Yeremiya 30:11 - Mandinka Bible

¹¹ M be ali fee le ka ali kiisa.” Yaawe le ye a fo. “M be wo bankoolu bee le buruka la, ŋa ali janjandi mennu kaŋ taariŋ, bari n te alitolu buruka la. M be ali kuluu la le ko a ñanta ñaameŋ. N te ali bula la muk, m maŋ ali kuluu.”

Yeremiya 30:11 ပူးပေါင်းရင်းမြစ်များ

Yeremiya 10:24

Yaawe, n kuluu, bari i si a ke i la tiliŋo kaŋ, i kana a ke i la kamfaa kaŋ, i kana taa n labaŋ.

Yeremiya 1:19

Ì be i kele la le, bari ì te kuu noo la i ma, kaatu m be tara la i fee le, ka i tanka.” Yaawe le ye a fo.

Yeremiya 4:27

Yaawe ye ñiŋ ne fo ko: “Bankoo bee be kenseŋyaa la le, bari n te a muumewo buruka la fereŋ.

Yeremiya 1:8

Kana sila ì la, kaatu m be tara la i fee le ka i tanka.” Yaawe le ye a fo.

Yesaya 8:10

Ali feeroo siti ñoo kaŋ, bari a be ke la kenseŋo le ti. Ali si diyaamu, bari a kumoo te loo la, kaatu Alla be ntolu fee le.

2 Timoti 4:22

Maariyo ye tara i la nooroo fee. A la hiinoo ye tara ali fee.

Kiilaalu 18:10

kaatu nte be i fee le. Moo te i boyinkaŋ noo la ka i toorandi. Ŋa moo jamaa le soto ñiŋ saatewo kono.”

Matiyu 28:20

Ali si ì karandi ka kumoolu bee muta, nte ye ali yaamari mennu la. Aduŋ nte be tara la ali fee le waati-wo-waati hani fo duniyaa dandulaa to.”

Yeremiya 15:20

M be i ke la ñiŋ moolu ye le komeŋ tata sansaŋo meŋ dadaata newo la. Ì be i kele la le, bari ì te kuu noo la i ma, kaatu m be tara la i fee le, ka i kiisa aniŋ ka i tanka.” Yaawe le ye a fo.

Yeremiya 5:18

Yaawe ko, “Bari hani wo luŋolu la, n te ì muumewo kasaara la.

Yeremiya 5:10

A ko: “Ali i seyiŋ a wayini* yiri kankaŋolu kono ka ì kuntu, bari ali kana ì bee kasaara kewu. Ali a buloolu jasi, bayiri wo moolu maŋ ke nte Yaawe taa ti.

Jabuuroolu 6:1

Hee Yaawe*, kana n jalayi i la kamfaa kaŋ, waraŋ ka n kuluu i la diminnaa kaŋ.

Matiyu 1:23

“A juubee, sunkutoo be konoo taa la, aduŋ a be dinkewo le wuluu la. Ì be a kumandi la Immanuweli le la, meŋ kotoo mu ‘Alla be ntolu fee le.’ ”

Esekiyeli 11:13

M be ñiŋ kiilaariyaa kumoolu fo kaŋ waati meŋ na doroŋ, Pelatiya, Benaya dinkewo boyita, a faata. Wo to le, ŋa m fayi bankoo to, m bitita n ñaadaa kaŋ, n wuurita santo ko, “M Maarii Yaawe, fo i be Banisirayila moo toomaalu bee turutumbuŋ na le baŋ?”

Yesaya 43:25

Nte, nte faŋo le ye ali la junuboolu tuutuu n na kuwo kamma la, aduŋ n hakiloo maŋ bula ali la junuboo la kotenke.

3 Musa 26:44

Bari hani wo bee de, waatoo meŋ ali be tara la ali jawoolu la bankoo kaŋ, nte te alitolu ke la wo ñaama, ka jutu ali la. N te soŋ na ñiŋ na, ka ali kasaara fereŋ, ka n na kambeŋo tiñaa n niŋ ali teema. Nte le mu Yaawe ali la Alla ti.

5 Musa 4:31

Yaawe le mu Alla ti meŋ hiinanteeyaata. Wo kamma la, a te i bo la ali to, waraŋ ka ali kasaara. A te ñina la kambeŋo la, a ye i kali ali mumuñolu ye meŋ na.

Niikuyaa Suukuwolu 3:22

Yaawe la kanu bambaloo nene maŋ kuntu ǹ ye, a la konotodiyaa kuwolu nene buka baŋ.

Esekiyeli 6:8

“Mennu kanata keloo to, m be doolu tu la jee le, ì ye baluu, bari m be ì janjandi la bantala bankoolu* le kaŋ taariŋ.

Hoseya 11:9

N te n na jusukandoo jii la ali kaŋ, sako n si Efurayimu kasaara. Nte mu Alla Senuŋ Baa le ti, meŋ be ali fee, m maŋ ke hadamadiŋo ti. N niŋ jusukandoo te naa la ali kaŋ.

2 Musa 34:7

N ka n na kanoo yitandi jamaani wuliwuloolu le la, ka yamfa ke kuu jawu kewo la, tilimbaliyaa aniŋ junuboo. Hani wo, m buka moo boyiriŋolu tu jee. N ka ì diŋolu niŋ wolu fanaa diŋolu jarabi ì la alifaalu la junuboolu la le, ka taa fo ì jamaani sabanjaŋo niŋ naaninjaŋo to.”

2 Samuweli 24:12

“Taa a fo Dawuda ye ko: Yaawe ye ñiŋ ne fo ko: M be kuu saba le laa la i ye. I si kiliŋ tomboŋ wo saboo kono, n si meŋ ke i la.”