Yeremiya 30:19 - Mandinka Bible

¹⁹ Tenturu suukuwolu le be kali kuma la naŋ ì kono, aniŋ moolu la seewoo wuurikaŋo. M be ì yaatewo siyandi la le, ì kana dooyaa, ŋa ì buuñandi, moo kana ì malundi kotenke.

Yeremiya 30:19 ပူးပေါင်းရင်းမြစ်များ

Yeremiya 33:22

M be n na dookuulaa Dawuda koomalankoolu siyandi la le, aniŋ Lewi lasiloo moolu, mennu ka piriisiyaa dookuwo ke n ye, ka ke komeŋ looloolu, moo te mennu yaatee noo la, waraŋ baa daala keñoo, moo te meŋ sumaŋ noo la.”

Yesaya 51:11

Yaawe ye moolu mennu kumakaa, be muruŋ na le. Ì niŋ suukuwo le be duŋ na Siyoni*. Ì be tara la seewoo bambaloo le kono. Niikuyaa niŋ woosiyo be jamfa la ì la le, kontaanoo niŋ seewoo ye ì futufaa.

Yesaya 60:22

Dimbaayaa meŋ maŋ siyaa i kono, be naa ke la kaabiila baa le ti, meŋ dooyaabaata si naa ke banku baa ti. Nte le mu Yaawe ti. Niŋ a waatoo siita, m be a ke la tariyaake le.”

Yesaya 35:10

Yaawe ye moolu mennu kumakaa le be muruŋ na Siyoni*, ì niŋ suukuwo le be duŋ na jee, seewoo bambaloo ye tara ì fee. Niikuyaa niŋ niifitiyo be taa le, kontaanoo niŋ seewoo ye ì futufaa.

Esekiyeli 36:37

Maarii Yaawe ye ñiŋ ne fo ko: “M be soŋ na le Banisirayilankoolu ye n daani ka ì la moolu siyandi komeŋ beeyaŋ koorewolu ka siyaa ñaameŋ.

Jakariya 10:8

“N si m buloo maa ì ye naŋ, ŋa ì kumbeŋ naŋ ñoo ma, kaatu nte le ye ì kiisa naŋ. Ì si siyaa ko ì be nuŋ ñaameŋ.

Yeremiya 31:4

M be i lookuu la le kotenke, ite, n Dimmusuriŋ* Banisirayila, aduŋ i be seyinkaŋ loo la le. I be i la tambuuroolu sika la le kotenke, i ye finti banta, i niŋ seewootoolu ye i doŋ.

Jakariya 12:8

Wo luŋo la, m be Yerusalaamunkoolu tanka la le. Hani ì bee moo lamfuriŋo, a semboo si ke ko Mansa Dawuda semboo, aduŋ Dawuda koomalankoolu be ì ñaatonkayaa la le ko nte Alla, ko nte Yaawe la malaayikoo.”

Jakariya 8:19

Yaawe Alihawaa Maariyo ye ñiŋ ne fo ko: Ali ka luŋolu mennu suŋ saŋo kari naaninjaŋo, kari luulunjaŋo, kari woorowulanjaŋo, aniŋ kari tanjaŋo la, wolu be ke la seewoo niŋ kontaani waatoo le ti, ka ke Yahuuda moolu ye juurali luŋolu ti. Wo to ali tooñaa niŋ kayiroo kanu.

Esekiyeli 37:26

N niŋ ì be kayira kambeŋo le siti la, aduŋ a be ke la kambeŋ ne ti, meŋ te tiñaa la muumeeke. M be neema la ì ma le, ŋa ì jiidindi ka siyaa, aduŋ m be n na Batudulaa Senuŋo tu la looriŋ ì la bankoo le kaŋ fo abadaa.

Yesaya 12:1

Wo luŋo la, i be a fo la le ko: “Hee Yaawe*, m be i jayi la le! I kamfaabaata n kamma ñaa-wo-ñaa, i la kamfaa banta le, i ye n ñaajiyo fita.

Nehemiya 8:12

Bituŋ moolu bee janjanta ka taa domoroo la aniŋ ka miŋ feŋolu miŋ, aduŋ ì ye moo doolu niibo le, ka juuraloo ke niŋ seewoo baa la. Ì ye ñiŋ ke le kaatu ì ye kumoolu fahaamu le mennu bankeeta ì ye.

Esira 6:22

Bituŋ ì ye Mbuuru Leweñintaŋo Juuraloo* ke niŋ seewoo la fo tili woorowula, kaatu Yaawe ye ì seewondi le, tumoo meŋ a ye Asiriya mansakewo hakiloo faliŋ ì la kuwo to. Wo ye a tinna le Asiriya mansakewo ye ì maakoyi Alla Batudulaa Buŋo loo la, Banisirayila la Alla.

1 Pita 1:7

Ka bo niŋ wo kotoboroo le la, ali la lannoo la foroyaa be je la ko, a nafaa warata ka tambi sanoo la, meŋ na foroyaa fanaa ka loŋ niŋ dimbaa la. Wo to le, ali la kuwo be ke la tenturoo, jayiroo, aniŋ horomoo sababoo ti, Yeesu Kiristu be muru la naŋ waatoo meŋ na.

Yesaya 60:19

“Tiloo te ke la i ye maloo ti kotenke tilibuloo, sako karoo la diyaa si mala i kaŋ suutoo, kaatu nte Yaawe le be ke la i ye badaa-badaa maloo ti, nte i la Alla ye ke i ye fanuñaa ti.

Yesaya 52:9

Yerusalaamu tumbuŋolu, ali wutu ñoo la ka seewootoo suukuwo laa, kaatu Yaawe ye a la moolu sabarindi le, a ye Yerusalaamu kumakaa.

Jakariya 2:4

A ko a ye ko, “Bori, i ye a fo wo fondinkewo ye ko, Yerusalaamu saatewo be faa la moo la le tep, aniŋ beeyaŋo, fo labaŋo la a te jari la ka a tata.”

Yeremiya 31:27

Yaawe ko: “A juubee, luŋolu be naa le, m be Banisirayila bankoo niŋ Yahuuda bankoo fandi la hadamadiŋo niŋ beeyaŋolu la le.

Yesaya 51:3

Tooñaa-tooñaa, Yaawe be Siyoninkoolu* sabarindi la le, aduŋ a be balafaa soto la ì ye le, ì la saatewo tumbunta ñaameŋ. A be ì la wuloo ke la le ko Edeni naakoo, ì la keñewuloo* ye ke ko Yaawe la naakoo. Ì be seewoo niŋ kontaanoo soto la jee le, ì ye Alla tentu niŋ suukuulaa la.

Yesaya 27:6

Waati le be naa, Yaakuba koomoo be suloo duŋ na le ko yiroo, Banisirayila si soroŋ, a ye firi, a ye duniyaa bee fandi a diŋolu la.

Jabuuroolu 53:6

M be ñaaniriŋ ne fo kiisoo si bo Banisirayila ye naŋ Siyoni*. Niŋ Alla ye a la moolu murundi firiŋo kono, Yaakuba koomalankoolu si seewoo, Banisirayilankoolu bee si jusulaa.

Nehemiya 8:17

Moolu mennu bee seyita naŋ ka bo mutoo kono, ye jembereŋolu loo le ka sabati ì kono. Ka bo Nuni dinkewo Yosuwa la waatoo la ka naa bula wo luŋo la, Banisirayilankoolu nene maŋ a juura teŋ. Aduŋ ì seewoota baake le.

Yohana 17:22

Ŋa semboo niŋ waroo dii ì la le, i ye meŋ dii n na, fo ì si ke kiliŋ ti, ko m̀ mu kiliŋ ti ñaameŋ.

Yesaya 60:9

Safaari kuluŋolu le mu, ì be naa la le ka i la moolu seyindi naŋ. Ì niŋ ì la sanoo niŋ kodiforoo le be naa, aduŋ wo be horoma baa le naati la nte i Maarii Yaawe ye, Banisirayila la Senuŋ Baa, kaatu ŋa i fandi niŋ horomoo le la. Tooñaa-tooñaa, banku jamfariŋolu ka nte le juubee.

Yesaya 55:5

Tooñaa-tooñaa, i be bankoolu le kumandi la, i maŋ mennu loŋ, aduŋ bankoolu mennu maŋ i loŋ, wolu niŋ tariyaa le be naa i kaŋ. Nte Yaawe i la Alla, Banisirayila la Senuŋ Baa la kuwo le be a saabu la, kaatu ŋa i fandi niŋ horomoo le la.”

Yeremiya 17:26

Moolu be kali bo la naŋ Yahuuda saatewolu to le, aniŋ Yerusalaamu dandanna saateeriŋolu to. Ì be bo la naŋ Benjamini tundoo kaŋ ne, aniŋ Sefela* tundoo la, konkotundoo* to, aniŋ Nekefu* tundoo. Ì be jani sadaalu* niŋ beeyaŋ sadaalu naati la le, siimaŋ sadaalu, cuuraayi sadaalu, aniŋ tenturulaŋ sadaalu Yaawe Batudulaa Buŋo* to.

Esekiyeli 37:10

Wo to le n naata ñiŋ kiilaariyaa kumoo fo, ko Yaawe ye n yaamari ñaameŋ. Bituŋ niyo dunta ì la, ì wulita, ì loota ì moo fula siŋo la. Ì keta moo jamaa baa le ti.

Yesaya 26:15

Hee Yaawe, i ye ǹ na bankoo warandi le, i ye ǹ na bankoo warandi, ka buuñaa naati i faŋo ye, i ye bankoo naanewolu bee lafaa le.

Yeremiya 3:16

Wo waatoo la, niŋ ali yaatewo siyaata kendeke bankoo kaŋ, kunuŋ tiloolu te ali loo la kotenke, ka a fo ko, ‘Kooni, Yaawe la Kambeŋ Kunewo*.’ Ali te Kambeŋ Kunewo la kumoo fo la fereŋ, sako a la kuwo si bula ali hakiloo kono. A la kuwo te ali loo la, sako ali si a ñoŋ doo dadaa.