Yeremiya 30:22 - Mandinka Bible

²² “Wo to le ali be ke la n na moolu ti, ŋa ke ali la Alla ti.”

Yeremiya 30:22 ပူးပေါင်းရင်းမြစ်များ

2 Musa 6:7

M be ali ke la m fansuŋ moolu le ti, aduŋ nte le be ke la ali la Alla ti. Ali be a loŋ na le ko, nte le mu Yaawe ali la Alla ti, niŋ ŋa ali bondi joŋyaa kono Misira.

Suukuwo 2:16

N jusukuŋo mu n taa le ti, nte fanaa mu a taa ti. A ka a faŋ seewondi firi ñiimaalu le kono.

Yeremiya 11:4

Ŋa kambeŋo le siti n niŋ ì mumuñolu teema, kabiriŋ ŋa ì bondi naŋ Misira bankoo kaŋ, ì be jaraboo kono nuŋ daameŋ ko niŋ ì be fuuri dimbaa le kono. Ŋa ñiŋ ne fo ì ye nuŋ ko, ì si n na kumakaŋolu muta, ka kuwolu bee ke ŋa ì yaamari mennu la. Wo to le ì be ke la n na moolu ti, ŋa ke ì la Alla ti.

Yeremiya 24:7

M be sondomoo ke la ì la le fo ì si a loŋ ko, nte le mu Yaawe ti. Ì be ke la n na moolu le ti, ŋa ke ì la Alla ti, kaatu ì be muru la n kaŋ niŋ ì sondomoo bee le la.”

Yeremiya 31:1

Yaawe* le ye ñiŋ fo ko: “Wo waatoo la m be ke la Banisirayila lasiloolu bee le la Alla ti, aduŋ ì be ke la n na moolu le ti.”

Yeremiya 31:33

“M be kambeŋ kutoo meŋ siti la n niŋ Banisirayila teema, wo luŋolu la, a be ke la ñiŋ ne ti: M be n na yaamaroolu ke la ì hakiloolu kono le, ŋa ì safee ì sondomoolu bala. M be ke la ì la Alla le ti, aduŋ ì be ke la n na moolu le ti.

Yeremiya 32:38

Ì be ke la n na moolu le ti, ŋa ke ì la Alla ti.

Esekiyeli 11:20

Niŋ wo keta, ì be bula la n na luwaalu niŋ n na yaamaroolu nooma le, ì si soŋ ka ì muta kuuke. Wo to le, ì be ke la n na moolu ti, ŋa ke ì la Alla ti.

Esekiyeli 36:28

Ali be sabati la wo bankoo kaŋ ne ŋa meŋ dii ali mumuñolu la. Ali be ke la n na moolu le ti, ŋa ke ali la Alla ti.

Esekiyeli 37:27

N na sabatidulaa be tara la ì kono le, aduŋ nte le be ke la ì la Alla ti, aniŋ itolu le be ke la n na moolu ti.

Hoseya 2:23

M be n na moolu fii la m faŋo ye bankoo kaŋ ne, m be balafaa soto la Lo-Ruhama ye le, ŋa a fo Lo-Ammi ye ko, ‘Ali mu n na moolu le ti,’ aduŋ ì si a fo n ye ko, ‘Ite le mu ǹ na Alla ti.’ ”

Jakariya 13:9

Talaadaa sabanjaŋo, m be wolu seneyandi la dimbaa le la, ko ì ka kodiforoo seneyandi ñaameŋ. M be ì kotobo la le, ko ì ka sanoo kotobo ñaameŋ. Ì be n too kumandi la le, aduŋ m be n danku la ì ma le. N si a fo ko, ‘Ì mu n na moolu le ti.’ Ì fanaa si a fo ko, ‘Yaawe le mu ǹ na Alla ti.’ ”

Jakariya 8:8

M be ì murundi la naŋ ne, ì ye sabati Yerusalaamu. Ì si ke n na moolu ti, ŋa ke ì la Alla ti foroyaa kono, aniŋ tiliŋo.

Matiyu 22:32

‘Nte le mu Iburayima la Alla ti, Isiyaaka la Alla, aniŋ Yaakuba la Alla.’ A maŋ ke furewolu la Alla ti, bari baluuriŋolu.”

Hiburunkoolu 8:10

“M be kambeŋ kutoo meŋ siti la n niŋ Banisirayila teema, niŋ wo luŋolu tambita, a be ke la ñiŋ ne ti: M be n na yaamaroolu ke la ì hakiloolu kono le, ŋa ì safee ì sondomoolu bala. M be ke la ì la Alla le ti, aduŋ ì be ke la n na moolu le ti.” Maariyo le ye a fo.

Lankenemoo 21:3

N naata kumakaŋ baa moyi ka bo mansasiiraŋo to. A ko, “A juubee, Alla la sabatidulaa be hadamadiŋolu fee le. A be tara la ì fee le, aduŋ ì be ke la a la moolu le ti. Alla faŋo be tara la ì fee le ka ke ì la Alla ti.