo doo le be a noo la keloo to, wo be a la faŋ waroo daŋ na le. A be a la faŋ waroo murundi la a faŋo kuŋo le kaŋ.

3 Musa 26:33

M be ali janjandi la banku koteŋolu kaŋ ne taariŋ, ka keloo naati ali kaŋ niŋ hawusaroo la. Ali la bankoo be ke la tumbuŋo le ti, ali la saatewolu ye kenseŋyaa.

Mika 2:12

Yaawe ye ñiŋ ne fo ko, “Alitolu Yaakuba koomalankoolu, a be koyiriŋ ne ko, m be ali bee kafu la ñoo ma le. M be Banisirayila moo toomaalu bee kafu la ñoo ma le. M be ali ñaatonkayaa la, ko niŋ ì be saajiyolu kenkeŋ kaŋ ì la buŋo kono, ko niŋ ì be beeyaŋ koorewo kenkeŋ kaŋ daañini dulaa to. Hadamadiŋolu maakaŋo doroŋ ne be moyi la ñiŋ dulaa to ì la siyaa kamma.”

Mika 4:6

Yaawe ye ñiŋ ne fo ko: “Luŋo be naa le, luŋo meŋ m be n na moolu kafu la ñoo ma. Ì la kuwo be le ko saajii lanjuurutoo, saajiyo meŋ filita. M be moolu bee kafu la ñoo ma le, ŋa niitooroo laa mennu kaŋ.

Mika 5:4

A be ke la a la moolu ye le ko saajii kantalaa, Yaawe la mansabaayaa semboo kaŋ, Yaawe, a la Alla too la waroo kaŋ. Ì la baluwo be tara la tankoo le kono, aduŋ a too la waroo be taa le fo duniyaa daŋo to.

Sefaniya 2:11

Yaawe be ì jaakalindi la le famfaŋ, a ye duniyaakono alloolu bee kasaara, ì ye mennu muta Alla ti. Bituŋ bankoolu moolu bee si naa sujudi ate doroŋ ye, moo-wo-moo a si a ke a faŋo la bankoo kaŋ.

Sefaniya 3:19

Ñiŋ waatoo la, n niŋ moolu le be maa la ñoo la, mennu ye ali toorandi. M be lanjuurutoolu tanka la le, ŋa moolu kafu ñoo ma mennu be janjandiŋ. M be horomoo niŋ buuñaa dii la ì la le, bankoolu kaŋ ì ye ì malundi mennu bee to.

Jakariya 10:8

“N si m buloo maa ì ye naŋ, ŋa ì kumbeŋ naŋ ñoo ma, kaatu nte le ye ì kiisa naŋ. Ì si siyaa ko ì be nuŋ ñaameŋ.

Jakariya 2:6

Yaawe ko, “Ali wuli, ali wuli! Ali bori naŋ ka bo Babiloni bankoo kaŋ, kaatu ŋa ali janjandi karoo bee le la.

Jakariya 9:16

Wo luŋo la, Yaawe, ì la Alla be ì tanka la le, kaatu a la dimbaayaa moolu le mu ì ti. Ì si ñeliñeli a la bankoo kaŋ ko bere ñiimaalu, ì ka mansanaafoo ñarandi mennu la.

Luka 12:32

Kafundiŋo, ali kana sila! A mu ali Faamaa ye seewoo le ti ka a la mansabaayaa dii ali la.

Yohana 10:27

N na saajiyolu ka n kaŋo suutee le. Aduŋ nte ka ì loŋ ne, aniŋ ì ka n nooma le.

Yohana 11:52

Aduŋ a la saayaa maŋ ke Yahuudoolu dammaa ye, bari Alla diŋolu bee, fo a si ì bee kafu ñoo ma ka ì ke kiliŋ ti, mennu be manee duniyaa kono taariŋ.

5 Musa 30:4

Hani niŋ ali janjanta duniyaa tonkoŋ fo tonkoŋ, Yaawe be ali kafu la ñoo ma le, a ye ali murundi naŋ.

5 Musa 32:26

N si ñiŋ noo le, ka ali janjandi dulaa jaŋolu to, moo hakili kana bula ali la kotenke.