Yeremiya 30:8 - Mandinka Bible

⁸ Yaawe Alihawaa Maariyo* ko: “Wo luŋo la, m be joŋyaa yookoo* kati la le ka bo ali toŋo to, ŋa ali la joŋyaa juloolu kuntu, ali te ke la luntaŋolu ye joŋolu ti kotenke.

Yeremiya 30:8 ပူးပေါင်းရင်းမြစ်များ

Jabuuroolu 107:14

A ye ì bondi dibi fiŋ baa niŋ niitooroo kono, a ye ì la joŋyaa joloolu kuntu ì la.

Yesaya 10:27

Wo luŋo la, ì la dunoo be bo la ali sañoolu kaŋ ne, ì la yookoo* ye bo ali toŋo to. Yookoo be kati la le, kaatu a be a tara la le, ali nunkujawuta.

Yesaya 14:1

Yaawe* be naa balafaa soto la Yaakuba koomalankoolu ye le. A be Banisirayilankoolu tomboŋ na le kotenke, a ye ì sabatindi ì fansuŋ bankoo kaŋ. Tumarankewolu be kafu la ì ma le, ì niŋ Yaakuba koomalankoolu ye ke kiliŋ ti.

Yesaya 14:25

M be Asiriya kelediŋ kafoo kasaara la n na bankoo kaŋ ne, ŋa ì doriŋ-doriŋ n na konkoolu kaŋ. Ì la yookoo* be bo la n na moolu toŋo to le, ì ye dunoo meŋ laa ì sañoolu kaŋ, fanaa ye bo.

Yesaya 14:3

Niŋ Yaawe ye dahaa dii ali la luŋo meŋ na, ka bo bataa kono, jaraboo aniŋ joŋyaa koleŋo,

Yesaya 9:4

Yookoo* meŋ ka ì mantoora, i ye a kati le, aniŋ dokoo meŋ be laariŋ ì sañoolu kaŋ. Ì mantooralaalu la busoo, i ye a kati le, ko i ye Midiyani la busoo kati nuŋ ñaameŋ.

Yeremiya 2:20

Yaawe ko: “Biriŋ waati jaŋ koomanto le ite Banisirayila ye i la yookoo* kati, i ye i la juloolu kuntu ka balaŋ. I ko i te m batu la. Silaŋ, konko jaŋolu meŋ-wo-meŋ kaŋ, yirisuŋ biireeriŋolu koto taariŋ, i ka laañooyaa tuluŋo ke le ko cakoo.

Yeremiya 25:14

Banku jamaalu, aniŋ mansakee sembemaalu le be itolu Babiloninkoolu joŋyandi la. M be ì joo la ì kekuwolu la le, aniŋ ì buloolu la dookuwo.”

Yeremiya 27:2

Yaawe ye ñiŋ ne fo n ye ko: “Julukesoo niŋ dokoolu taa, ka yookoo* dadaa, i ye a ke i toŋo to.

Yeremiya 27:7

Banku koteŋolu bee le be a batu la, ka taa hani a dinkewo niŋ a mamarinkewo fanaa, fo a fanaa la bankoo boyindi waatoo ye sii. Wo to le banku baalu niŋ mansakee baalu si naa a la bankoo ke ì la marataa ti.

Yeremiya 28:10

Wo to le Hananiya ye yookoo bondi nte Yeremiya toŋo to, a ye a katiŋ-katiŋ.

Yeremiya 28:13

n si taa a fo Hananiya ye ko, a ye babara yookoo kati le, bari Yaawe be nee yookoo le seyi la wo noo to.

Yeremiya 28:4

A be Yahuuda mansakewo Yehoyahini, Yehoyakimu dinkewo fanaa murundi la naŋ ne, ka taa Yahuuda moolu bee, ì ye mennu samba mutoo kono Babiloni bankoo kaŋ. A be koyiriŋ ne ko, a be Babiloni mansakewo la marali yookoo kati la le. Yaawe le ye a fo.”

Esekiyeli 30:18

Wo luŋo be ke la luŋ dibiriŋ ne ti Tapanesi saatewo kono, niŋ ŋa Misirankoolu la kaŋo niŋ ì semboo bee tiñaa ì bulu, ì ye mennu soto bankoo doolu kunto. I si a je, ì la faŋ waroo meŋ ye a tinna ì ka kibiri, si daŋ. A be ke la diboo waatoo le ti Misira bankoo kaŋ, aniŋ a wo moo toomaalu ye taa mutoo kono.

Esekiyeli 34:27

Yiroolu mennu be wuloo kono be diŋ betoolu diŋ na le. Bankoo be neemafeŋolu fintindi la ka siyaa, aduŋ n na moolu be tanka la ì la bankoo kaŋ ne. Ŋa yookoo* kati meŋ be laariŋ ì toŋolu kaŋ, aniŋ ŋa ì kanandi wo moolu bulu mennu ye ì joŋyandi. Wo to le ì be a loŋ na ko, nte le mu Yaawe ti, ì Maariyo.

Nahumu 1:13

Ì la maraloo yookoo* meŋ be laariŋ ali kaŋ, m be a bondi la ali kaŋ ne, ŋa ì la joŋyaa juloo kuntu ali kaŋo la.”