Yeremiya 30:20 - Mandinka Bible

²⁰ Ì diŋolu be ke la le ko ì tarata ñaameŋ kotooke, ì jamaa moolu ye londi kuu n ñaatiliŋo la. M be ì toorandilaalu bee jarabi la le.

Yeremiya 30:20 ပူးပေါင်းရင်းမြစ်များ

Yeremiya 32:39

M be ì ke la sondome kiliŋ ne ti, aniŋ ka tara sila kiliŋ, fo n ñaasilaŋo si tara ì kono fo abadaa. Wo be ke la ì faŋolu la nafaa le ti, aniŋ ì koomalankoolu la nafaa.

Yeremiya 2:3

Ite Banisirayila mu nte Yaawe taa senuŋo le ti, i keta n ye le ko n na fiifeŋ kuŋ foloolu. Mennu bee ye i maa, ŋa ì muta kuu la le, aduŋ ŋa kuu jawu le laa ì kaŋ.” Yaawe le ye a fo.

Yesaya 51:22

I Maarii Yaawe, i la Alla meŋ ka loo a la moolu ye, a ye ñiŋ ne fo ko: “A juubee, wo mindaŋo meŋ ka i timili-tamalindi, ŋa a taa i bulu le, wo kamfaa mindammaa meŋ, i ka i miŋ a la, i te i miŋ na a la kotenke.

Yesaya 49:26

M be a ke la le, i toorandilaalu ye ñoo faa. Ì faŋolu yeloo le be ì siirandi la ko doloo. Wo to hadamadiŋolu bee be a loŋ na le ko, nte Yaawe le mu i Kiisandirilaa ti, i Kumakaalaa, Yaakuba la Alla Tallaa.”

Jabuuroolu 102:28

Ntolu mu i la dookuulaalu le ti, aduŋ ǹ koomalankoolu be sii la tankoo le kono. Itolu fanaa koomalankoolu be tenteŋ na le ka baluu i ñaa koto.”

Jabuuroolu 102:18

Nte le ye a fo ko, “Ali ñiŋ kuwo safee jamaani naalaalu ye, ñiŋ kamma la moolu mennu maŋ wuluu foloo, si Yaawe jayi ko:

Yeremiya 30:16

“Bari silaŋ, mennu ye i baluu ali la, ì fanaa be ke la baluutaa ti le, aduŋ ali konnantewolu kiliŋ-wo-kiliŋ be taa mutoo kono le. Mennu ye ali ke ñapinkaŋ feŋo ti, ì be ke la ñapinkaŋ feŋo ti le. Mennu ye ali ke buusi feŋo ti, ì be ke la buusi feŋo ti le.

Yesaya 54:14

I be tara la bambandiŋ tiliŋo le kaŋ. Mantooroo be jamfa la i la le, i kijoo te fara la, silaŋ kuu baa fanaa te kata la i la.

Jakariya 8:5

Saatewo si faa sunkutundiŋolu niŋ kambaanendiŋolu la, ì ye tara feeyaa la a mbeedoolu kaŋ.

Jakariya 10:8

“N si m buloo maa ì ye naŋ, ŋa ì kumbeŋ naŋ ñoo ma, kaatu nte le ye ì kiisa naŋ. Ì si siyaa ko ì be nuŋ ñaameŋ.

Niikuyaa Suukuwolu 5:21

Yaawe, dukaree, m̀ murundi i faŋ kaŋ, fo ǹ si muru naŋ, i ye ǹ na baluwo kutayandi ko koomanto.

Jakariya 10:6

“M be Yahuuda moolu bambandi la le, ŋa Yusufa koomalankoolu kiisa. M be ì murundi la naŋ ne, kaatu m baloo faata ì ye le. Ì si ke ko, n nene maŋ m baŋ nuŋ mennu to. Nte le mu Yaawe ti, ì la Alla, m be ì la duwaa jaabi la le.